పూరి త‌న సినిమాల్లో హీరోనే కాదు, హీరోయిన్ల‌నీ బ్ర‌హ్మాండంగా చూపిస్తాడు. `పోకిరి` త‌ర‌వాతే… ఇలియానా స్టార్ అయ్యింది. `అమ్మా నాన్న త‌మిళ అమ్మాయి`తో అసిన్ సీన్ పూర్తిగా మారిపోయింది. ఇప్పుడు కూడా ఇద్ద‌రి భ‌విత‌వ్యాలు పూరి చేతులో ఉన్నాయి. వాళ్లే నిధి అగర్వాల్, న‌భా న‌టేషా. ఇస్మార్ట్ శంక‌ర్‌లో వీరిద్ద‌రే క‌థానాయిక‌లు. ఈ పాత్ర‌ల్ని ఈ సినిమాలో పూరి తీర్చిదిద్దిన విధానం మాస్‌ని బాగా ఆక‌ట్టుకుంటుంద‌ని తెలుస్తోంది.
ఇటీవ‌ల ఈ సినిమాకి సంబంధించిన కొన్ని స్టిల్స్ విడుద‌ల‌య్యాయి. వాటిలో నిధి అగర్వాల్ ఓ రేంజులో క‌నిపిస్తోంది. ఇప్పుడు న‌భా స్టిల్స్ బ‌య‌ట‌కు వ‌చ్చాయి. అవి చూస్తుంటే.. నిధిని న‌భా దాటేసిన‌ట్టే క‌నిపిస్తోంది. ఈసారి రెండు పాత్రల్నీ పూరి ఫుల్ గ్లామ‌రెస్‌గా, మాస్‌గా తీర్చిదిద్దాడ‌నిపిస్తోంది. ముఖ్యంగా న‌భా క్యారెక్ట‌ర్ ని అయితే పూరి కొత్త‌గా తీర్చిదిద్దాడ‌ట. ఇప్ప‌టి వ‌ర‌కూ న‌భాని ఎవ్వ‌రూ చూపించనంత గ్లామ‌ర్‌గా చూపించ‌బోతున్నాడ‌ట. ఈ సినిమాతో మ‌రిన్ని అవ‌కాశాలు కొల్ల‌గొట్ట‌డం ఖాయ‌మనిపిస్తోంది. ఇప్ప‌టికే న‌భాకి కొత్త అవ‌కాశాలు కూడా వ‌స్తున్నాయి. ఇస్మార్ట్ శంక‌ర్‌తో – ఈ భామ రేంజ్ మారుతుందేమో చూడాలి.
