ఈ ఆదివారం రాత్రి కొవ్వొత్తులు, టార్చ్‌లైట్లతో సంఘిభావం : మోడీ

ఓ ఆదివారం జనతా కర్ఫ్యూ రోజున చప్పట్ల కాన్సెప్ట్ ను అమలు చేసిన ప్రధానమంత్రి నరేంద్రమోడీ మరోసారి .. మరో భిన్నమైన కాన్సెప్ట్‌తో ప్రజల ముందుకు వచ్చారు. ఈ ఆదివారం అంటే ఐదో తేదీన రాత్రి తొమ్మిది గంటలకు అందరూ ఇళ్లలలో లైట్లే ఆర్పేసి.. కొవ్వొత్తులు, టార్చ్ లైట్లతో.. కరోనాపై సమరానికి సంఘిభావం తెలియచేయాలని పిలుపునిచ్చారు. ఒక వేళ కొవ్వొత్తులు, టార్చ్ లైట్లు లేకపోతే.. సెల్ ఫోన్ లైట్లతో ఆ సంఘిభావం తెలియచేయాలని వెసులుబాటు ఇచ్చారు. అది కూడా తొమ్మిది నిమిషాల పాటే.

దేశ ప్రజలతో ఓ చిన్న వీడియో సందేశాన్ని పంచుకుంటానని గురువారం మోడీ తన ట్విట్టర్ ఖాతాలో తెలిపారు. ఏదో రిలీఫ్ వస్తుందని ప్రజలంతా ఉత్కంఠగా ఎదురు చూశారు. అయితే.. మోడీ కొత్తగా… కరెంట్ ఆపేసి.. కొవ్వొత్తులు, టార్చ్ లైట్ల కాన్సెప్ట్‌తో ముందుకు వచ్చారు. ప్రతి ఒక్కరూ ఇంట్లో ఉంటే.. కరోనాను జయించినట్లేనని మోడీ తన వీడియో సందేశంలో పేర్కొన్నారు. భారతదేశం లాక్ డౌన్ ద్వారా ప్రపంచ దేశాలన్నింటికీ దారి చూపిందని.. ప్రపంచ దేశాలన్నీ ఇప్పుడు మన బాటలోనే నడుస్తున్నాయని మోడీ ప్రకటించారు. లాక్‌డౌన్‌ను మరింత కఠినంగా పాటించాలన్నారు. ఆదివారం రాత్రి 9గంటలకు 9 నిమిషాల పాటు 130 కోట్ల మంది ..ఈ సమయాన్ని నాకు ఇవ్వాలని కోరుతున్నానన్నారు. ప్రజలు వెలిగించే దీపాలు కరోనాపై పోరాడే వైద్యులు, అత్యవసర సేవల సిబ్బందిలో మరింత స్ఫూర్తి నింపాలని ఆకాంక్షించారు.

ఇప్పటికి లాక్ డౌన్ ప్రకటించి తొమ్మిది రోజులు అయిందని రాబోయే పదకొండు రోజులు అత్యంత కీలకమని మోడీ ప్రకటించరు. మరింత కఠినంగా లాక్ డౌన్ అమలు చేయాలని పిలుపునిచ్చారు. దేశం మొత్తం ఇప్పుడు ఓ రకమైన భయాందోళనలు ఉన్నాయి. ప్రజలు పది రోజులుగా ఇంటి పట్టునే ఉన్నారు. ఆర్థిక సమస్యలతో పాటు.. ఇతర ఆరోగ్య సమస్యలకూ సేవలు అందని పరిస్థితి నెలకొంది. ఎన్ని రోజులు ఇలా ఉంటుందో తెలియని పరిస్థితి ఏర్పడటంతో ప్రజల్లో ఆందోళన ప్రారంభవుతోంది. ఇలాంటి సమయంలో మోడీ.. అందరిలోనూ మళ్లీ స్ఫూర్తి నింపడానికి ఈ టార్చ్ లైట్లు, కొవ్వొత్తుల కాన్సెప్ట్‌ను అమల్లోకి తెస్తున్నట్లుగా భావిస్తున్నారు.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

తేగేదాకా లాగుతున్న సర్కార్-ఎస్‌ఈసీ..!

ఆంధ్రప్రదేశ్‌లో రాజ్యాంగసంక్షోభ సూచనలు చాలా స్పష్టంగా కనిపిస్తున్నాయి. ఎన్నికల నిర్వహణకు హైకోర్టు కూడా స్పష్టమైన ఉత్తర్వులు ఇచ్చిన తర్వాత ప్రభుత్వం.. అధికారులు సహకరించడానికి ఏ మాత్రం సిద్ధంగా లేరు. అదే సమయంలో ఎస్‌ఈసీ...

గ్రేటర్ పీఠం కైవసానికి టీఆర్ఎస్ స్కెచ్ రెడీ ..!

గ్రేటర్ హైదరాబాద్ మేయర్ పదవిని అలా వదిలేయడానికి తెలంగాణ రాష్ట్ర సమితి పెద్దలకు మనస్కరించలేదు. ఎలాగోలా పీఠంపై గులాబీ నేతను కూర్చోబెట్టాల్సిందేనని డిసైడయ్యారు. ఎన్నికలు ముగిసి చాలా కాలం అవుతున్నా.. పాత కార్యవర్గానికి...

ధిక్కరణకే సర్కారు మొగ్గు..!

పంచాయతీ ఎన్నికల విషయంలో హైకోర్టు స్పష్టమైన తీర్పు ఇచ్చినప్పటికీ.. ఎస్‌ఈసీకి సహకరించకూడదని ప్రభుత్వం నిర్ణయించుకుంది. ఈ మేరకు అధికారులకు తేల్చి చెప్పడంతో వారెవరూ.. ఎస్‌ఈసీతో కనీసం సమావేశానికి కూడా ఆసక్తి చూపడంలేదు. పంచాయతీ...

వెంటిలేటర్‌పై శశికళ..!

ఇరవై ఏడో తేదీన చిన్నమ్మ విడుదలవుతుంది.. తమిళనాడు అసెంబ్లీ ఎన్నికలను దున్ని పారేస్తుందని... తమిళ మీడియా జోరుగా విశ్లేషిస్తున్న సమయంలో అనూహ్యంగా శశికళ తీవ్ర అనారోగ్యానికి గురయ్యారు. ఆమెకు శ్వాస సమస్య...

HOT NEWS

[X] Close
[X] Close