నితిన్, నిత్యా మీనన్ ల కాంబినేషన్ లో మరో సినిమా రాబోతున్న వార్తలు ఫిల్మ్ నగర్ లో జోరందుకున్నాయి. పదికి పైగా ఫ్లాప్ సినిమాలతో కెరియర్ లో ఆటు పోట్లు ఎదుర్కున్న నితిన్ కు ఇష్క్ సినిమా ద్వారా హిట్ అందించాడు దర్శకుడు విక్రమ్ కుమార్. ఇక ఆ సినిమాలో నితిన్, నిత్యాల జంట సూపర్ అనిపించుకుంది. అయితే ఆ సినిమా తర్వాత ఆ క్రేజీ కాంబినేషన్ లో మళ్లీ గుండెజారి గల్లంతయ్యిందే సినిమా వచ్చింది.
విజయ్ కుమార్ కొండా దర్శకత్వం వహించిన ఆ సినిమా కూడా నితిన్ కు భారీ విజయాన్ని అందించింది. అయితే మరోసారి వీరిద్దరు కలిసి పనిచేసే అవకాశాలు కనిపిస్తున్నాయని తెలుస్తుంది. అంతేకాదు ఈ సినిమాకు దర్శకుడుగా విజయ్ కుమార్ పనిచేయడం విశేషం. కొరియర్ బోయ్ కళ్యాన్ సినిమా ఫ్లాప్ తో మళ్లీ ట్రాక్ తప్పేలా ఉన్న నితిన్ ప్రస్తుతం అ..ఆ సినిమా చేస్తున్నాడు.
త్రివిక్రం డైరెక్ట్ చేస్తున్న ఈ సినిమా ఏప్రిల్ 22న రిలీజ్ అవుతుంది. ఇక ఆ సినిమా తర్వాత విజయ్ కుమార్ దర్శకత్వంలో నితిన్, నిత్యాల సినిమా ఉంటుందట. మరి క్రేజీ కాంబినేషన్ లో వస్తున్న ఈ సినిమా మరో భారీ హిట్ ను అందుకోవాలని కోరుకుందాం.
