ల‌క్ష దాటిన ‘న‌ర్త‌న శాల’ బుకింగ్స్‌

17 నిమిషాల కొన్ని స‌న్నివేశాల్ని ఏటీటీలో విడుద‌ల చేయ‌డం ఓర‌కంగా కొత్త విష‌య‌మే. ఇది సినిమా కాదు. సినిమాలో కొంత పార్ట్ మాత్ర‌మే. దానికి ముందూ, వెనుక ఏముంటుందో తెలీదు. ఆయా స‌న్నివేశాల్ని అంత వ‌ర‌కూ మాత్ర‌మే చూడ‌గ‌లం. దాన్ని ఏటీటీలో పెట్ట‌డం, 50 రూపాయ‌లు టికెట్ గా నిర్ణ‌యించ‌డం – మంచి మార్కెటింగ్ వ్యూహం. 50 రూపాయ‌ల టికెట్ కాబ‌ట్టి, బాల‌య్య అభిమానుల‌కు పెద్ద‌గా భారం అనిపించ‌దు. అందుకే `న‌ర్త‌న శాల‌` బుకింగ్స్ ఊపందుకున్నాయ‌ని స‌మాచారం. ఇప్ప‌టి వ‌ర‌కూ ల‌క్ష టికెట్ల వ‌ర‌కూ తెగాయ‌ని, రేపు `న‌ర్త‌న‌శాల‌` వ‌చ్చే స‌మ‌యానికి మ‌రో ల‌క్ష చేరే అవ‌కాశాలున్నాయ‌ని తెలుస్తోంది. అంటే…. దాదాపు కోటి రూపాయ‌ల ఆర్జ‌న‌.

నిజానికి ఈ 17 నిమిషాల స‌న్నివేశాల్ని బాల‌కృష్ణ త‌న పుట్టిన రోజున విడుద‌ల చేద్దామ‌నుకున్నారు. కానీ.. `శివ‌శంక‌రీ` పాట ఎఫెక్టో ఏమో, ఆ ప్ర‌య‌త్నం నుంచి మానుకున్నారు. త‌ర‌వాత శ్రియాస్ ఓటీటీ వాళ్లు ముందుకు రావ‌డం, దాన్ని టికెట్ పెట్టి మ‌రీ చూపించాల‌నుకోవ‌డం జ‌రిగిపోయాయి. 17 నిమిషాల ఈ స‌న్నివేశాల కోసం ఓ ట్రైల‌ర్ కూడా క‌ట్ చేసి వ‌దిలారు. బాల‌కృష్ణ ద‌ర్శ‌క‌త్వ ప్ర‌తిభ చూడాల‌నుకునే వీరాభిమానుల‌కు, సౌంద‌ర్య‌, శ్రీ‌హ‌రిల‌ను చివ‌రి సారి తెర‌పైచూడాల‌నుకున్న‌వారికి 50 రూపాయ‌లు పెద్ద భారం కాదు. అందుకే ఈ స్థాయిలో టికెట్లు తెగాయి. `న‌ర్త‌న‌శాల‌`లో పెద ఎన్టీఆర్ కూడా ఓ ఫ్రేములో క‌నిపిస్తార‌ని, టాప్ హీరోలోని కొన్ని షాట్స్ ని ఇందుకోసం వాడుకున్నార‌ని స‌మాచారం. ఈ రెండింటికీ లింకెలా క‌లిసిందో చూడాలి. `న‌ర్త‌న శాల‌` వ‌చ్చే ఆదాయాన్ని ఓ మంచి ప‌ని కోసం వాడ‌తాన‌ని బాల‌య్య ప్ర‌క‌టించారు. అస‌లు `న‌ర్త‌న శాల‌` వ‌ల్ల ఎంతొచ్చిందో?  దాన్ని ఎందుకోసం ఉప‌యోగించ‌బోతున్నారో, ఆ వివ‌రాల్ని త్వ‌ర‌లో బాల‌కృష్ణే వివ‌రిస్తారు. 

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

ద‌ర్శ‌కేంద్రుడితో… స‌మంత‌, శ్రియ‌, ర‌మ్య‌కృష్ణ‌

కె.రాఘ‌వేంద్ర‌రావు ఇప్పుడు కెమెరా ముందుకొస్తున్నారు. ఓ నటుడిగా ఆయ‌న త‌న‌లోని కొత్త కోణాన్నిచూపించ‌బోతున్నారు. త‌నికెళ్ల భ‌ర‌ణి ద‌ర్శ‌క‌త్వంలో ఓ చిత్రం రూపుదిద్దుకోనుంది. ఇందులో కె.రాఘ‌వేంద్ర‌రావు ప్ర‌ధాన పాత్ర‌ధారి. ఈ చిత్రంలో ముగ్గురు క‌థానాయిక‌లు...

ప్ర‌కాష్ రాజ్‌కి సెగ మొద‌లైంది

ప‌వ‌న్ క‌ల్యాణ్ ని రాజ‌కీయ ఊస‌ర‌వెల్లి అంటూ విమ‌ర్శించాడు ప్ర‌కాష్ రాజ్. బీజేపీతో జ‌న‌సేన పొత్తు పెట్టుకోవ‌డం ఆయ‌న‌కు ఏమాత్రం న‌చ్చ‌లేదు. అందుకే.. ఇలా ఆవేశ ప‌డ్డాడు. అయితే.. ప‌వ‌న్ క‌ల్యాణ్ తో...

బాలీవుడ్ లో ‘రేసుగుర్రం’ దౌడు!

ఎందుకో బాలీవుడ్ దృష్టి.. మ‌న పాత తెలుగు సినిమాల‌పై ప‌డింది. మిథునం, ఛ‌త్ర‌ప‌తి, ఊస‌ర‌వెల్లి లాంటి సినిమాల్ని వాళ్లు రీమేక్ చేస్తున్నారు. ఇప్పుడు కాస్త ఆల‌స్య‌మైనా... మరో హిట్ సినిమా కూడా బాలీవుడ్...

ఎన్నాళ్ల‌కు గుర్తొచ్చావు.. స‌లోనీ!?

స‌లోని... ఈ పేరు విని చాలా కాలం అయ్యింది క‌దా..? రాజ‌మౌళి సినిమాలో హీరోయిన్ గా న‌టించినా.. ఏమాత్రం గుర్తింపు తెచ్చుకోలేదు. మ‌ర్యాద రామన్న లాంటి హిట్ చేతిలో ప‌డినా, దాన్ని...

HOT NEWS

[X] Close
[X] Close