ఫ్లాష్ బ్యాక్‌: ఏఎన్నార్ వ‌ద్ద‌న్నా.. ఎన్టీఆర్ చేశాడు

ఓ హీరో కోసం అనుకున్న క‌థ‌, మ‌రో హీరో చేయ‌డం చిత్ర‌సీమ‌లో మామూలే. అలా కొన్ని వంద‌ల క‌థ‌లు చేతులు మారి ఉంటాయి. కానీ ఏ ఒక్క‌సంద‌ర్భంలోనూ.. `నేను ఆ క‌థ‌ని వ‌దులుకున్నా.. నువ్వు కూడా చేయ‌కు` అని సాటి హీరోకి మ‌రో హీరో చెప్ప‌లేదేమో. కానీ.. ఆ సంద‌ర్భం ఓసారి వ‌చ్చింది. అక్కినేని, ఎన్టీఆర్ విష‌యంలో.

1960 నాటి సంగ‌తి ఇది. బిఏ సుబ్బారావు అనే ద‌ర్శ‌కుడు `రాణీ ర‌త్న‌ప్ర‌భ` అనే క‌థ ప‌ట్టుకుని నాగేశ్వ‌ర‌రావు ద‌గ్గ‌ర‌కు వెళ్లారు. ఆ క‌థ నాగేశ్వ‌ర‌రావుకి పెద్ద‌గా న‌చ్చ‌లేదు. క‌థంతా దాదాపు క‌థానాయిక‌గా చుట్టూనే తిర‌గ‌డం అందుకు ఓ కార‌ణం. `ఇందులో అంజ‌లీదేవి పాత్రే ఎక్కువ క‌దా.. నేను చేయ‌డానికి ఏముంది` అంటూ నాగేశ్వ‌ర‌రావు ఆ సినిమాని తిర‌స్క‌రించారు. దాంతో సుబ్బారావు ఈ ప్రాజెక్టుని ఎన్టీఆర్ తో చేయాల‌ని ఫిక్స‌య్యారు. ఈ కాంబినేష‌న్‌లో `రాణీ ర‌త్న ప్ర‌భ‌` సినిమా వ‌స్తోంద‌న్న వార్త తెలిసి… ఎన్టీఆర్‌కి ఫోన్ చేశార్ట నాగేశ్వ‌ర‌రావు.

`బ్ర‌ద‌ర్‌.. రాణీ ర‌త్న ప్ర‌భ అనే సినిమా మీరు చేస్తున్నార‌ని తెలిసింది. ఆ క‌థ నాకూ వినిపించారు. నాకు ఏమాత్రం న‌చ్చ‌లేదు. మీ ఇమేజ్‌కి కూడా అది స‌రిప‌డ‌దు. ఈ సినిమా చేయ‌క‌పోవ‌డ‌మే మంచిది` అని స‌ల‌హా ఇచ్చారు.

కానీ ఎన్టీఆర్ మాత్రం `బిఏ సుబ్బారావు గారు నాకు బాగా కావ‌ల్సిన మ‌నిషి. ఇండ్ర‌స్ట్రీలో నేను అడుగుపెట్ట‌డానికి కార‌ణం ఆయ‌నే. నేను ఆయ‌న‌కు మాటిచ్చాను. ఈ ప‌రిస్థితుల్లో నేనిచ్చిన మాట వెన‌క్కి తీసుకోలేను` అనేశారు.

ఇచ్చిన మాట ప్ర‌కారమే.. ఎన్టీఆర్ ఆ సినిమా చేసేశారు. షూటింగ్ అంతా అయిపోయింది. రిలీజ్ డేట్ ఫిక్స‌య్యింది.

రేపు ఈ సినిమా విడుద‌ల అన‌గా… ఆరోజు రాత్రి నాగేశ్వ‌ర‌రావు నిద్ర‌పోలేద‌ట‌. `బ్ర‌ద‌ర్‌కి ఈ సినిమా చేయొద్దని చెప్పా. ఆయ‌న చేశారు. ఇప్పుడు ఆ సినిమా ఆడుతుందా లేదా? ఆడితే నా జ‌డ్జిమెంట్ పోయిన‌ట్టే. ఆడ‌క‌పోతే.. బ్ర‌ద‌ర్ న‌ష్ట‌పోతారు..` అనే ఆలోచ‌న‌ల‌తో నిద్ర రాలేద‌ట‌.

తెల్లారి మార్నింగ్ షో అయ్యాక‌… త‌న‌కు అత్యంత న‌మ్మ‌క‌స్థుడైన ఓ థియేట‌ర్ య‌జ‌మానికి ఫోన్ చేసి.. `సినిమా రిజ‌ల్ట్ ఏమిటి` అని అడిగార్ట‌.

`సినిమా ఏం బాలేదండీ. ఎన్టీఆర్ చేయాల్సిన సినిమా కాదిది` అని చెప్పే వ‌ర‌కూ.. ఆయ‌న టెన్ష‌న్ ప‌డుతూనే ఉన్నార్ట‌. ఈ విష‌యాన్ని అక్కినేని త‌న ఆత్మ‌క‌థ‌లో రాసుకున్నారు. మ‌రో హీరో సినిమా కోసం ఓ హీరో ఇంత‌లా ఆలోచించ‌డం, అదీ ఆ స‌మ‌యంలో త‌న‌కు ఏకైక పోటీ దారుడి సినిమా గురించి ఆరాట ప‌డ‌డం విచిత్ర‌మే.

అయితే అక్కినేని మాట‌ల‌కు, చేష్ట‌ల‌కూ ఎన్టీఆర్ అభిమానులు మ‌రోలా వివ‌ర‌ణ ఇచ్చుకున్నారు. `మా హీరో సినిమా ఎక్క‌డ హిట్ట‌యిపోతుందో అన్న భ‌యంతో.. అక్కినేనికి నిద్ర ప‌ట్టి ఉండ‌దు` అని చెప్పుకున్నారు. నిజానికి `రాణీ ర‌త్న ప్ర‌భ‌` చూడ‌ద‌గ్గ సినిమానే. పాట‌లు బాగుంటాయి. కాక‌పోతే… హీరోయిన్ డామినేష‌న్ ఎక్కువ‌. మ‌రో హీరో చేసుంటే.. ఇంకాస్త మంచి ఫ‌లితం వ‌చ్చేదేమో..?

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

video

విశ్వ‌క్ ‘లైలా’వ‌తారం!

https://www.youtube.com/watch?v=9STsOoGDUfA లేడీ గెట‌ప్పులు వేయాల‌న్న ఆశ‌.. ప్ర‌తీ హీరోకీ ఉంటుంది. స‌మ‌యం సంద‌ర్భం క‌ల‌సి రావాలంతే! ఒక‌ప్ప‌టి అగ్ర హీరోలంతా మేక‌ప్పులు మార్చి, శారీలు క‌ట్టి - ఆడ వేషాల్లో అద‌ర‌గొట్టిన‌వాళ్లే. ఈత‌రం హీరోలు...

రఘురామకు ఇంకా కూటమి నుంచి టిక్కెట్ చాన్స్ ఉందా ? లేదా?

రఘురామకృష్ణరాజు పోటీ ఎక్కడ ?. ఈ ప్రశ్న ఇప్పుడు ఇటు కూటమి క్యాంప్‌తో పాటు అటు వైసీపీ క్యాంప్‌లోనూ హాట్ టాపిక్ గానే ఉంది. వైసీపీ క్యాంప్.. ఇదే ప్రశ్నతో ఆయనను...

ఆ స్వామిజీకి టిక్కెట్ రాకుండా చేసింది బాలకృష్ణేనట !

పరిపూర్ణానంద అనే స్వామిజీకి ప్రవచాలు చెప్పుకోవడం కన్నా రాజకీయాల్లో ఆదిత్యనాథ్ ని అయిపోవాలన్న ఆశ ఎక్కువగా ఉంది. గతంలో తెలంగాణలో ప్రయత్నించారు. వర్కవుట్ కాలేదు. ఈ సారి ఏపీలో దృష్టి పెట్టారు....

గంటాకే భీమిలీ – టీడీపీ ఫైనల్ లిస్ట్ రిలీజ్

గంటా శ్రీనివాసరావు హైకమాండ్ అనుకున్నది కాకుండా.. తాను అనుకున్న చోట పోటీ చేయడంలో ఎక్స్ పర్ట్. మరోసారి అనుకున్నది సాధించారు. భీమిలీ సీటు ఆయన ఖాతాలోనే పడింది. టీడీపీ విడుదల చేసిన...

HOT NEWS

css.php
[X] Close
[X] Close