అనిరుథ్ ఇండియాలోనే మోస్ట్ వాంటెడ్ మ్యూజిక్ డైరెక్ట‌ర్ అయిపోయాడు. తాజాగా జ‌వాన్ తో హిట్టు కొట్టేస‌రికి బాలీవుడ్ సైతం అనిరుథ్‌ని కావాల‌నుకొంటోంది. టాలీవుడ్ లోని అగ్ర ద‌ర్శ‌కులు, హీరోలు, నిర్మాత‌లు సైతం అనిరుథ్ కోసం ఎదురు చూస్తున్నారు. అయితే.. తెలుగులో అనిరుథ్ చేసిన సినిమాలు చాలా త‌క్కువ. ఇప్పుడు కూడా త‌ను తెలుగు సినిమాల‌పై పెద్ద‌గా ఇంట్ర‌స్ట్ చూపించ‌డం లేదు. దానికి తోడు… త‌న ఆటిట్యూడ్ తో నిర్మాత‌లు కూడా బాబోయ్ అనిరుథ్ అంటున్నారు.
టాలీవుడ్ కి చెందిన ఓ అగ్ర నిర్మాత త‌న సినిమాకి అనిరుథ్‌ని ఎంచుకోవాల‌నుకొన్నాడు. అయితే.. అనిరుథ్ ఫోన్లో దొర‌క‌లేదు. ఎలాగోలా.. అనిరుథ్ ని ప‌ట్టుకొంటే ప‌ట్టుమ‌ని 5 నిమిషాల పాటు అప్పాయింట్ మెంట్ ఇచ్చాడ‌ట. అది కూడా అర్థరాత్రి 12 గంట‌ల త‌ర‌వాత. దాంతో.. నిర్మాత ‘నాకు అనిరుథ్ వ‌ద్దు.. గినిరుథ్ వ‌ద్దు..’ అనుకొని బ‌య‌ట‌కు వ‌చ్చేశాడు. ఇదే సీన్ అంద‌రి దాదాపు ప్ర‌తి నిర్మాత‌తోనూ రిపీట్ అవుతున్న‌ట్టు స‌మాచారం. అనిరుథ్ చాలా చూజీగా ఉంటాడు. ప్ర‌తీ సినిమా చేయ‌డు. పారితోషికం ఎంత ఇస్తామ‌న్నా ప‌ట్ట‌దు. త‌న టైమింగ్స్, రూల్స్ చాలా క‌ష్టంగా ఉంటాయ‌ని టాక్. వాటిని భ‌రించ‌లేకే తెలుగు నిర్మాత‌లు, ద‌ర్శ‌కులు అనిరుథ్ ద‌గ్గ‌ర‌కు వెళ్ల‌డం లేదు. అందుకే కొన్ని సార్లు తమన్ తో చిన్న సమస్యలు ఉన్నా కూడా తమన్ యే బెటర్ అని అనుకుంటున్నారు
