ప‌వ‌న్ క‌ల్యాణ్ ఇటు రాజ‌కీయాలూ, అటు సినిమాలూల అంటూ ద్విపాత్రాభిన‌యం చేస్తున్నారు. సినిమాల్లో అప్పుడ‌ప్పుడూ పొలిటిక‌ల్ పంచ్‌లు ఇస్తూ, రెండింటికీ న్యాయం చేయాల‌ని ప్ర‌య‌త్నిస్తున్నారు. ‘జ‌న‌సేన’ గుర్తు గాజు గ్లాసుని ఆయన ఎల్ల‌వేళ‌లా ప్ర‌మోట్ చేయ‌డానికి ఎక్కువ ప్రాధాన్యం ఇస్తుంటారు. ఆయన సినిమాల్లో గాజు గ్లాసు సీన్ ఒక‌టైనా ఉంటుంది. తాజాగా ‘ఓజీ’ కొత్త పోస్ట‌ర్ వచ్చింది. రెట్రో లుక్ లో ప‌వ‌న్ అద‌ర‌గొట్టేశాడు. చేతిలో గాజు గ్లాసు ఉండ‌డం ప‌వ‌న్ అభిమానుల‌కు మ‌రింత న‌చ్చేలా ఉంది. ప్రస్తుతం ఈ స్టిల్ బాగా వైర‌ల్ అవుతోంది.
అన్న‌ట్టు ‘ఓజీ’ రిలీజ్ డేట్ కూడా ఇప్పుడు అధికారికంగా ప్ర‌కటించారు. సెప్టెంబ‌రు 27న ఈ చిత్రాన్ని విడుద‌ల చేయ‌నున్నారు. ‘అత్తారింటికి దారేది’ సెప్టెంబ‌రు 27నే విడుద‌లైంది. అప్ప‌టికి ఆ సినిమా ప‌వ‌న్ క‌ల్యాణ్ పాత రికార్డుల్నీ తిర‌గ‌రాసి, ఇండ‌స్ట్రీ హిట్ గా నిలిచింది. తెలుగులో తొలి వంద కోట్ల సినిమాల్లో అదొక‌టి. ఇప్పుడు అదే డేట్ కి `ఓజీ`ని తీసుకొస్తున్నారు. మొత్తానికి గ‌త కొంత కాలంగా సినిమాల ప‌రంగా ప‌వ‌న్ నుంచి ఎలాంటి అప్ డేటూ రాలేదు. ‘ఓజీ’ రిలీజ్ డేట్ తో.. ఆ లోటు కాస్త తీరింది.
