జనతా పరివార్ నుండి ములాయం జంప్

రాజకీయ పార్టీలు కేవలం ఎన్నికలలో గెలిచి అధికారంలోకి వచ్చేందుకే చేతులు కలిపినా సిద్దాంతాలు, అభివృద్ధి, తోటకూర అంటూ ఏవేవో చెపుతుంటాయి. కానీ వాటిలో ఇచ్చిపుచ్చుకొనే ధోరణి ఉన్నంత కాలం వాటి బంధం తెదేపా-బీజేపీలాగ బలంగానే ఉంటుంది లేకుంటే బీహార్ లో జనతా పరివార్ అవుతుంది.

త్వరలో జరగనున్న బీహార్ అసెంబ్లీ ఎన్నికలలో ఎలాగయినా గెలిచి అక్కడ కూడా బీజేపీ జెండా ఎగురవేయాలని మోడీ, అమిత్ షాలు పావులు కడుపుతుండటం చూసి కంగారుపడిన అధికార జెడియు, జనతా తోకలున్న మరో ఐదు పార్టీలన్నిటినీ కలుపుకొని జనతా పరివార్ అనే కప్పల తక్కెడని ఏర్పాటు చేసింది. కాంగ్రెస్ పేరుకి జాతీయ పార్టీయే అయినప్పటికీ ఇప్పుడు ఎక్కడా స్వతంత్రంగా పోటీచేసి గెలిచే పరిస్థితి లేదు కనుక అది కూడా జనతా పరివార్ తో జత కట్టింది. ఆ కూటమికి ముఖ్యమంత్రి అభ్యర్ధిగా తమనే అంగీకరించాలని బీహార్ ముఖ్యమంత్రి నితీష్ కుమార్, మాజీ ముఖ్యమంత్రి లాలూ ప్రసాద్ యాదవ్ కొన్ని రోజులు గొడవపడ్డారు. నిజానికి అప్పుడే ఆ కప్పల తక్కెడలో నుండి నితీష్ కుమార్ బయటకు దూకేస్తున్నట్లు ప్రకటించారు. కానీ మధ్యలో రాహుల్ గాంధీ రాయబారం చేసి చివరిని నితీష్ కుమార్ పేరును ఆమోదింపజేయడంతో అప్పటికి ఆ గండం అలా గడిచిపోయింది.

తరువాత సీట్ల సర్దుబాటుపై మళ్ళీ కప్పలు బెకబెకలాడుకొన్నాయి. చివరికి నితీష్ కుమార్, లాలూ ఇద్దరూ తలో వంద సీట్లు పంచుకొని, కాంగ్రెస్ పార్టీకి ఓ 40 సీట్లు పడేసి, మరో 3 సీట్లు శరద్ యాదవ్ పార్టీకి పడేసి చేతులు దులుపుకొన్నారు. అయితే ఈ కప్పల తక్కెడని పట్టుకొనున్న సమాజ్ వాదీ పార్టీ అధినేత ములాయం సింగ్ కి అందులో వాటా పంచడం మరిచిపోయారు. ఇన్ని కప్పలని ఒక్క చోట చేర్చి తక్కెడలో నుండి బయటకి గెంతిపోకుండా కాపాడుకొంటూ వస్తున్న తనకు ఒక్క సీటు కూడా ఇవ్వకుండా నితీషు, లాలూ కలిసి అన్ని సీట్లు పంచేసుకొన్నందుకు ములాయంకి చాలా కోపం వచ్చేసింది. అందుకే ఆయన ఆ కప్పల తక్కెడని పక్కన పడేసి తన దారి తను చూసుకొంటున్నట్లు ప్రకటించేశారు. బీహార్ ఎన్నికలలో తన పార్టీ అన్ని సీట్లకు ఒంటరిగా పోటీ చేస్తుందని ప్రకటించేశారు.

దానిపై నితీషు, లాలూ ఎలా రియాక్ట్ అయ్యారో తెలియదు కానీ మోడీ, అమిత్ షా మాత్రం తప్పకుండా మిఠాయిలు పంచుకొనే ఉంటారు. ఒకసారి కప్పలు చెల్లాచెదురయిపోతే ఇక బీహార్ ఎన్నికలలో అవలీలగా గెలిచేయోచ్చనే ధీమా వారికి ఉంది. పైగా ఈ మధ్యనే బీహార్ ప్రజలకు ప్రధాని నరేంద్ర మోడీ మోడీ రూ.1.65 లక్షల కోట్ల తాయిలం ప్రకటించారు. ఒకవేళ కప్పలు చెదిరిపోతే కాంగ్రెస్ పార్టీ కూడా నష్టపోతుంది కనుక మళ్ళీ రాహుల్ గాంధీ ఆ యాదవుల మద్య శ్రీకృష్ణ రాయబారం చేస్తారేమో? ఒకవేళ ఈ గండం కూడా ఎలాగో గట్టెక్కినా, ఏ నియోజక వర్గం ఎవరికీ? అనే పాయింటుతో మళ్ళీ కప్పలు బెకబెకమనక తప్పవు.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

జంధ్యాల స్టైల్‌లో `పేక మేడ‌లు`

'నా పేరు శివ', 'అంధగారం', 'గ్యాంగ్స్ ఆఫ్ గోదావరి' సినిమాల్లో కీల‌క పాత్ర‌లు పోషించిన వినోద్ కిష‌న్ ఇప్పుడు హీరోగా మారాడు. ఆయ‌న న‌టించిన 'పేక మేడ‌లు' ఈనెల 19న విడుద‌ల‌కు సిద్ధంగా...

బీజేపీలో బీఆర్ఎస్ రాజ్యసభపక్షం విలీనం ?

బీఆర్ఎస్ రాజ్యసభ పక్షం బీజేపీలో విలీనం అయ్యేందుకు ఏర్పాట్లు పూర్తయినట్లుగా ఢిల్లీలో ప్రచారం ఊపందుకుంది. బీఆర్ఎస్ పార్టీకి ఉన్న నలుగురు రాజ్యసభ సభ్యులు బీజేపీలో చేరబోతున్నారు. ముగ్గురు రాజ్యసభ సభ్యులు ఉపరాష్ట్రపతి,...
video

విజ‌య్ తెలివి.. ‘పార్టీ’ సాంగ్‌లో పాలిటిక్స్

https://www.youtube.com/watch?v=ygq_g7ceook త‌మిళ స్టార్ హీరో విజ‌య్ కొత్త‌గా పార్టీ స్థాపించిన సంగ‌తి తెలిసిందే. త్వ‌ర‌లోనే రాజ‌కీయ అరంగేట్రం చేయ‌బోతున్నాన‌ని, వ‌చ్చే త‌మిళ‌నాడు అసెంబ్లీ ఎన్నిక‌ల‌లో పోటీ చేస్తాన‌ని ప్ర‌క‌టించాడు. రాజ‌కీయాల‌కు ముందు త‌న చివ‌రి...

పొన్నవోలు వాదన జగన్‌కైనా అర్థమవుతుందా ?

రఘురామ ఫిర్యాదుతో జగన్ తో పాటు ముగ్గురు ఐపీఎస్ అధికారులపై కేసు నమోదయింది. ఇది తప్పుడు కేసు అని వాదించడానికి పొన్నవోలు మీడియా సమావేశం పెట్టారు. ఇందు కోసం తన టేబుల్ నిండా...

HOT NEWS

css.php
[X] Close
[X] Close