వార‌సుడిపై దృష్టి పెట్టిన బాల‌య్య‌

లాక్ డౌన్ లో స్టార్లంతా ఇంటికే ప‌రిమితం అయ్యారు. వివిధ ర‌కాల వ్యాపాల‌తో బిజీగా మారారు. బాల‌కృష్ణ కూడా అంతే. అయితే ఈ విరామాన్ని ఆయ‌న త‌న వార‌సుడి కోసం కేటాయించారు. మోక్ష‌జ్ఞ ఎంట్రీ కోసం నంద‌మూరి అభిమానులు ఎప్ప‌టి నుంచో ఎద‌రు చూస్తున్న సంగ‌తి తెలిసిందే. నిన్నా మొన్న‌టి వ‌ర‌కూ బాల‌య్య మోక్ష‌జ్ఞ ఎంట్రీని లైట్ గా తీసుకున్నాడు. అయితే ఇప్పుడు అందుకు సమ‌యం కుదిరింది. మోక్ష‌జ్ఞ ఎంట్రీ కోసం బాల‌య్య ఇప్పుడు సీరియ‌స్ గా దృష్టి పెట్టారు. ఈ లాక్ డౌన్ స‌మ‌యంలో.. బాల‌య్య కొన్ని క‌థ‌లు విన్నాడ‌ట‌. అది మోక్ష‌జ్ఞ కోస‌మే. కొంత‌మంది యువ ద‌ర్శ‌కుల‌తో బాల‌య్య భేటీ అయిన‌ట్టు.. మోక్ష‌జ్ఞ క‌థ‌ల గురించి ఆరా తీసిన‌ట్టు తెలుస్తోంది. అంతేకాదు.. ఫిట్ నెస్‌, న‌ట‌న‌కు సంబంధించిన మెళ‌కువ‌లు.. వీటికి సంబంధించిన విష‌యాల‌పై త‌ర్ఫీదు కోసం కొంత‌మంది నిపుణుల్ని కూడా నియ‌మించార్ట‌. మోక్ష‌జ్ఞ ప్ర‌స్తుతం న‌ట‌న‌, ఫిట్ నెస్‌పై దృష్టి పెట్టార‌ని, పాత సినిమాల్ని విధిగా చూస్తూ.. అప్పుడ‌ప్పుడూ యువ ద‌ర్శ‌కులతో భేటీ అవుతున్నార‌ని తెలుస్తోంది. ప‌రిస్థితి చూస్తుంటే 2021లో మోక్ష‌జ్ఞ ఎంట్రీ ఖాయంలానే క‌నిపిస్తోంది.