భాజపా చేరినా అభియోగాల నుంచి మినహాయింపు ఉండ‌ద‌ట..!

అధికార పార్టీలోకి ఇత‌ర పార్టీల నాయ‌కుల వ‌ల‌స‌లు ఎందుకు ఉంటాయి..? ఆ నాయ‌కుల‌కు ఆర్థిక అవ‌స‌రాలుండొచ్చు, కేసుల్లాంటివి ఉంటే అధికారం అండ అవ‌స‌రం ఉండొచ్చు. ప్ర‌జాసేవ సేవ కోస‌మే పార్టీ మారుతున్నామ‌ని మైకుల ముందు చెప్తున్నవారి అవ‌స‌రాలేంటో ప్ర‌జ‌ల‌కు అర్థ‌మౌతూనే ఉంటాయి! తాజాగా భాజ‌పాలో చేరిన న‌లుగురు టీడీపీ ఎంపీలూ ప్ర‌ధాన వ్యాప‌కం వ్యాపారాలే క‌దా! ఎన్నిక‌ల‌కు ముందు కొంత‌మంది ఎంపీల‌పై ఐటీ, ఈడీలు దాడులు చేసిన సంగ‌తి తెలిసిందే. ఎన్నిక‌ల్లో టీడీపీ అధికారంలో రాలేదు. కేంద్రంలో మ‌రోసారి భాజ‌పా వ‌చ్చింది. భ‌విష్య‌త్తుపై ఓ అంచ‌నాకి వ‌చ్చి… ఆ న‌లుగురూ పార్టీ మారిపోయారు. దీంతో ఇక‌పై వారి వ్యాపారాల‌పైగానీ, గ‌తంలో ఎదుర్కొన్న అభియోగాల నుంచి కూడా ర‌క్ష‌ణ ల‌భించిన‌ట్టే అనే అభిప్రాయ‌మే అంద‌రికీ ఉంది. కానీ… అలాంటి ర‌క్ష‌ణ‌లేవీ ఒక జాతీయ పార్టీగా భాజ‌పా ఇవ్వ‌ద‌ని అంటున్నారు ఎంపీ జీవీఎల్ న‌ర్సింహారావు! అలాంటి డీల్ ఏదీ ఆ న‌లుగురు ఎంపీల చేరిక స‌మ‌యంలో జ‌ర‌గ‌లేద‌ని చెబుతున్నారు.

భాజపా స‌భ్యులైనా కొత్త‌గా చేరిన‌వారికైనా.. వారు ఎదుర్కొంటున్న అభియోగాల నుంచీ, విచార‌ణ‌ల నుంచి ఎలాంటి మిన‌హాయింపూ ల‌భించ‌ద‌న్నారు జీవీఎల్‌. ఈ విష‌యాన్ని స్ప‌ష్టంగా చెప్పిన త‌రువాతే, వారు అన్నీ ఒప్పుకున్న త‌రువాతే పార్టీలో చేర్చుకోవ‌డం ఉంటుంద‌ని అన్నారు. రాజ్య‌స‌భ‌లో త‌మ‌కు సంఖ్యాబ‌లం త‌క్కువ‌గా ఉంది కాబ‌ట్టి, వారు వ‌స్తామంటే చేర్చుకోవ‌డం జ‌రిగింద‌న్నారు! అంతేకాదు, భాజ‌పాలోకి రావ‌డమంటే ముందుగానే ఈ క్ర‌మ‌శిక్ష‌ణ‌కు లోబ‌డి ప‌నిచేయాల్సి ఉంటుంద‌ని తెలుసుకునే… వారు పార్టీలో చేరార‌న్నారు. ఇత‌ర రాజ‌కీయ పార్టీలో ఇలాంటి నిబ‌ద్ధ‌త ఉండ‌ద‌నీ, వీట‌న్నింటికీ వాళ్లు సిద్ధ‌ప‌డే వ‌చ్చార‌న్నారు జీవీఎల్‌!

ఇదే విష‌యం ముందుగా చెబితే ఆ న‌లుగురు టీడీపీ ఎంపీలూ నిజంగా పార్టీ మార‌తారా..? మేం ఎలాంటి ప్రొటెక్ష‌న్ ఇవ్వం, ఐటీ ఈడీ లాంటి సంస్థ‌ల దాడులు కొన‌సాగుతూనే ఉంటాయ‌ని ముందే చెప్తే ఏమ‌ని అర్థం? త‌మ‌ని చేర్చుకోవ‌డానికి భాజ‌పా సుముఖంగా లేద‌నే అభిప్రాయ‌మే అవుతుంది! కాబ‌ట్టి, ఎందుకు చేర్చుకున్నారూ ఎందుకు వెళ్లారూ అనే చ‌ర్చే అన‌వ‌స‌రం. అంతెందుకు, పార్టీ మార‌క ముందు, వెన‌క‌… ఎంపీ సుజ‌నా చౌద‌రి వ్యాఖ్య‌లు ఒక్క‌సారి గుర్తు చేసుకుంటే.. భాజ‌పా ఇచ్చిన అభ‌య హస్త‌మేంట‌నేది ఎవ్వ‌రికైనా అర్థ‌మైపోతుంది! దాని మీద ప్ర‌త్యేకంగా జీవీఎల్ వివ‌ర‌ణ ఇవ్వాల్సిన అవ‌స‌ర‌మూ లేదు.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

సోనూసూద్‌కి ఐరాస పుర‌స్కారం

నటుడు సోనూసూద్ కు అరుదైన పురస్కారం ప్ర‌క‌టించింది ఐక్య‌రాజ్య స‌మితి. ఐరాస అనుబంధ సంస్థ‌ యునైటెడ్‌ నేషన్స్ డెవలప్‌మెంట్‌ ప్రోగ్రామ్‌ (యుఎన్‌డిపి) స్పెషల్‌ హ్యుమానిటేరియన్‌ యాక్షన్ అవార్డుని ఈ యేట...

గ్రేటర్ ఎన్నికలు ఎప్పుడో చెప్పేసిన కేటీఆర్..!

గ్రేటర్ హైదరాబాద్ ఎన్నికలు నవంబర్‌లో నిర్వహించాలన్న ఆలోచన టీఆర్ఎస్ సర్కార్ చేస్తున్నట్లుగా కనిపిస్తోంది.ఈ విషయంలో మంత్రి కేటీఆర్ స్పష్టమైన సంకేతాలను పార్టీ నేతలు ఇచ్చేశారు. జీహెచ్ఎంసీ కార్పొరేటర్లు, ఆ పరిధిలోని ఎమ్మెల్యేలతో...

బ్లడ్ క్యాంప్‌ కోసం పిలుపిస్తే నారా రోహితే లీడరనేస్తున్నారు..!

తెలంగాణ తెలుగుదేశం నేతలు ఎవరైనా నాయకుడు కనిపిస్తాడా అని చకోరా పక్షుల్లా ఎదురు చూస్తున్నారు. వారి ఎదురు చూపులు ఎలా ఉన్నాయంటే.. చివరికి పార్టీ ఆఫీసులో తలసేమియా బాధితుల కోసం ఓ...

బీజేపీకీ ఈవీఎం ఎన్నికలే కావాలట..!

భారతీయ జనతాపార్టీ ఈవీఎంలతో మాత్రమే ఎన్నికలు నిర్వహించాలని కోరుతోంది. కరోనా కాలంలో ఒకే ఈవిఎం బటన్‌ను అందరూ అదే పనిగా నొక్కితే కరోనా వ్యాప్తికి ఎక్కువ అవకాశం ఉంటుందని ఆందోళనలు వినిపిస్తున్న సమయంలో......

HOT NEWS

[X] Close
[X] Close