మహారాష్ట్ర అసెంబ్లీలోకి `శని’ !

శని ఆ గడిలో, ఈ గడిలో కాకుండా ఏకంగా చట్టసభలోకే ప్రవేశించబోతున్నాడు. అవును, నిజంగానే ఇది జరగబోతున్నది.
మహారాష్ట్ర అసెంబ్లీ శీతాకాలసమావేశాల్లో శనిదేవుని ప్రస్తావన రాబోతున్నది! మరో రెండువారాల్లో (డిసెంబర్ 7) ప్రారంభమయ్యే అసెంబ్లీ సమావేశాల్లో షిర్డీకి చేరువలో ఉన్న శని శింగణాపూర్ లో మహిళల విషయంలో కొనసాగుతున్న ఆచారం, సంప్రదాయాలపై చర్చించాలని కాంగ్రెస్ శాసనసభ్యుడు ప్రణితి షిండే పట్టుదలగా ఉన్నారు. ఆమె మరెవరోకాదు, మహారాష్ట్ర హోంశాఖ మాజీమంత్రి సుశీల్ కుమార్ షిండే కుమార్తె.

అసెంబ్లీలో చర్చించాల్సినంత తీవ్రమైన సంఘటన శింగణాపూర్ లో ఏం జరిగిందో తెలుసుకోవాలన్న ఆసక్తి పెరిగింది. మూఢనమ్మకాలను వ్యతిరేకించేవారు, వివిధ పార్టీల రాజకీయ నాయకులు, హేతువాదులు….ఇలా చాలామందే శింగణానపూర్ లో జరిగిన సంఘటనలో మహిళా భక్తురాలిని సపోర్ట్ చేస్తుండగా, శింగణాపూర్ మహిళల్లో ఎక్కువమంది సనాతన ఆచారాలనే సమర్థిస్తున్నారు. ఆ సంఘటన వివరాలు ఇవి…

షిర్డీకి చేరువలో ఉండటంతో రోజూ వేలాదిమంది సాయి భక్తులు శని శింగణాపూర్ కు వెళ్ళి శనిదేవునికి పూజాదికాలు నిర్వహిస్తుంటారు. శింగణాపూర్ లో ఒక పద్ధతి ఉంది. పురుషులు నేరుగా నల్లటి శనిదేవుని విగ్రహం ( ఒక ఆకృతిలో కాకుండా, నల్లటి బండ రాయినే శనిగా భావిస్తూ కొలుస్తుంటారు) వద్దకు వెళ్ళి పూజలు, అభిషేకాలు చేసుకోవచ్చు. కానీ అదే మహిళలకు ఆ సాంప్రదాయం లేదు. వారు గర్భగుడికి కొద్ది మీటర్ల దూరంలోనే ఆగిపోయి నమస్కరించుకుని పక్కకు వెళ్ళాల్సిఉంటుంది. అలాంటిది శనివారం (నవంబర్ 28)రోజున ఒక మహిళా భక్తురాలు హఠాత్తుగా బ్యారికేడ్లు దాటేసి, శనిదేవుడ్ని తాకేసి పూజ చేసింది. ఈ సంఘటన అనేకమంది భక్తులను, ఆలయ సిబ్బందిని విస్తుపరిచింది. శనిదేవుడు అపవిత్రమైపోయారని భావించారు. దీంతో మర్నాడు ఆదివారం (నవబంర్ 29) శనిదేవునికి ప్రత్యేక అభిషేకాలతో సంప్రోక్షణ జరిపించారు. ఒక మహిళ శనిదేవుని తాకడం, ఆపైన ఆలయ అర్చకులు సంప్రోక్షణ జరిపించడమే ఇప్పుడు వివాదాస్పదంగా మారింది. చివరకు అసెంబ్లీలో చర్చించేస్థాయికి ఎదిగింది.

శని శింగణాపూర్ ఓ చిన్న పట్టణం. అక్కడి జనాభా నాలుగువేలు. తమ ఊరికి ఎలాంటి ఈతి బాధలు లేకుండా శనిదేవుడు రక్షిస్తాడని స్థానికులు నమ్ముతుంటారు. శత్రుభయం, చోరభయం తమ ఊరికి తాకవన్నది వారి విశ్వాసం. అందుకే ఊర్లోని ఇళ్లకు దర్వాజాలున్నప్పటికీ, వాటికి తలుపులు ఉండవు. తాళాలు అంతకంటే వేయరు. చివరకు పోలీస్ స్టేషన్ కు కూడ తలుపులు ఉండవు. శనిదేవుని విగ్రహాన్ని దూరం నుంచి మాత్రమే మహిళలు నమస్కరిస్తుండటం ఓ ఆచారంగా ఉంది. అలాంటిది ఒక మహిళ దూకుడుగా లోపలకు వెళ్ళి శని విగ్రహాన్ని తాకి పూజలు చేయడం, ఆ పైన జనంలో కలిసిపోయి అదృశ్యమైపోవడం పెద్ద చర్చనీయాంశమైంది. శనిదేవునికి అభిషేకంతో సంప్రోక్షం చేయడం సరైన చర్యగా స్థానికులు అంటున్నారు. `ఈ ఊర్లో కొన్ని ఆచారాలున్నాయి. వాటిని పాటించడం మా విధి’ అని చెబుతున్నారు. ఆలయం ట్రస్ట్ బోర్డ్ అధ్యక్షుడు సాయిరాం బంకర్ కూడా ఈ సంఘటన పట్ల అసంతృప్తిని వ్యక్తం చేస్తూ, తాను పదవి నుంచి తప్పుకుంటానంటున్నారు.

అయితే, మరోపక్క మహిళ చేసిన సాహసానికి పలువర్గాల నుంచి ప్రశంసలొస్తున్నాయి. లింగవివక్షను అంతమొందించే దిశగానే ఈ సంఘటనను చూడాలని కొందరు అభివర్ణిస్తున్నారు. దేశంలో చాలాచోట్ల ఆలయాల్లోకి మహిళకు ప్రవేశం కూడా లేదని, ఇలాంటి వివక్షకు ఫుల్ స్టాప్ పెట్టాలని హేతువాదులు అభిప్రాయపడుతున్నారు. ఈ నేపథ్యంలోనే మహారాష్ట్ర శాసనసభ సభ్యురాలు ప్రణితి షిండే జోక్యం చేసుకున్నారు. ఈ అంశాన్ని సీరియస్ గా తీసుకుంటూ రాబోయే శీతాకాలపు సమావేశాల్లో చర్చకు లేవనెత్తుతామంటున్నారు.

మహిళ తాకిందన్న కారణంగా, శనిదేవునికి సంప్రోక్షణ చేయడం మహిళాలోకాన్ని కించపరచడమే అవుతుందన్న వాదన బలపడుతోంది. మరి చివరకు మహారాష్ట్ర అసెంబ్లీలో ఎలాంటి అర్థవంతమైన చర్చ జరుగుతుందో చూడాలి.

– కణ్వస

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

“గ్రేటర్‌”లో ఇప్పుడు పీవీ, ఎన్టీఆర్ ఘాట్ల కూల్చివేత రాజకీయం..!

గ్రేటర్ హైదరాబాద్ ప్రచారం సర్జికల్ స్ట్రైక్స్ నుంచి కూల్చివేతల వరకూ వచ్చింది. ఒకరు పీవీ, ఎన్టీఆర్ ఘాట్‌ల గురించి మాట్లాడగా.. మరొకరు దారుస్సలాం కూల్చివేత గురించి మాట్లాడుకోవడంతో రగడ మలుపు తిరిగింది....

“గ్యాగ్” ఆర్డర్స్‌పై సుప్రీం స్టే..!

ఏపీ మాజీ అడ్వకేట్ జనరల్ దమ్మాలపాటి కేసులో ఎఫ్ఐఆర్‌లో విషయాలను మీడియాలో.. సోషల్ మీడియాలో ప్రచారం చేయకుండా ఆంధ్రప్రదేశ్ హైకోర్టు ఇచ్చిన గ్యాగ్ ఆర్డర్‌పై సుప్రీంకోర్టు స్టే ఇచ్చింది. అంటే.. ఆ...

ఆ సినిమాలో ర‌కుల్ లేదు

మోహ‌న్‌బాబు క‌థానాయ‌కుడిగా తెర‌కెక్కుతున్న చిత్రం.. సన్నాఫ్ ఇండియా. డైమండ్ ర‌త్న‌బాబు ద‌ర్శ‌కుడు. ఇళ‌య‌రాజా సంగీత అందిస్తున్నారు. ఎం.ధ‌ర్మ‌రాజు ఎం.ఏ, పుణ్య‌భూమి నాదేశం త‌ర‌హాలో సాగే క్యారెక్ట‌రైజేష‌న్ ఈ సినిమాలో క‌నిపించ‌బోతోంద‌ట‌. మ‌ళ్లీ ఆ...

రివ్యూ: అంధ‌కారం

హార‌ర్‌, థ్రిల్ల‌ర్ సినిమాల్ని చూసి.. విసుగొచ్చేసింది. అన్నీ ఒక ఫార్మెట్‌లోనే సాగుతుంటాయి. హార‌ర్ అన‌గానే... భ‌యంక‌రమైన రీ సౌండ్లు, ఓ ఇల్లు, అందులో కొన్ని పాత్ర‌లు విచిత్రంగా ప్ర‌వ‌ర్తించ‌డం.. ఇవే క‌నిపిస్తాయి. థ్రిల్ల‌ర్లూ...

HOT NEWS

[X] Close
[X] Close