మునిసిపల్ కార్మికులంటే ప్రభుత్వాలకి ఇంత అలుసా?

అది దేశ రాజధాని డిల్లీ కావచ్చు లేదా ఆంధ్రా, తెలంగాణా రాష్ట్రాల ఉమ్మడి రాజధాని హైదరాబాద్ కావచ్చు…ఎంత గొప్ప నగరమయినా మునిసిపల్ కార్మికుల చేయిపడనిదే ఆ నగరాలు పరిశుభ్రం కాలేవు వాటికి అందం ఏర్పడదు. కానీ డిల్లీ నుండి హైదరాబాద్ వరకు ఎక్కడ చూసినా మునిసిపల్ కార్మికులంటే ప్రభుత్వాలకు అలుసే. డిల్లీలో అయితే ఏకంగా మూడు నెలలు జీతాలే చెల్లించలేదు. మునిసిపల్ కార్మికుల వారి ఓపిక నశించడంతో జీతాల కోసం ధర్నాలు చేయవలసిన అగత్యం ఏర్పడింది. అప్పుడు కానీ వారికి ప్రభుత్వం జీతాలు చెల్లించలేదు. ఇక ఆంధ్రా తెలంగాణా రాష్ట్రాలలో కూడా గత వారం రోజుల నుండి మునిసిపల్ కార్మికులు తమ జీతాలు పెంచమని కోరుతూ సమ్మె చేస్తున్నారు. కారణాలు ఏవయినప్పటికీ కానీ రెండు ప్రభుత్వాలు పట్టించుకోవడం లేదు.

మునిసిపల్ కార్మికులు తమ కుటుంబాలను పోషించేందుకు ఎండనకా వాననకా రోడ్లమీద, చెత్త కుప్పల మధ్య కష్టపడి పనిచేస్తుంటారు. తమ ఆరోగ్యాన్నే కాదు ఒక్కోసారి తమ ప్రాణాలను కూడా పణంగా పెట్టి భూగర్భ డ్రైనేజి గొట్టాలలో ప్రవేశించి శుభ్రం చేస్తూ మునిసిపల్ కార్మికులు మరణించిన సందర్భాలున్నాయి. మరి అటువంటి కార్మికులకి జీతాలు పెంచడానికి అభ్యంతరం ఏమిటి? నిధుల కోరతా? అయితే నిత్యం ఏసీ గదుల్లో ఉంటూ, ఏసీ కార్లలో, విమానాలలో తిరిగే ప్రజాప్రతినిధుల జీతాలు రెండింతలు, మూడింతలు ఏవిధంగా పెంచుకోగలుగుతున్నారు? వారి జీతభత్యాలు పెంచుకోవడానికి, ఖరీదయిన ల్యాప్ టాపులు, టాబ్లెట్లు, సెల్ ఫోన్లు బహుమతులుగా ఇచ్చుకోవడానికి నిధుల కొరత లేనప్పుడు మునిసిపల్ కార్మికుల జీతాలు పెంచవలసినప్పుడే ఎదురవుతోందా? అనే ప్రశ్నలకు వారే సమాధానం చెప్పాల్సి ఉంటుంది.

హైదరాబాద్ బ్రాండ్ అంబాసిడర్ గా సానియా మీర్జాని నియమించుకొన్నందుకు ఆమెకు ముఖ్యమంత్రి కేసీఆర్ ఎంతో ఉదారంగా రెండు కోట్లు చెల్లించగలిగినప్పుడు, ఆయన నిర్వహిస్తున్న స్వచ్చ భారత్ మహాయజ్ఞంలో ప్రముఖపాత్ర పోషిస్తున్న మునిసిపల్ కార్మికులకి జీతాలు పెంచడానికి అభ్యంతరం ఏమిటి? రాష్ట్ర ఆర్ధిక పరిస్థితి ఏమాత్రం బాగోలేదంటూనే, ప్రజా ప్రతినిధులకి చాక్లెట్లు పంచిపెట్టినట్లు ఖరీదయిన టాబ్లెట్ పీసీలు పంచుతూ, పుష్కరాల కోసం, వాటిలో తన ప్రచారం కోసం కోట్ల రూపాయలు మంచి నీళ్ళలా ఖర్చు చేస్తున్న చంద్రబాబు నాయుడు మునిసిపల్ కార్మికులకి జీతాలు పెంచడానికి ఎందుకు సంకోచిస్తున్నారు? అనే ప్రశ్నలకి వారే సమాధానాలు చెప్పుకోవలసి ఉంటుంది.

ప్రజా ప్రతినిధులు, క్రీడాకారులు, సినీ తారలు వచ్చి చీపుర్లు పట్టుకొని మీడియాకి ఫోజులు ఇచ్చినంత మాత్రాన్న స్వచ్చ భారత్ సాధ్యం కాదు. దేశ వ్యాప్తంగా కటిక దరిద్రం అనుభవిస్తున్న మునిసిపల్ కార్మికులు రేయనకా, ఎండనకా, చలనకా, వాననకా 365 రోజులు పనిచేస్తున్నారు కనుకనే స్వచ్చ భారత్ అమలవుతోంది తప్ప సెలబ్రెటీల వలన కాదు. కనుక ప్రభుత్వాలు మునిసిపల్ కార్మికుల పట్ల చిన్న చూపు చూడకుండా వారి సమస్యలని పరిష్కరించి, వారి జీవితాలలో కూడా వెలుగులు నింపే ప్రయత్నం చేయాలి.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

ఇద్ద‌రు వ‌ర్మ‌ల్లో.. ఫ‌స్టు ఎవ‌రు?

క‌రోనాపై సినిమా తీసేశాన‌ని ప్ర‌క‌టించాడు రాంగోపాల్ వ‌ర్మ‌. ఆ సినిమా టీజ‌ర్‌కూడా విడుద‌ల చేసి అంద‌రికీ షాక్ ఇచ్చాడు. వ‌ర్మ ప‌నుల‌న్నీ ఇలానే ఉంటాయి. గ‌ప్‌చుప్‌గా సినిమా లాగించేయ‌గ‌ల‌డు. ఈసారీ అదే ప‌ని...

నిర్మాత‌ల‌కు ఎన్టీఆర్ ఇచ్చే గౌర‌వం అదీ!

నిర్మాత అంటే ఈ రోజుల్లో క్యాషియ‌ర్ కంటే హీనం అయిపోయాడు. నిర్మాత అనే వాడు సెట్లో ఉండ‌డానికి వీల్లేదు అంటూ హీరోలు హుకూంలు జారీ చేసే రోజుల్లోకి వ‌చ్చేశామంటే ప‌రిస్థితి అర్థం చేసుకోవొచ్చు....

లాక్‌డౌన్ 5.0 ఖాయమే..! కాకపోతే పేరుకే..!?

నాలుగో లాక్ డౌన్ గడువు కూడా ముంచుకొస్తోంది. మరో మూడు రోజుల్లో అది కూడా పూర్తవుతుంది. మరి తర్వాత పరిస్థితి ఏమిటి..? తర్వాత కూడా లాక్ డౌన్ పొడిగించాలనే ఆలోచనలనే కేంద్రం ఉంది....

సూర్య బ్ర‌ద‌ర్స్‌ని క‌లిపిన రీమేక్‌

సూర్య హీరోగా నిల‌దొక్కుని, ఓ ఇమేజ్ సాధించిన త‌ర‌వాతే... కార్తి రంగ ప్ర‌వేశం చేశాడు. తాను కూడా... త‌న‌కంటూ ఓ ప్ర‌త్యేక‌మైన గుర్తింపు తెచ్చుకున్నాడు. అయితే వీరిద్ద‌రూ క‌లిసి ఒక్క సినిమాలోనూ న‌టించ‌లేదు....

HOT NEWS

[X] Close
[X] Close