ఫస్ట్ ఇంప్రెషన్..! అమరావతిపై ఆశలొద్దు..!

ఆంధ్రప్రదేశ్ కొత్త రాజధాని అమరావతి విషయంలో.. కొత్త ప్రభుత్వం వైఖరి ఏమిటో… నేరుగా చెప్పకపోవడంతో… అనిశ్చితి ఏర్పడింది. అమరావతిలో నిర్మాణాలు ఎక్కడివక్కడ ఆగిపోయాయి. ఆ ప్రభావం రియల్ ఎస్టేట్ రంగంపై పడింది. భూముల ధరలు తగ్గిపోయాయి. రిజిస్ట్రేషన్లు కూడా పడిపోయాయి. ఈ క్రమంలో.. ప్రభుత్వం… స్పష్టమైన ప్రకటన చేస్తుందని…. సీఆర్డీఏపై ముఖ్యమంత్రి సమీక్షలో కీలక నిర్ణయాలు తీసుకుంటారని.. మళ్లీ అభివృద్ధి పరుగులు పెడుతుందని… రాజధాని ప్రాంత రైతులు అనుకున్నారు. కానీ.. ఫస్ట్ ఇంప్రెషన్ మాత్రం.. ముఖ్యమంత్రి రివర్స్‌లో ఇచ్చారు.

అభివృద్ధికేం తొందరలేదన్నదే ప్రభుత్వ విధానం..!

సీఆర్డీఏపై.. జగన్మోహన్ రెడ్డి మూడు గంటల పాటు జరిపిన సమీక్షలో.. అమరావతి ప్రణాళికలు మొత్తం… అధికారులు ముఖ్యమంత్రికి వివరించారు. పనులు ఎక్కడివక్కడ ఆగిపోయిన విషయాన్ని కూడా వివరించారు. ప్రభుత్వం భరోసా ఇస్తే తప్ప.. కాంట్రాక్టర్లు పనులు ప్రారంభించడానికి సిద్ధంగా లేరన్న విషయం కూడా చెప్పినట్లు తెలుస్తోంది. అయితే.. ఈ విషయంలో.. అధికారులకు.. ముఖ్యమంత్రి.. ఎలాంటి స్పందనా వ్యక్తం చేయలేదు. కానీ.. పనుల కాంట్రాక్టులు.. వాటి అంచనాలపై మాత్రం.. ఆరా తీసినట్లు తెలుస్తోంది. అవినీతి జరుగిందని.. గట్టిగా నమ్ముతున్న జగన్మోహన్ రెడ్డి ఆ సంగతి తేల్చిన తర్వాతే అభివృద్ధి పనుల గురించి మాట్లాడుకుందామన్న సందేశాన్ని పంపారు. సమావేశం తర్వాత మంత్రి బొత్స కూడా అదే చెప్పారు. అవినీతి సంగతి తేల్చిన తర్వాతే .. అభివృద్ధి అన్నారు.

అడిగితే భూములిచ్చేస్తామన్న విధానంతో ఏం జరుగుతుంది..?

అమరావతిలో భూసమీకరణ.. బలవంతంగా జరిగిందనేది ప్రభుత్వ వాదన. రైతులెవరూ.. స్వచ్చందంగా భూములివ్వలేదని.. బలవంతంగా లాక్కున్నారని ప్రతిపక్షంలో ఉన్నప్పుడు వైసీపీ ఆరోపించింది. తాను వస్తే.. అడిగిన వారికి భూములు తిరిగి ఇస్తామని.. పాదయాత్రలో జగన్మోహన్ రెడ్డి ప్రకటించారు కూడా. అయితే ఆ ప్రకటనను ఎవరూ సీరియస్‌గా తీసుకోలేదు. కానీ… సీఆర్డీఏ మొదటి సమీక్షలో మాత్రం .. ఎవరైనా తమ భూములు వెనక్కి ఇచ్చేయాలని అడిగితే ఇచ్చేయాలని నిర్ణయించారు. ఈ విషయాన్ని బొత్స కూడా ప్రకటించారు. ప్రభుత్వంపై చేపట్టే అభివృద్ధి కార్యక్రమాలపై నమ్మకం లేకపోతే.. భూములు ఇచ్చిన వారు కచ్చితంగా వెనక్కి తీసుకుంటారు. అలా ఇచ్చేస్తే.. అమరావతిలో నిర్మాణాలు చేపట్టాల్సిన అవసరం కూడా ఉండదు.

విచారణ పేరుతో హడావుడి చేస్తే పెట్టుబడులు వస్తాయా..?

అవినీతిని ఎవరూ సమర్థించరు. ఆధారాలుంటే.. కచ్చితంగా.. దానికి తగ్గట్లుగా చర్యలు తీసుకోవాలి. కానీ.. అవినీతి జరిగిందని.. వెలికి తీస్తామని… ప్రభుత్వ వర్గాలే ప్రచారం చేస్తే.. అది.. పెట్టుబడిదారులకు.. ఇబ్బందికరం అవుతుంది. ప్రభుత్వం ఆహ్వానించడం వల్ల తాము పెట్టుబడులు పెట్టి… తాము కేసుల్లో ఇరుక్కోవాల్సి వస్తుందనే ఆందోళన.. లేకపోతే.. తమ పెట్టుబడులు ఇరుక్కుపోతాయనే భయంతో.. వచ్చే వారు ఆగిపోతారు. పెట్టిన వారు.. వెనక్కి తీసుకునే ప్రయత్నం చేశారు. ఇప్పుడు అలాంటి పరిస్థితే ఉంది. దీన్ని తగ్గించాల్సిన సర్కార్.. మరింత భయాందోళనలు పెంచుతోందనే అభిప్రాయం మాత్రం ఏర్పడింది. మొత్తానికి కొత్త సర్కార్ అమరావతిపై మొదటి ఇంప్రెషన్‌ మాత్రం.. ఆశలొద్దనే రీతిలోనే ప్రజల్లోకి పంపింది.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

చిరంజీవిని కలిసి ఆశీర్వాదం తీసుకున్న సోము వీర్రాజు..!

ఆంధ్రప్రదేశ్ బీజేపీ అధ్యక్షుడిగా కొత్తగా నియమితులైన సోము వీర్రాజు మొదటగా మెగాస్టార్ చిరంజీవిని కలిసి ఆశీస్సులు తీసుకున్నారు. సాధారణంగా ఆయన...మొదట పవన్ కల్యాణ్‌ని కలుస్తారని భావించారు. అయితే.. పవన్ కల్యాణ్‌తో భేటీ కంటే...

అమరావతి నిధుల లెక్కలన్నీ అడిగిన హైకోర్టు..!

అమరావతిలో గత ప్రభుత్వం పెట్టిన రూ. వేల కోట్ల ప్రజాధనం వృధా పోతుందన్న పిటిషన్‌పై హైకోర్టు విచారమలో ఆసక్తికర విషయాలు వెలుగులోకి వచ్చాయి. అమరావతిలో రూ. 52 వేల కోట్ల రూపాయల...

జగన్‌కు గుడి కాదు చర్చి కట్టాలన్న ఆర్ఆర్ఆర్..!

తూర్పుగోదావరి జిల్లా గోపాలపురం ఎమ్మెల్యే తలారి వెంకట్రావు ముఖ్యమంత్రి జగన్ కు గుడి కట్టడానికి ఏర్పాట్లు చేయడం.. భూమి పూజ చేయడం వివాదాస్పదమవుతోంది. ఖచ్చితంగా అయోధ్య రామాలయానికి శంకుస్థాపన జరుగుతున్నప్పుడే.. తలారి...

మంచు వారి ‘ఓటీటీ’

ప్ర‌తీ సినీ కుటుంబానికీ ఓ నిర్మాణ సంస్థ ఉండ‌డం ఎంత స‌హ‌జంగా మారిందో, ఇప్పుడు ఓ ఓటీటీ సంస్థ ఉండ‌డం కూడా అంతే రివాజుగా మార‌బోతోంది. ఓటీటీ సంస్థ‌ల ప్రాధాన్యం క్ర‌మంగా పెరుగుతోంది....

HOT NEWS

[X] Close
[X] Close