సాక్షిపై లోకేష్ రూ. 75 కోట్లకు పరువు నష్టం దావా..!

చినబాబు చిరుతిండి రూ. పాతిక లక్షలంటూ.. సాక్షి పత్రిక కొనాళ్ల కిందట రాసిన కథనంపై.. నారా లోకేష్.. రూ. 75 కోట్లకు పరువు నష్టం దాఖలు చేశారు. ఇప్పటికే ఆయన ఈ కథనానికి సంబంధించి.. లీగల్ నోటీసులను సాక్షి పత్రికకు పంపారు. అయితే సాక్షి పత్రిక.. తమ కథనానికి వివరణ ప్రచురించడానికి నిరాకరించడంతో.. లోకేష్ తదుపరి న్యాయపరమైన చర్యలు తీసుకుంటున్నారు. 2019 అక్టోబ‌ర్ 22న విశాఖ విమానాశ్రయంలోని క్యాంటీన్లలో.. లోకేష్.. రూ. 25 లక్షలకు చిరుతిళ్లు తిన్నారని.. అదంతా ప్రజాధనమని సాక్షి రాసింది. అయితే.. సాక్షి పత్రిక ప్రచురించిన తేదీల్లో లోకేష్ విశాఖలో లేరు. అదే సమయంలో.. ఆ ఖర్చు అంతా.. ప్రభుత్వం ఆహ్వానం మీద వచ్చే అతిధుల మర్యాదల కోసం వెచ్చించే ప్రోటోకాల్ ఖర్చుగా తేలింది.

ఈ విషయాలను బయట పెట్టిన లోకేష్.. క్షమాపణ చెప్పాలని కోరుతూ.. సాక్షి యాజమాన్యానికి లేఖ రాశారు. వారు పట్టించుకోలేదు. ఇప్పుడు.. రూ. 75 కోట్లకు పరువు నష్టం దాఖలు చేశారు. విశాఖ‌ 12వ అద‌న‌పు జిల్లా జ‌డ్జి కోర్టులో లోకేష్ దావా దాఖలు చేశారు. ఒరిజిన‌ల్ సూట్ 6/2020 నెంబ‌రుతో వాజ్యం దాఖ‌లైంది. ఉన్నత విద్యావంతుడిగా. ఎమ్మెల్సీగా, ఓ రాజకీయ పార్టీకి ప్రధాన కార్యదర్శి.. తన పరువు ప్రతిష్టలకు ఉద్దేశపూర్వకంగా మంటగలిపేందుకు ప్రయత్నించారని లోకేష్‌ పిటిషన్‌లో పేర్కొన్నారు. జ‌గ‌తి ప‌బ్లికేష‌న్స్ లిమిటెడ్‌, ఎడిటర్ వర్ధెల్లి మురళి, విశాఖ రిపోర్టర్లు వెంకటరెడ్డి, గరికపాటి ఉమాకాంత్‌లపై దావా వేశారు. నిజానికి సాక్షి పత్రిక రాసిన కథనం ఆధారంగా.. కొన్ని ఇంగ్లిష్ పత్రికలు కూడా..ఈ వార్తను ప్రచురించాయి.

వాటికి కూడా.. లోకేష్ లీగల్ నోటీసులు పంపించారు. విషయం తెలుసుని ఆయా పత్రికలు.. తమ తమ పత్రికల్లోనే.. వివరణ ఇచ్చాయి. అది తప్పుడు సమాచారం అని క్షమాపణ కోరాయి. కానీ అసలు అసత్యాలతో వార్త రాసిన.. సాక్షి మాత్రం.. అలా వివరణ ఇవ్వడానికి నిరాకరించింది. నిజానికి.. సాక్షిలో.. చంద్రబాబు, లోకేష్‌లే కాదు.. టీడీపీ నేతలన్న ప్రతి ఒక్కరిపై.. కొన్ని వందల కథనాలు వచ్చాయి. వాటన్నింటిపై పరువు నష్టం కేసులు వేయాలంటే.. కోర్టుల సమయం కూడా సరిపోదని టీడీపీ నేతలు అంటూంటారు. అయితే.. ఈ కేసు ను మాత్రం సీరియస్‌గా తీసుకోవాలని లోకేష్ డిసైడయ్యారు.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

అదానీకి మధురవాడలో 130 ఎకరాలు..!

ఆంధ్రప్రదేశ్ ప్రభుత్వం విశాఖలో అదానీ ఇంటిగ్రేటెడ్ డేటా సెంటర్ పార్కు ఏర్పాటుకు భారీ ప్రోత్సాహకాలు ప్రకటించింది. పెట్టుబడుల ప్రోత్సాహక బోర్డు సిఫార్సుల మేరకు డేటా సెంటర్ పార్కు, ఐటీ బిజినెస్ పార్కు, నైపుణ్యాభివృద్ధి...

కేసీఆర్ అంతకన్నా ఎక్కువే అన్నారుగా..! అప్పుడు కోపం రాలేదా..!?

దుబ్బాక ఎమ్మెల్యే రఘునందన్ రావు .. వైఎస్ రాజశేఖర్ రెడ్డి అభిమానులకు క్షమాపణలు చెప్పారు. వైఎస్ కుటుంబాన్ని తాను కించపర్చలేదని.. తన మాటల్ని తప్పుగా అర్థం చేసుకున్నారని వివరణ ఇచ్చారు. ఇంతకీ...

తిరుపతి సీటు కోసం ఢిల్లీకి పవన్, నాదెండ్ల ..!

బీజేపీకి మద్దతుగా గ్రేటర్ ఎన్నికల బరి నుంచి వైదొలిగిన పవన్ కల్యాణ్ హుటాహుటిన ఢిల్లీ వెళ్తున్నారు. బీజేపీ జాతీయ అధ్యక్షుడు నడ్డాతో పాటు పలువురు సీనియర్ నేతలతో చర్చలు జరిపేందుకు నాదెండ్ల మనోహర్‌తో...

గుడ్ న్యూస్‌: థియేట‌ర్ల‌కు గ్రీన్ సిగ్న‌ల్

థియేట‌ర్లు తెర‌చుకోవ‌డానికి అనుమ‌తులు ఇస్తూ.. తెలంగాణ రాష్ట్ర ప్ర‌భుత్వం ఈరోజు ఓ జీవోని విడుద‌ల చేసింది. అయితే కొన్ని ష‌ర‌తులు విధించింది. సిట్టింగ్ సామ‌ర్థ్యాన్ని 50 శాతానికి ప‌రిమితం చేసింది. ప్ర‌తి ప్రేక్ష‌కుడూ.....

HOT NEWS

[X] Close
[X] Close