నగరి గ్రామాల్లో రోజాకు నో ఎంట్రీ బోర్డులు..!

నగరి ఎమ్మెల్యే రోజాకు నగరి నియోజకవర్గంలో సొంత పార్టీ వాళ్లనే సమన్వయం చేసుకోలేని పరిస్థితి ఏర్పడింది. గ్రామ సచివాలయ భవనానికి శంకుస్థాపన చేద్దామని.. తన నియోజకవర్గంలోని ఓ గ్రామంలోకి వెళ్లబోతే.. జనం అడ్డుపడి.. తమ గ్రామంలోకి రావొద్దని.. గొడవ చేశారు. ఇంతా చేసి.. వాళ్లు టీడీపీ వాళ్లా.. అంటే కాదు.. వైసీపీ వాళ్లే. జగన్ సీఎం కావాలని.. ఇంటిటికి తిరిగిన వాళ్లే. వీరి తీరు చూసి రోజా కూడా అసహనానికి గురయ్యారు. కావాలని గొడవ చేశారని.. తన కారు అద్దాలు బద్దలు కొట్టబోయారని.. ఆరోపణలు గుప్పించారు. వైసీపీ నేతలే.. ఇలా రోజాపై తిరుగుబాటు చేయడానికి కారణం.. ప్రభుత్వ పథకాలు.. పనులు.. సాయం.. లాంటివేమీ ఆశించినంతగా అందకపోవడమే.

వైసీపీ అధికారంలోకి రాక ముందు.. రోజా.. మనం ప్రతిపక్ష పార్టీలో ఉన్నామని చెప్పి.. ఏ పనులూ చేయకుండా తప్పించుకున్నారు. ప్రభుత్వం మనది కాదని చెబుతూ వచ్చారు. దాంతో ప్రజలు కూడా.. మన ప్రభుత్వం వచ్చాక మనకు మంచి చేస్తుంది కదా.. అని ఐదేళ్లు ఎదురు చూశారు. తీరా.. “మన ప్రభుత్వం” వచ్చింది కదా అని వివిధ గ్రామాల ప్రజలు రోజా వద్దకు వెళ్తే.. ఒక్క పనీ కావడం లేదు. కనీసం ప్రభుత్వ పథకాల్లో తమ పేర్లు కూడా చేర్చలేకపోతున్నారు. అదే సమయంలో.. ఆయా గ్రామాల్లో కొంత మంది టీడీపీ నేతలకు పనులు అవుతున్నాయన్న అనుమానం కూడా వారికి వచ్చింది. కొంత మంది టీడీపీ నేతలకు.. బిల్లులు రావడం.. పనులు జరుగుతూండటంతో.. వారిలో అసహనం ప్రారంభమయింది. అది రోజాను అడ్డుకునేవరకూ వెళ్లింది.

ప్రతిపక్ష పార్టీలో ఎమ్మెల్యేగా ఉన్నప్పుడు.. పార్టీ నేతలెవరికీ.. ఏ పనులు చేయకపోయినా.. అడిగేవారు ఉండరు. ఎందుకంటే.. అధికారం లేదు కదా అని వారు సర్దుకుంటారు. అధికారంలోకి వచ్చిన తర్వాత మాత్రం అందర్నీ సర్దుబాటు చేయడానికి కష్టపడాల్సి ఉంటుంది. ఆ పరిస్థితి ఇప్పుడు రోజాకు ఎదురవుతోంది. నగరి నియోజకవర్గంలో వైసీపీ ఓటర్లలోనే.. రోజాకు అనుకూలం.. రోజాకు వ్యతిరేకం అంటూ మారిపోయారు.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

సీఐడీపై సుప్రీంకోర్టుకెళ్లిన ఏబీఎన్, టీవీ5..!

ఆంధ్రప్రదేశ్ సీఐడీ అధికారులు తమపై నమోదు చేసిన రాజద్రోహం కేసులు కుట్రపూరితమని.. తక్షణం ఆ కేసులపై తదుపరి చర్యలను నిలిపివేస్తూ ఆదేశాలివ్వాలని ఏబీఎన్-ఆంధ్రజ్యోతి, టీవీ5 సుప్రీంకోర్టును ఆశ్రయించాయి. రెండు టీవీ చానళ్లు వేర్వేరుగా...

కరోనా అనాథల్ని చేసిన పిల్లలకు అండగా జగన్..!

కరోనా ఎన్నో కుటుంబాల్లో చీకట్లు ముసిరేలా చేస్తోంది. కొన్ని చోట్ల ఇంటి పెద్ద దిక్కును కోల్పోగా.. మరికొన్ని చోట్ల..తల్లిదండ్రులు ఇద్దర్నీ కోల్పోయి చిన్నారు అనాథలవుతున్నారు. ఒకటో.. రెండో కాదు.. దాదాపుగా ప్రతి ఊరిలోనూ...

రఘురామ కేసులో “సుప్రీం” టర్న్..!

నర్సాపురం ఎంపీ రఘురామకృష్ణరాజును కస్టడీలో సీఐడీ పోలీసులు కొట్టారో లేదో తేల్చడానికి సికింద్రాబాద్ ఆర్మీ ఆస్పత్రిలో వైద్య పరీక్షలు నిర్వహించాలని సుప్రీంకోర్టు ఆదేశించింది. జ్యుడిషియల్ అధికారి పర్యవేక్షణలో రఘురామకు వైద్యపరీక్షలు నిర్వహించాలని.....

ఈ సారీ కౌంటర్ దాఖలుకు సీబీఐ, జగన్‌కు తీరలేదు..!

రఘురామకృష్ణరాజు దాఖలు చేసిన జగన్మోహన్ రెడ్డి బెయిల్ రద్దు పిటిషన్ విషయంలో కౌంటర్ దాఖలు చేయడానికి వారాలకు వారాల గడువు సీబీఐకి సరిపోవడం లేదు. ఒక్క సీబీఐకే కాదు.... నిందితుడైన జగన్మోహన్ రెడ్డికీ...

HOT NEWS

[X] Close
[X] Close