జనసేనతో కమ్యూనిస్టులది వన్ సైడ్ లవ్వేనా..?

కమ్యూనిస్టు పార్టీలు.. తెలంగాణలో తమ రాజకీయ పోరాటాల్ని వేరువేరుగా చేసుకుంటున్నాయి. సీపీఐ కాంగ్రెస్, టీడీపీ, టీజేఏస్‌లతో కలిసి మహాకూటమిగా ఎర్పడింది. సీపీఎం మాత్రం.. బహుజన లెఫ్ట్ ఫ్రంట్ అనే కూటమిని ఏర్పాటు చేసుకుని విడిగా పోటీ చేస్తోంది. జనసేనను కూడా ఈ కూటమిలో ఆహ్వానించారు. పొత్తు కోసం… సీపీఎం తెలంగాణ కార్యదర్శి తమ్మినేని వీరభద్రం చాలా ప్రయత్నాలు చేశారు. కానీ.. తమ్మినేని వీరభద్రానికి పవన్ కల్యాణ్ కనీసం కలిసే చాన్స్ కూడా ఇవ్వలేదు. దాంతో.. తెలంగాణ విషయం మరుగున పడిపోయింది. ఇప్పుడు… ఏపీలో పొత్తులపై చర్చ జరుగుతోంది. జాతీయ రాజకీయాలు .. తెలంగాణతో పొత్తు సంగతేమో కానీ.. ఏపీలో మాత్రం తమ పయనం.. జనసేనతో పాటే ఉంటుందని… రెండు కమ్యూనిస్టు పార్టీల కార్యదర్శులు ముక్త కంఠంతో చెబుతున్నారు.

తెలంగాణలోలా.. ఏపీ కమ్యూనిస్టులు.. సీపీఐ, సీపీఎం విడివిడిగా పోవడం లేదు. పోరాటాలు సహా.. అన్నీ కలసి కట్టుగానే చేస్తున్నారు. సీపీఎం మధు, సీపీఐ రామకృష్ణ ఏదైనా కలిసే చేస్తున్నారు. జనసేన అధినేత పవన్ కల్యాణ్‌తో కలసి పని చేస్తున్నారు. మొదట… దేని గురించి చెప్పాల్సి వచ్చినా.. పవన్ కల్యాణ్.. కమ్యూనిస్టుల గురించి చెప్పేవారు. రేపు వెళ్లి కమ్యూనిస్టులతో భేటీ అయి ఆ తర్వాత పోరాట ప్రణాళిక సిద్దం చేసుకుంటామని చెప్పేవారు. మొదట్లో కొన్ని కార్యక్రమాలు చేశారు. ఆ తర్వాత పవన్ కల్యాణ్.. కమ్యూనిస్టుల్ని పట్టించుకోవడం మానేశారు. వారు ఏ కార్యక్రమం పెట్టినా పవన్ కల్యాణ్ ను పిలుస్తారు. కానీ పవన్ వెళ్లారు. జనసేన ఏ కార్యక్రమం పెట్టినా కమ్యూనిస్టుల్ని పిలవరు.. కానీ వాళ్లు వెళ్తారు. అంటే… కమ్యూనిస్టు పార్టీలే పవన్ కల్యాణ్ వెంట వెళ్లేందుకు ఉత్సాహ పడుతున్నాయి.

మధ్యలో ఓ ప్రత్యామ్నాయ వేదిక పెడుతున్నామని.. దానికి పవన్ కల్యాణే ముఖ్యమంత్రి అభ్యర్థి అని ప్రకటించారు కూడా. కానీ పవన్ కల్యాణ్ టెంప్ట్ కాలేదు. ఆయన దోవలోనే ఆయన వెళ్తున్నారు. కానీ కమ్యూనిస్టు పార్టీ నేతలు మాత్రం ఆశలు వదులుకోవడం లేదు. పవన్ కల్యాణ్‌తో కలిసే వెళ్తామని.. ఇప్పటికీ నమ్మకం ఉందని.. తాజాగా సీపీఐ నేత నారాయణ ప్రకటించారు. బీజేపీ, వైసీపీతో వెళ్తే మటుకు … జనసేన జోలికి పోబోమంటున్నారు. అంత వరకూ బాగానే ఉన్నా.. అసలు ఇంత వరకూ పవన్ కల్యాణ్ నోటి వెంట… కమ్యూనిస్టులతో కలిసి ఎన్నికల పోరాటం చేస్తామన్న ఒక్క మాట కూడా రాలేదు. జగన్ , బీజేపీపై సాఫ్ట్ కార్నర్ ప్రదర్శిస్తున్నారు కానీ.. వాటితోనూ కలిసి పోటీ చేస్తామని చెప్పడం లేదు. అన్ని స్థానాల్లో పోటీ చేసి బలం నిరూపిస్తామని అంటున్నారు .. కలసి వస్తామంటున్న కమ్యూనిస్టుల గురించి కనీస ప్రస్తావన కూడా చేయడం లేదు. అంతే కాదు.. విజయవాడలో పార్టీ కార్యాలయ ఆవిర్భావ కార్యక్రమంలో చివరికి కమ్యూనిస్టులు చంద్రబాబు వైపే వెళ్తారని వ్యాఖ్యానించారు. దాంతో.. కమ్యూనిస్టు పార్టీ నేతలు.. పవన్ ను కలిసి… తమ రాజకీయ కార్యాచరణలో అసలు టీడీపీ లేనే లేదని చెప్పుకొచ్చారు. కానీ పవన్ కు నమ్మకం కుదరలేదు. దాంతో.. జనసేన విషయంలో వామపక్షాల లవ్.. వన్ సైడ్‌గానే ఉంది.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

స‌డ‌న్ గా డ్రాప్ అయిన ద‌ర్శ‌కేంద్రుడు

`ఓం న‌మో వేంక‌టేశాయ‌` త‌ర‌వాత రాఘ‌వేంద్ర‌రావు మెగాఫోన్‌కి దూరం అయ్యారు. అదే ఆయ‌న చివ‌రి చిత్ర‌మ‌ని అప్ప‌ట్లోనే ప్ర‌చారం జ‌రిగింది. కానీ ఆ సినిమా ఫ్లాప్‌. ఓ పరాజ‌యంతో.. ఓ అద్భుత‌మైన కెరీర్‌కి...

అవ‌స‌రాల‌తో నాని?

న‌టుడిగా విభిన్న‌మైన మార్క్ సంపాదించుకున్నాడు అవ‌స‌రాల శ్రీ‌నివాస్‌. ద‌ర్శ‌కుడిగానూ త‌న ప్ర‌త్యేక‌త చాటుకుంటూనే ఉన్నాడు. రొమాంటిక్ కామెడీ ఎంట‌ర్‌టైన్‌మెంట్స్ ని తీస్తూ... మంచి పేరే తెచ్చుకున్నాడు. ఊహ‌లు గుస‌గుస‌లాడే, జ్యో అత్యుతానంద చిత్రాలు...

బోయ‌పాటికి హీరోలు లేరా?

బోయ‌పాటి శ్రీ‌ను.. మాస్ ప‌ల్స్ తెలిసిన ద‌ర్శ‌కుడు. హీరోకి ఆయ‌న ఇచ్చే ఎలివేష‌న్స్ ఇంకెవ్వ‌రూ ఇవ్వ‌రు. రాజ‌మౌళి త‌ర‌వాత ఎమోష‌న్స్ క్యారీ చేయ‌డం దిట్ట‌.. బోయ‌పాటే. కాక‌పోతే.. ఇవ‌న్నీ సినిమా హిట్ట‌యిన‌ప్పుడే. సినిమా...

దుబ్బాకలో కేసీఆర్ ప్రచారం ..!?

దుబ్బాక ఉపఎన్నికల్లో సీఎం కేసీఆర్ ప్రచారానికి సిద్ధమవుతున్నట్లుగా టీఆర్ఎస్ వర్గాలు చెబుతున్నాయి. లక్ష మెజార్టీని లక్ష్యంగా పెట్టుకున్నానని హరీష్ రావు చెబుతున్నారు. ఆ దిశగా ఆయన తనదైన శైలిలో వ్యూహం రచిస్తున్నారు. అయితే.....

HOT NEWS

[X] Close
[X] Close