జగన్ “క్యాలెండర్‌”పై నెగెటివ్ టాక్..!

ముఖ్యమంత్రి విడుదల చేసిన జాబ్స్ క్యాలెండర్ పై సోషల్ మీడియాలో విపరీతమైన చర్చ జరుగుతోంది. జగన్మోహన్ రెడ్డి పాత ట్వీట్లను బయటకు తీయడమే కాదు.. ఇటీవలి కాలంలో చేసిన ప్రకటనలను కూడా బయటకు తీసి.. ప్రకటించిన జాబ్ క్యాలెండర్‌తో పోల్చి చూపిస్తున్నారు. ప్రభుత్వ రంగంలో రెండున్నర లక్షల ఖాళీలు ఉన్నాయని.. వైసీపీ ప్రభుత్వం రాగానే మొట్టమొదటగా.. ఆ రెండున్నర లక్షల ఖాళీలను భర్తీ చేస్తామని జగన్ ఎన్నికల ప్రచారంలో చెప్పారు. మేనిఫెస్టోలో కూడా పెట్టారు. ప్రతి ఏడాది జనవరి ఒకటో తేదీన జాబ్స్ క్యాలెండర్ విడుదల చేస్తామన్నారు. ఇప్పటికి రెండు జనవరి ఒకటిలు వెళ్లిపోయాయి కానీ జాబ్స్ క్యాలెండర్ రాలేదు.

కాస్త లేటైనా.. లక్షల్లో జాబ్స్ వస్తాయని నిరుద్యోగులు ఎదురు చూస్తున్నారు. తీరా క్యాలెండర్ ప్రకటించే సమయానికి మొత్తంగా పదివేల ఉద్యోగాలు మాత్రమే ఉన్నాయి. ఇందులోనూ గ్రూప్ వన్, టు ఉద్యోగాలు 50 కూడా లేవు. గ్రూప్ వన్.. టు ఉద్యోగాల కోసమే నిరుద్యోగులు పెద్ద ఎత్తున కష్టపడుతూంటారు. నోటిఫికేషన్లు వస్తాయని కోచింగ్ సెంటర్ల చుట్టూ తిరుగుతూంటారు. ఇప్పుడు ఇచ్చిన ప్రకటన చూసి.. వారు నిరాశపడ్డారు. సోషల్ మీడియాలో వారు తమ అసంతృప్తిని వెళ్లగక్కుతున్నారు. ఇక పోలీసు ఉద్యోగాల కోసం కూడా చాలా మంది ఎదురు చూస్తున్నారు. కానిస్టేబుళ్లు, ఎస్ఐ పోస్టుల నోటిఫికేషన్ల కోసం చూస్తున్నారు. ఆరేడు వేల పోస్టులు ఏడాదికి భర్తీ చేస్తామని గతంలో జగన్ హామీ ఇచ్చారు. చివరికి నాలుగు వందల పోస్టులు మాత్రమే చూపించారు.

పోస్టుల్ని చూసి నిరుద్యోగులు హతాశులవుతున్నారు. వాలంటీర్లు.. కోవిడ్ తాత్కాలిక ఉద్యోగాలు.. గ్రామ, వార్డు సచివాలయ ఉద్యోగాలు మాత్రమే ఉద్యోగాలా.. ఇక వేరే వాటికి చాన్స్ లేదా..అని ప్రశ్నిస్తున్నారు. కొసమెరుపేమిటంటే.. ఈ క్యాలెండర్‌లో ప్రకటించిన ఉద్యోగాలను వచ్చే ఏడాది మార్చి వరకూ భర్తీ చేస్తారు. చేస్తారో… వాటిని కూడా మధ్యలోనే నిలిపివేస్తారో తెలియని పరిస్థితి. మొత్తానికి ఈ జాబ్ క్యాలెండర్ … మంచి పేరు తీసుకురాకపోగా నిరుద్యోగుల్లో నిరాశా.. నిస్ప్రహలు పెరిగేలా చేసింది.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

మాన్సాస్ ట్రస్ట్‌లో చైర్మన్ చెప్పినట్లే జరగాలి : హైకోర్టు

మాన్సాస్ ట్రస్ట్ వ్యవహారంలో ఆంధ్రప్రదేశ్ ప్రభుత్వానికి మరోసారి హైకోర్టు షాకిచ్చింది. ఉద్యోగులకు జీతాలు నిలిపివేయడం.. ట్రస్ట్ ఖాతాలను స్తంభింపచేయడంపై చైర్మన్ అశోక్ గజపతిరాజు హైకోర్టులో పిటిషన్ వేశారు. విచారణ జరిపిన హైకోర్టు.....

తెలంగాణ యాస నేర్చుకుంటున్న నాని

తెలుగు సినిమాల్లో తెలంగాణ యాస‌, సంస్కృతి గ‌ట్టిగా ప్ర‌తిబింబిస్తోంది. ముఖ్యంగా యువ హీరోలెక్కువ‌మంది ఈ నేప‌థ్యాన్ని ఎంచుకుంటున్నారు. విజ‌య్ దేవ‌ర‌కొండ తెలంగాణ హీరోనే కాబ‌ట్టి.. ఆ స్లాంగ్ భ‌లేగా పండిస్తుంటాడు. `ల‌వ్ స్టోరీ`...

టైమ్ మిష‌న్ ఎక్కుతున్న టాలీవుడ్‌

ఫార్ములా చుట్టూ టాలీవుడ్.. టాలీవుడ్ చుట్టూ ఫార్ములా తిరుగుతుంటుంది. ఓ ఫ్యాక్షన్ సినిమా హిట్ట‌యితే.. ఇంకోటి బ‌య‌ల్దేరిపోతోంది. హార‌ర్ సినిమాల‌న్నీ క‌ట్ట‌క‌ట్టుకుని వ‌స్తాయి. ల‌వ్ స్టోరీల‌న్నీ ఒకేసారి వ‌రుస క‌డ‌తాయి. ఇప్పుడు టైమ్...

విద్యార్థులకు పథకం ఏదైనా “ల్యాప్ ట్యాప్” ఖాయం..!

ఆంధ్రప్రదేశ్ ప్రభుత్వం ఎందుకో కానీ ల్యాప్‌ట్యాప్‌ల మీద విపరీతమైన అభిమానం చూపిస్తోంది. అలాంటిలాంటి అభిమానం కాదు.. ఎంత వీలైతే అంత మంది భుజాలకు ల్యాప్‌ట్యాప్‌లు తగిలించాలని ప్లాన్ చేస్తోంది. అందు కోసం విద్యార్థుల...

HOT NEWS

[X] Close
[X] Close