నాగం దర్శకత్వంలో సినిమా చూపిస్తా ఆగస్ట్ 15నవిడుదల?

ఈనెల 14న రాజ్ తరుణ్, అవికా గోర్ జంటగా నటించిన “సినిమా చూపిస్తా మావ” అనే సినిమా విడుదల కాబోతోంది. దీనికి నక్కిన త్రినాధరావు దర్శకత్వం వహించారు. ఆ మర్నాడే అంటే ఆగస్ట్ 15వ తేదీన అదే టైటిల్ తో మరో సినిమా కూడా విడుదల కాబోతోంది. అది పూర్తిగా హీరో ఓరియంటడ్ మూవీ. కనుక హీరోయిన్ ఉండదు. మొదట విడుదలవుతున్న సినిమా ప్రేమకి సంబంధించినదయితే మర్నాడు విడుదలవుతున్న సినిమా తెలంగాణా బ్యాక్ డ్రాప్ గా వస్తోంది. అంటే నిజ జీవితంలో జరిగిన సంఘటనల ఆధారంగా తీయబడిందన్నమాట! దీనిలో హీరోగా మాజీ ఎమ్మెల్యే ఎన్నం శ్రీనివాసరెడ్డి చేస్తున్నారు.

ముఖ్యమంత్రి కేసీఆర్ ప్రధాన విలన్ పాత్ర, తెరాస నేతలందరూ ఆయన అనుచరుల పాత్రలు పోషిస్తున్నారు. తెలంగాణా ఉద్యమ సమయంలో పోరాడి తరువాత తమ ఉనికిని కోల్పోయిన వారు అందరూ ఇందులో ప్రధాన పాత్రలు పోషిస్తున్నారు. దీనికి కధ, స్క్రీన్-ప్లే, దర్శకత్వం, కెమెరా, పంచ్ డైలాగులు, ఫైట్స్, నిర్మాణం అన్నిటి బాధ్యతా కూడా బీజేపీ ఎమ్మెల్యే నాగం జనార్ధన రెడ్డే చూసుకొంటున్నారు. ఆగస్ట్ 15వ తేదీన బషీర్ బాగ్ లో మాత్రమే ఈ సినిమా రిలీజ్ కాబోతోంది.

చాలా కన్ఫ్యూజింగ్ ఉంది కదూ? అందరూ సినిమాలోనే ఫ్లాష్ బ్యాక్ చూస్తుంటారు. కానీ నాగం జనార్ధన్ రెడ్డి తీస్తున్న ఈ సినిమా చూడకముందే దాని ఫ్లాష్ బ్యాక్ గురించి తెలుసుకోవలసి ఉంటుంది లేకుంటే ఇలాగే చాలా కన్ఫ్యూజింగా ఉంటుంది. ఇప్పుడు ఫ్లాష్ బ్యాక్ లోకి వెళితే:

“తెలంగాణాకి ఇంత అన్యాయం జరుగుతున్నా కూడా నాగం జనార్ధన్ రెడ్డి చప్పుడు చేయకుండా కూర్చొన్నాడు” అని తెరాస నేతలు వాయిస్ ఓవర్ తో ఈ సినిమా మొదలవుతుంది. ఆ తరువాత “కేంద్రంలో బీజేపీ అధికారంలో ఉన్నప్పటికీ తెలంగాణా రాష్ట్రంలో మాత్రం బీజేపీ పరిస్థితి ఎక్కడవేసిన గొంగళి అక్కడే ఉందనే” డైలాగు వినిపిస్తుందిట! దానిని బీజేపీ జాతీయ అధ్యక్షుడు అమిత్ షా పలికినట్లు సమాచారం. అప్పుడే నాగం జనార్ధన్ రెడ్డి కళ్ళు ఎర్రబడతాయి…ఆవేశం వస్తుంది…మహేష్ బాబులాగ పిడికిలి బిగిస్తాడు…తనను, తన పార్టీని విమర్శిస్తున్న తెరాస నేతలపై పంచ్ విసిరేలోగా మనం అధికార పార్టీలో ఉన్నాము సార్! కనుక మనమే డైరెక్టుగా స్ట్రీట్ ఫైట్స్ చేయకూడదని ఎవరో చెప్పడంతో అంత ఆవేశాన్ని కంట్రోల్ చేసుకోకతప్పలేదు.

అదేదో సినిమాలో పవన్ కళ్యాణ్ చెప్పిన ‘సింహంతో ఆటాడుకోవడం…’డైలాగుని మనసులోనే మళ్ళీ మళ్ళీ గట్టిగా చెప్పుకొని ఆగిపోవలసి వచ్చింది. అప్పుడే నాగం కమిట్ అయిపోయారు…తెలంగాణా ముఖ్యమంత్రి కేసీఆర్ కి, తెరాస ప్రభుత్వానికి కూడా ‘సినిమా చూపించాలని.’ అంటే తన పవర్ ఏమిటో చూపించాలని. ఈ సినిమా టైటిల్ వెనుక ఇంత పెద్ద కధ ఉందన్నమాట. ఇక సినిమా విషయానికి వస్తే నాగం జనార్ధన రెడ్డి తనే స్వయంగా హీరో రోల్ వేసి కేసీఆర్ & కోని రఫ్ ఆడించేయోచ్చు…ఆ కెపాసిటీ కూడా ఉంది. ఎన్నో కలలతో తెదేపాకి గుడ్ బై చెప్పేసి తెరాసలో చేరాలనుకొన్న తనను కనీసం టీ-జేఏసీలో కూడా చేరకుండా కేసీఆర్ మోకాలు అడ్డుపెట్టాడనే మంచి రివెంజ్ కోసం పాయింటు కూడా నాగం దగ్గర ఉంది. కానీ కొత్తగా ఈ ‘అధికార పార్టీ సెంటిమెంటు’ ఒకటి అడ్డొస్తోంది.

అందుకే ఒక్క హీరో వేషం తప్ప ఆ సినిమాకి సంబంధించి అన్నీ నాగమే చూసుకొంటున్నారు. దానికి సబ్ టైటిల్ “బచావో తెలంగాణా” అని పెట్టారుట! ముందే చెప్పుకొన్నట్లుగా మాజీ ఎమ్మెల్యే ఎన్నం శ్రీనివాసరెడ్డి అధ్యక్షతన “బచావో తెలంగాణా” పేరుతో ఒక రాజకీయ ఫోరం ఏర్పాటు చేసి, అందులో తెలంగాణా ఉద్యమ సమయంలో పోరాడిన వారినందరినీ చేర్చుకొని ఉద్యమ సమయంలో రాజకీయ జె.ఏ.సి. ఏవిధమయిన పాత్ర పోషించిందో ఇప్పుడు నాగం దర్శకత్వంలో ఈ బచావో తెలంగాణా సంస్థ కూడా అటువంటి పాత్రే పోషిస్తూ కేసీఆర్ & కో కి సినిమా చూపించబోతోందిట! ఇదీ సినిమా చూపిస్తా ఫ్లాష్ బ్యాక్.
మరి బాహుబలి సినిమా చూడటానికి ఇష్టపడిన కేసీఆర్ నాగం జనార్ధన్ రెడ్డి చూపించాలనుకొంటున్న ఈ సినిమాను చూస్తారో…. లేకపోతే తను స్వయంగా తీస్తున్న తన ‘బంగారి తెలంగాణా’ సినిమా కాపీని ప్రివ్యూ చూడమని పంపిస్తారో చూడాలి…మనమూ చూడాలి.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

ఏపీలో హాట్ టాపిక్ ” జగన్ ప్యాలెస్ “

పేదల సీఎం గా తనను తాను చెప్పుకునే జగన్ రెడ్డి పెద్ల దగ్గర వసూలు చేసిన పన్నులతో కట్టిన ప్యాలెస్ చూసి రాష్ట్ర ప్రజల మైండ్ బ్లాంక్ అవుతోంది. వందల కోట్లు ఖర్చు...

పబ్లిక్‌కి రుషికొండ ప్యాలెస్ గేట్లు ఓపెన్

రుషికొండ వైపు అడుగు పెడితే అరెస్టు చేసేవారు ఎన్నికలకు ముందు.. ఇప్పుడు .. రుషికొండ ప్యాలెస్ గేట్లు ప్రజలు చూసేందుకు ఓపెన్ చేశారు. గంటా శ్రీనివాసరావు స్థానిక నేతలు, మీడియా ప్రతినిధులతో వెళ్లి...

ఈవీఎంలు అయితే ఇక వైసీపీ ఎన్నికల బహిష్కరణే !

ఈవీఎంలను శకుని పాచికలు అని.. ఎటు కావాలంటే అటు పడుతున్నాయని జగన్ రెడ్డి కొత్త మాట చెబుతున్నారు. ఆయన పార్టీ నేతలు కూడా అదే చెబుతున్నారు. ఇదే జగన్ 2019 ఎన్నికల...

“రీ డిజైన్” క్రెడిట్ కేసీఆర్‌దే !

ప్రాజెక్టులను రీడిజైన్ చేసింది కేసీఆర్. ఈ మాట ఆయన చెప్పుకున్నారు. బీఆర్ఎస్ నేతలు చెప్పుకున్నారు. అయితే ఇప్పుడు మాత్రం ఆయనకు సంబంధం లేదంటున్నారు. ఎందుకంటే... విచారణ నుంచి తప్పించుకోవడానికి. కేసీఆర్ ది కాకపోతే...

HOT NEWS

css.php
[X] Close
[X] Close