‘ఐయామ్ నాట్ ఇన్ డేంజర్, ఐయామ్ ది డేంజర్’…. బ్రేకింగ్ బ్యాండ్ వెబ్ సిరిస్ లో ఫేమస్ డైలాగ్ ఇది. ఇప్పుడిదే డైలాగ్ ని గుర్తు చేసేలా నాని ‘హిట్ 3’ సినిమా అనౌన్స్ మెంట్ ఇచ్చారు. HIT ఫ్రాంచైజీలో శైలేష్ కొలను రెండు సినిమాలు తీశారు. ఆ రెండు మంచి విజయాన్ని అందుకున్నాయి. ఇప్పుడు మూడో కేసులో నాని హీరో. అర్జున్ సర్కార్ గా నాని పాత్రని పరిచయం చేస్తూ ఓ గ్లింప్స్ రిలీజ్ చేశారు.
తను డేంజర్ లో ఉన్నాడని ఓ అధికారి హెచ్చరిస్తే తనే ఓ డేంజర్ అని మరో అధికారి సమాధానం ఇవ్వడంతో నాని క్యారెక్టర్ రివిల్ కావడం ఆసక్తికరంగా వుంది. ఇందులో నాని ఇంటెన్స్ అండ్ వైల్డ్ గా కనిపించాడు. మంచు కొండల్లో తీసిన వీడియో లావిష్ గా వుంది. మిక్కీ జే మేయర్ అందించిన నేపధ్య సంగీతం ఇంటన్సిటీని పెంచింది. నాని సమర్పణలో ప్రశాంతి తిపిర్నేని ఈ సినిమాని నిర్మిస్తున్నారు. HIT ఫ్రాంచైజీలో రెండు సినిమాలు బాక్సాఫీసు వద్ద మంచి రిజల్ట్ చూడటంతో ఈ సిరిస్ లో వస్తున్న మూడో సినిమాపై మంచి అంచనాలు ఏర్పడ్డాయి. మే 1, 2025న ఈ సినిమా ప్రేక్షకుల ముందుకు రానుంది.
