మే 4.. దాస‌రి నారాయ‌ణ‌రావు జ‌న్మ‌దినం. దాస‌రిపై గౌర‌వంతో ఆయన పుట్టిన రోజుని డైరెక్టర్స్ డేగా జ‌రుపుకొంటోంది చిత్ర‌సీమ. నిజానికి ఈ రోజు ఎల్ బీ స్టేడియంలో భారీ ఈవెంట్ జ‌ర‌గాల్సింది. ఎన్నికల వ‌ల్ల వాయిదా ప‌డింది. ఇప్పుడు కొత్త డేట్ వ‌చ్చింది. ఈనెల 19 సాయింత్రం హైద‌రాబాద్ లోని ఎల్ బీ స్టేడియంలో ఈ ఈవెంట్ నిర్వ‌హించ‌బోతున్నామ‌ని ద‌ర్శ‌కుల సంఘం ప్ర‌క‌టించింది. ఇప్ప‌టికే ఆన్ లైన్లో టికెట్ల విక్ర‌యం మొద‌లైంది కూడా.
ఈ ఈవెంట్ లో చాలా ప్ర‌త్యేక‌త‌లు ఉన్నాయి. రాజ‌మౌళి, నాని క‌లిసి ఓ స్కిట్ చేయ‌బోతున్న‌ట్టు తెలుస్తోంది. హ‌రీష్ శంక‌ర్‌, బాబి లాంటి యువ దర్శకులు కూడా కొన్ని స్కిట్లు చేయ‌బోతున్నార్ట. అనిల్ రావిపూడి, త‌మ‌న్నాలో ఓ డాన్స్ షో ఉంటుంద‌ని ఇన్ సైడ్ వ‌ర్గాలు చెబుతున్నాయి. త‌మ‌న్ ఆధ్వ‌ర్యంలో ఓ మ్యూజిక‌ల్ షో కూడా ఏర్పాటు చేయ‌నున్నార‌ని తెలుస్తోంది. ఆర్పీ ప‌ట్నాయ‌క్‌, అనూప్‌ల సంగీత విభావ‌రి కూడా ఉండ‌బోతోంది. ఈ కార్య‌క్ర‌మానికి చిరంజీవిని అతిథిగా ఆహ్వానించారు. చిత్ర‌సీమ‌లోని దర్శకులు, న‌టీన‌టులు, సాంకేతిక నిపుణులు ఈ ఈవెంట్ లో పాల్గొంటారు. ఈ కార్య‌క్ర‌మం ద్వారా వ‌చ్చిన ఆదాయాన్ని ద‌ర్శ‌కుల సంక్షేమం కోసం వాడాల‌న్న‌ది ప్లాన్‌. ఇప్ప‌టికే ప్ర‌భాస్ త‌న వంతుగా భారీ విరాళాన్ని ప్ర‌క‌టించాడు. మిగిలిన హీరోలూ చేయూత ఇస్తార‌ని తెలుస్తోంది.
