ద‌ర్శ‌కుడికి నాని పెట్టిన ప‌రీక్ష‌

కొత్త ద‌ర్శ‌కుల‌తో ప‌ని చేయ‌డం అంటే నానికి చాలా స‌ర‌దా, ఇష్టం. ఇండ‌స్ట్రీకి చాలామంది కొత్త ద‌ర్శ‌కుల్ని ప‌రిచ‌యం చేశాడు నాని. వాళ్ల‌లో చాలామంది హిట్లు కొట్టి, విజ‌య‌వంత‌మైన ద‌ర్శ‌కులుగా మారారు. ఇప్పుడు ద‌స‌రాతో శ్రీ‌కాంత్ ఓదెల‌ని డెరైక్ట‌ర్ చేసేశాడు. త‌న‌కీ ఇది తొలి సినిమానే. అయితే ఈ సినిమా ఇవ్వ‌డానికి ద‌ర్శ‌కుడికి ఓ పరీక్ష పెట్టాడు నాని. ఇది ఓ ర‌కంగా `ద‌స‌రా` ఫ్లాష్ బ్యాక్ అనుకోవాలి.

ఓసారి.. శ్రీ‌కాంత్ ఓదెల నాని అప్పాయింట్ మెంట్ తీసుకొన్నాడు. గంట‌లో క‌థ చెప్పాల‌న్న‌ది ఒప్పందం. శ్రీ‌కాంత్ చాలా ఇంట్రావ‌ర్ట్‌. అస‌లు త‌ను క‌థ చెప్ప‌గ‌ల‌డా? అనే అనుమానం నానికి వ‌చ్చింద‌ట‌. కానీ… గంట‌లో అయిపోతుంద‌నుకొన్న క‌థ‌ని ఏకంగా 4 గంటలు నేరేట్ చేశాడు శ్రీ‌కాంత్. నాని త‌న కెరీర్‌లో అప్ప‌టి వ‌ర‌కూ విన్న నేరేష‌న్ల‌కు.. శ్రీ‌కాంత్ చెప్పిన నేరేష‌న్ల‌కు అస్స‌లు సంబంధం లేద‌ట‌. క‌థ బాగా న‌చ్చినా.. చెప్పిన‌ట్టు తీయ‌గ‌ల‌డా? లేదా? అనే అనుమానం వ‌చ్చింది నానికి. వెంట‌నే… అస‌లు షార్ట్ ఫిల్మ్ తీయ‌డానికి కూడా స‌రిప‌డ‌నంత ఎమౌంట్ ఇచ్చి, ఈ సినిమాలో రెండు సీన్లు తీసి, నాకు చూపించు.. అప్పుడు ఆలోచిస్తా.. అంటూ ఆఫ‌ర్ ఇచ్చాడ‌ట‌. నాలుగు రోజుల్లోనే, త‌న‌కు న‌చ్చిన న‌టీన‌టుల్ని ఎంపిక చేసుకొని, ఆ రెండు సీన్లూ తీసి నాని ద‌గ్గ‌ర‌కు వ‌చ్చాడ‌ట‌. ఎయిర్ పోర్ట్‌కు బ‌య‌లు దేరిన నాని.. దారి మ‌ధ్య‌లో శ్రీ‌కాంత్ ని పిక‌ప్ చేసుకొని, కారులో, లాప్‌టాప్‌లోనే ఆ రెండు సీన్లూ చూసేశాడ‌ట‌. వెంట‌నే.. ఫ్లాట్ అయిపోయి.. ఎయిర్ పోర్టుకి వెళ్లేలోగా `ఈ సినిమా మ‌నం చేస్తున్నాం` అని మాట ఇచ్చేశాడ‌ట‌. ఆ రెండు సీన్లూ నానికి అంత బాగా న‌చ్చాయ‌ట‌. అలా… శ్రీ‌కాంత్ ఓదెల‌కు ద‌ర్శ‌కుడిగా ఛాన్స్ ఇచ్చేశాడు నాని. ఈ సినిమా ఈనెల 30న ప్రేక్ష‌కుల ముందుకు వ‌స్తోంది. ఈ సినిమాపై చాలా అంచ‌నాలున్నాయి. మ‌రి.. నానిని మెప్పించిన‌ట్టే బాక్సాఫీసునీ శ్రీ‌కాంత్ మెప్పించ‌గ‌లిగితే, తొలి అడుగులోనే శ్రీ‌కాంత్ ఓదెల ఓ హిట్ వేసుకొంటాడు.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

ఆ స్వామిజీకి టిక్కెట్ రాకుండా చేసింది బాలకృష్ణేనట !

పరిపూర్ణానంద అనే స్వామిజీకి ప్రవచాలు చెప్పుకోవడం కన్నా రాజకీయాల్లో ఆదిత్యనాథ్ ని అయిపోవాలన్న ఆశ ఎక్కువగా ఉంది. గతంలో తెలంగాణలో ప్రయత్నించారు. వర్కవుట్ కాలేదు. ఈ సారి ఏపీలో దృష్టి పెట్టారు....

గంటాకే భీమిలీ – టీడీపీ ఫైనల్ లిస్ట్ రిలీజ్

గంటా శ్రీనివాసరావు హైకమాండ్ అనుకున్నది కాకుండా.. తాను అనుకున్న చోట పోటీ చేయడంలో ఎక్స్ పర్ట్. మరోసారి అనుకున్నది సాధించారు. భీమిలీ సీటు ఆయన ఖాతాలోనే పడింది. టీడీపీ విడుదల చేసిన...

మెకానిక్ గా మారిన మాస్ కా దాస్

ఈమ‌ధ్యే 'గామి'గా ద‌ర్శ‌న‌మిచ్చాడు విశ్వ‌క్‌సేన్‌. త‌న కెరీర్‌లో అదో వెరైటీ సినిమా. ప్రేక్ష‌కుల ప్ర‌శంస‌ల‌తో పాటు, విమ‌ర్శ‌కుల మెచ్చుకోళ్లూ ద‌క్కాయి. త‌ను న‌టించిన 'గ్యాంగ్స్ ఆఫ్ గోదావ‌రి' విడుద‌ల‌కు సిద్ధ‌మైంది. ఇప్పుడు మ‌రో...

“చెంగిచెర్ల” మీదుగా బీజేపీ ఎలక్షన్ ప్లాన్లు !

మేడ్చల్ నియోజకవర్గం చెంగిచెర్ల గ్రామంలో హోలీ పండుగ సందర్భంగా ఘర్షణ జరిగింది. డీజే పాటలు పెట్టుకొని హోలీ సంబరాలు చేసుకుంటుండగా.. మరో వర్గానికి చెందిన వారు ఆ పాటలు ఆపాలని కోరారు....

HOT NEWS

css.php
[X] Close
[X] Close