ల‌వ్ స్టోరీలు ఎన్నిసార్లు చూసినా, ఫ్రెష్‌గానే క‌నిపిస్తాయి. కాక‌పోతే.. తీసే విధానం బాగుండాలి. హీరో, హీరోయిన్ల మ‌ధ్య కెమిస్ట్రీ కొత్త‌గా ఉండాలి. క‌థ‌లో సంఘ‌ర్ష‌ణ పాత‌దే అయినా, దాన్ని ఈత‌రానికి న‌చ్చేలా తీయ‌గ‌ల‌గాలి. ఇవన్నీ `ఖుషి` ట్రైల‌ర్‌లో పుష్క‌లంగా క‌నిపిస్తున్నాయి.
విజ‌య్ దేవ‌ర‌కొండ, స‌మంత జంట‌గా న‌టించిన చిత్ర‌మిది. శివ నిర్వాణ ద‌ర్శ‌కుడు. సెప్టెంబ‌రు 1న విడుద‌ల అవుతోంది. ఇప్పుడు ట్రైలర్ బ‌యట‌కు వ‌దిలారు. క‌శ్మీర్ లో మొద‌లైన ఓ రొమాంటిక్ క్యూట్ స్టోరీ ఇది. బేగం.. బేగం అంటూ విజ‌య్ స‌మంత వెంట పడడం, వ‌చ్చీ రాని హిందీలో తెలుగు మిక్స్ చేసి మాట్లాడ‌డం, ఆ త‌ర‌వాత స‌మంత బేగ‌మ్ కాదు, బ్రాహ్మిణ్ అని అర్థమ‌వ్వ‌డం ఇవన్నీ స‌ర‌దాగా, రొమాంటిక్ గా చూపించారు. `అది నా పిల్ల` అంటూ విజ‌య్ స‌మంత‌ని ఉద్దేశించి అన‌డంలో `అర్జున్ రెడ్డి `ట‌చ్ క‌నిపించింది. క్రిస్టియ‌న్ అబ్బాయికీ, బ్రాహ్మిణ్ అమ్మాయికీ పెళ్లి జ‌రిగితే, ఆ కాపురం ఎలా ఉంటుంది? వాళ్ల మ‌ధ్య ఈగోలు, గొడ‌వ‌లూ, గోల‌లూ ఎలా ఉంటాయి? ప్రేమించుకొనే స‌మ‌యంలో ప్ల‌స్సులు, ఆ త‌ర‌వాత మైన‌స్పులుగా ఎలా మార‌తాయి? బెస్ట్ క‌పుల్‌గా ఉండాల‌ని నిర్ణ‌యించుకొన్న ఓ జంట.. ఆ త‌ర‌వాత ఎలాంటి ఇబ్బందులు ప‌డ్డారు? ఇదే ఈ సినిమా క‌థ. ట్రైల‌ర్‌లో కూడా ఇదే చూపించారు. మొత్తానికి ట్రైల‌ర్‌తోనే శివ నిర్వాణ క‌థంతా చెప్పేశాడు. విజ‌య్ ఎక్స్‌ప్రెష‌న్స్‌, స‌మంత లుక్స్ క్యూట్ గా ఉన్నాయి. విజువ‌ల్స్‌, ఆ క‌ల‌ర్స్ అన్నీ నీట్ గా ఉన్నాయి. పాట‌లు ఇప్ప‌టికే హిట్టు. తెర‌పై అవి మ‌రింత అందంగా వ‌స్తే.. ట్రైల‌ర్‌లో క‌నిపించిన మూడ్‌.. సినిమాలోనూ ఉంటే, విజ‌య్ ఖాతాలో మ‌రో హిట్టు పడడం ఖాయం.
Idhi. Phat avvadam khayam. Copy. Picture. Miss amma ,Rajarajeshwari coffee. Club . Hero , heroine lu iddaru. Extra chestunnaru
Idhi pakka. Flop.
Nagitive enduku bro