మోపిదేవి శాఖలే ఎందుకు కట్ చేస్తున్నట్లు..?

మంత్రులు మోపిదేవి వెంకటరమణ, మేకపాటి గౌతంరెడ్డి దగ్గర ఉన్న మార్కెటింగ్, ఆహారశుద్ధి శాఖల్ని.. జగన్మోహన్ రెడ్డి హఠాత్తుగా .., మరో మంత్రి కన్నబాబుకు ఇచ్చారు. ఇక్కడ ఇద్దరికీ చెరో శాఖ కట్ చేసినట్లుగా అనిపిస్తున్నారు… గత వారం.. మంత్రి గౌతంరెడ్డి.. జగన్మోహన్ రెడ్డి నైపుణ్యాభివృద్ధి శాఖను అదనంగా కేటాయించారు. దానికి ఆయన జగన్‌ను కలిసి కృతజ్ఞతలు తెలిపారు. తన పనితీరును మెచ్చినందుకు సంతోషం వ్యక్తం చేశారు. అయితే.. వారం తిరగక ముందే.. ఆయన దగ్గర ఉన్న ఫుడ్ ప్రాసెసింగ్ శాఖను.. కట్ చేసేశారు. ఇప్పటికే… కీలక మంత్రిత్వ శాఖల్ని నిర్వహిస్తున్న కన్నబాబుకు.. ఆ శాఖలు ఇచ్చారు. ఆ రెండు.. వ్యవసాయ సంబంధితమైనవని… అన్నీ ఒకరి దగ్గరే ఉంటే పాలన సులువు అవుతుందన్న ఉద్దేశంతో ఇచ్చినట్లుగా ప్రభుత్వ వర్గాలు చెబుతున్నాయి. కానీ అంతకు మించిన కారణాలున్నాయన్న గుసగుసలు ప్రభుత్వంలో వినిపిస్తున్నాయి.

కన్నబాబు… గతంలో జగన్మోహన్ రెడ్డిపై విమర్శలు చేసినప్పటికీ.. వైసీపీలో చేరినప్పటి నుండి.. జగన్మోహన్ రెడ్డికి ఆత్మీయుడిగా మారారు. జగన్ ఆయనకు అత్యధిక ప్రాధాన్యం ఇస్తున్నారు. ఈ క్రమంలో వ్యవసాయ శాఖకు సంబంధించి.. తీసుకోవాల్సిన కొన్ని నిర్ణయాలు.. మార్కెటింగ్, ఫుడ్ ప్రాసెసింగ్‌లో ఆగిపోతున్నాయని… బయటకు రావడం లేదని.. ఆయన ముఖ్యమంత్రికి ఫిర్యాదు చేసినట్లుగా ప్రచారం జరుగుతోంది. దీంతో.. ఆ రెండు శాఖల్ని జగన్ కన్నబాబుకే కేటాయించారని అంటున్నారు. మోపిదేవి వెంకటరమణ ఎమ్మెల్సీ కనుక.. ఆయనతో జగన్ ఎప్పుడైనా రాజీనామా చేయించే అవకాశం ఉందన్న ప్రచారం జరుగుతోంది.

మోపిదేవి వద్ద ప్రస్తుతం పశు సంవర్ధక, మత్స్యశాఖలే ఉన్నాయి. ప్రస్తుత ప్రభుత్వ ప్రాధాన్యాల ప్రకారం చూసినా.. వీటికి బడ్జెట్ కూడా పెద్దగా లేదు. పని కూడా పెద్దగా ఉండదు. ఓ రకంగా… పదవి ఉందన్న సంతృప్తి మాత్రమే ఉంటుంది. అదే సమయంలో మేకపాటి… భారీ పరిశ్రమ మంత్రితో పాటు కీలకమైన ఐటీ, నైపుణ్యాభివృద్ధి శాఖలు ఉన్నాయి. దీంతో జగన్ మోపిదేవి పైనే శీతకన్ను వేశారన్న ప్రచారం ప్రభుత్వంలో జరుగుతోంది. బహుశా మండలి రద్దును అంతర్గత సమావేశాల్లో ఆయన వ్యతిరేకించి ఉంటారని.. అందుకే ఇలా చేస్తున్నారన్న అభిప్రాయం వైసీపీలో వ్యక్తమవుతోంది.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

‘ఆడు జీవితం’ రివ్యూ: ఎడారి పాలైన బ్రతుకుల వ్యధ

ఫారిన్ చిత్రాలతో పోల్చుకుంటే భారతీయ చిత్రాలలో సర్వైవల్ థ్రిల్లర్స్ తక్కువే. అయితే ఈ మధ్య కాలంలో మలయాళ పరిశ్రమ ఈ జోనర్ పై ప్రత్యేక దృష్టి పెట్టింది. '2018' చిత్రం ఆస్కార్ నామినేషన్స్...

అనపర్తిలో ఆందోళన… నల్లమిల్లి దారెటు..?

అవును ప్రచారమే నిజమైంది. అనపర్తి సీటు టీడీపీ నుంచి బీజేపీ ఖాతాలోకి వెళ్ళిపోయింది. పొత్తులో భాగంగా బీజేపీ నేత ములగపాటి శివ కృష్ణంరాజుకి కేటాయించారు. దీంతో టీడీపీ టికెట్ ఆశించిన మాజీ...

బస్సు యాత్ర : వైసీపీ రాంగ్ స్ట్రాటజీ

ఎన్నికల షెడ్యూల్ వచ్చినా నోటిఫికేషన్ రావడానికి సమయం ఉండటంతో...జగన్మోహన్ రెడ్డి బస్సు యాత్రను ప్లాన్ చేసుకున్నారు. ఇరవై ఒక్క రోజుల పాటు ఇరవై ఒక్క పార్లమెంట్ నియోజకవర్గాల నుంచి బస్సు యాత్ర...

చ‌ర‌ణ్ సినిమాలో.. సుకుమార్ హ్యాండ్ ఎంత‌?

సుకుమార్ రైటింగ్స్ బ్యాన‌ర్‌పై ద‌ర్శ‌కుడు సుకుమార్ ఓ సినిమా తీశాడంటే అందులో త‌న క్రియేటీవ్ ఇన్వాల్వ్‌మెంట్ కూడా త‌ప్ప‌కుండా ఉంటుంది. 'విరూపాక్ష‌' సినిమా స్క్రీన్ ప్లేలో సుకుమార్ ఇచ్చిన ఇన్ పుట్స్ బాగా...

HOT NEWS

css.php
[X] Close
[X] Close