లష్కరే తోయిబావాళ్ళనే చంపుతానంటున్న పాక్ టెర్రరిస్ట్ నవేద్

హైదరాబాద్: కాశ్మీర్‌లోని ఉదమ్‌పూర్‌లో ఇటీవల పట్టుబడిన పాకిస్తాన్ తీవ్రవాది మహమ్మద్ నవేద్ యాకూబ్ మాట మార్చాడు. పట్టుబడిన సమయంలో హిందువులను చంపటం తనకు సరదాగా ఉంటుందని చెప్పిన నవేద్, ఇప్పుడు తనను వదిలిపెడితే – పాకిస్తాన్ వెళ్ళి తనను ఈ పనికి పంపిన లష్కరే తోయిబా వారిని చంపివస్తానని అంటున్నాడు. ఇంటరాగేషన్‌లో అతను మరికొన్ని ఆసక్తికరమైన విషయాలు వెల్లడించాడు. తమను ఆత్మాహుతిదాడికి పంపేముందు ఒక మాదకద్రవ్యాన్ని తమకు ఇచ్చారని చెప్పాడు. దీనివలన తాము ప్రశాంతంగా, ఏకాగ్రతతో ఉంటామని నేషనల్ ఇన్వెస్టిగేషన్ ఏజెన్సీ(ఎన్ఐఏ)కి తెలిపాడు. ఈ మాదకద్రవ్యంవలనే పట్టుబడినప్పుడు నవేద్ నవ్వుతూనే ఉన్నాడని ఎన్ఐఏ అధికారులు చెబుతున్నారు. గత కొద్దిరోజులుగా విచారిస్తున్న తమకు నవేద్ ఒక్కటొక్కటేగా తన విశేషాలను చెబుతున్నట్లు ఎన్ఐఏ అధికారులు వెల్లడించారు. తాను ఏ పనీలేకుండా తిరుగుతుండగా లష్కరే తోయిబాకు చెందిన మౌల్వీ ఒకరు పట్టుకుని తనలో భారతదేశంపట్ల ద్వేషాన్ని రగిల్చి ఈ పనికి పురిగొల్పారని నవేద్ చెప్పాడు. ఈ ఏడాది మార్చిలో తమకు ఆరువారాల శిక్షణ ఇచ్చి జూన్‌లో సరిహద్దుదాటించి భారత్‌లోకి పంపారని వెల్లడించాడు.

మరోవైపు నవేద్‌పై రేపు లైడిటెక్టర్ టెస్ట్ జరపటానికి ఎన్ఐఏ అధికారులు ఇవాళ ఢిల్లీ కోర్టులో అనుమతి తీసుకున్నారు. అతని డీఎన్ఏ, స్వరనమూనాలనుకూడా అధికారులు తీసుకోనున్నారు. నవేద్, అతని సహచరుడు మొమిన్ ఈనెల ఐదోతేదీన ఉధమ్‌పూర్‌లో సైనికుల కాన్వాయ్‌పై దాడి చేశారు. ఈ దాడిలో ఇద్దరు జవాన్లు చనిపోగా, డజనుమంది జవాన్లు గాయపడ్డారు. జవాన్లు జరిపిన ప్రతిదాడిలో మొమిన్ చనిపోగా, నవేద్‌ను సజీవంగా పట్టుకున్నారు.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

కేకేను తిట్టి పంపించిన కేసీఆర్

రాజ్యసభ ఎంపీ కేకే, ఆయన కుమార్తె హైదరాబాద్ మేయర్ విజయలక్ష్మి శనివారం కాంగ్రెస్ పార్టీలో చేరాలని నిర్ణయించుకున్నారు. తనను పార్టీలో చేర్చుకుని రెండు సార్లు రాజ్యసభ సీటు ఇచ్చిన కేసీఆర్ కు ఓ...

అవినాష్ రెడ్డికి ఎన్నికల ముందే బెయిల్ రద్దు గండం ?

అవినాష్ రెడ్డి బెయిల్ రద్దు చేయాలని అప్రూవర్ గా మారిన దస్తగిరికి పిటిషన్ వేసే హక్కు ఉందని హైకోర్టు స్పష్టం చేసింది. దీంతో ఆయన వేసిన పిటిషన్‌పై విచారణ జరగనుంది. ఏప్రిల్...

‘ఆడు జీవితం’ రివ్యూ: ఎడారి పాలైన బ్రతుకుల వ్యధ

ఫారిన్ చిత్రాలతో పోల్చుకుంటే భారతీయ చిత్రాలలో సర్వైవల్ థ్రిల్లర్స్ తక్కువే. అయితే ఈ మధ్య కాలంలో మలయాళ పరిశ్రమ ఈ జోనర్ పై ప్రత్యేక దృష్టి పెట్టింది. '2018' చిత్రం ఆస్కార్ నామినేషన్స్...

అనపర్తిలో ఆందోళన… నల్లమిల్లి దారెటు..?

అవును ప్రచారమే నిజమైంది. అనపర్తి సీటు టీడీపీ నుంచి బీజేపీ ఖాతాలోకి వెళ్ళిపోయింది. పొత్తులో భాగంగా బీజేపీ నేత ములగపాటి శివ కృష్ణంరాజుకి కేటాయించారు. దీంతో టీడీపీ టికెట్ ఆశించిన మాజీ...

HOT NEWS

css.php
[X] Close
[X] Close