మున్సిపల్ పోరు మినీ అసెంబ్లీ వారే..!

మార్చి పధ్నాలుగో తేదీన జరగనున్న మున్సిపల్ ఎన్నికల కౌంటింగ్ ఇప్పుడు ఆసక్తికరంగా మారింది. ఎందుకంటే పంచాయతీ ఎన్నికల సమయంలో రాజకీయపార్టీలన్నీ గెలుపు తమదంటే తమదని ప్రకటించుకున్నాయి. పెద్ద ఎత్తున ప్రచారం చేసుకున్నాయి. ఎవరి అనుకూల మీడియాలో వారికి అందలం దక్కింది.కానీ అసలు మ్యాటర్ ఏంటో మాత్రం ప్రజలకు అర్థం కాలేదు. ఎవరికి ఎక్కువ స్థానాలు వచ్చాయోప్రజలు అంచనా వేయలేకపోయారు. దీనికి కారణం పంచాయతీ ఎన్నికలు పార్టీలకు అతీతంగా జరగడమే. ఇప్పుడు మున్సిపల్ ఎన్నికలు మాత్రం పార్టీల ప్రకారమే జరుగుతాయి. పార్టీల గుర్తుల ప్రకారమే జరుగుతాయి. పార్టీల అభ్యర్థులు ఉంటారు.

ఫలితాలను కూడా పార్టీ పరంగానే ధృవీకరిస్తారు. అందుకే మున్సిపల్ ఎన్నికల్లో వచ్చే ఫలితాలను మ్యానిప్యూలేట్ చేయడానికి అవకాశం ఉండదు. ఉంటే గింటే ఫలితాలనే మ్యానిప్యూలేట్ చేయాలి. మొత్తంగా 75 మున్సిపాలిటీలు..నగర పంచాయతీలు.. అలాగే పన్నెండు కార్పొరేషన్లలో ఎన్నికలు జరగనున్నాయి. ఓ రకంగా ఇది మినీ అసెంబ్లీ ఫైట్ అనుకోవడమే. ప్రతి కీలక నియోజకవర్గంలోనూ మున్సిపాలిటీ ఉంది. ప్రతి జిల్లా కేంద్రంలోనూ కార్పొరేషన్ ఉంది. ఈ కారణంగా మున్సిపల్ ఎన్నికలను ప్రజాభిప్రాయంగా పరిగణించవచ్చు. పైగా… గ్రామాలతో పోలిస్తే.. ఇక్కడ లోకలైజేషన్ మరీ అంత తీవ్రంగా ఉండదు. ప్రజల ఓట్ల ప్రయారిటీకి స్థానిక సమస్యలతో పాటు ప్రభుత్వ విధానాలు కూడా.. కారణంగా మారే అవకాశం ఉంది.

అందుకే… ప్రజల తీర్పుపై ఆసక్తి ఏర్పడింది. మొత్తం మున్సిపాల్టీలు కార్పొరేషన్లు కైవసం చేసుకుంటామని అధికార పార్టీ ధీమాగా ఉంది. అసెంబ్లీ ఎన్నికల్లో వచ్చిన విజయంతో పోలిస్తే.. కైవసం చేసుకోవాలి కూడా. అలా కాకుండా కొన్ని సీట్లు కోల్పోయినా ప్రతిపక్షం పుంజుకుందనే భావన ఏర్పడుతుంది. అంటే ప్రభుత్వంపై అసంతృప్తి పెరిగిపోయిందనే అభిప్రాయం వ్యక్తమవుతోంది. అదే సమయంలో ఇతర రాజకీయ పార్టీలకు కూడా ఈ ఎన్నికలు పెను సవాల్. తాము బలంగా ఉన్నామని చెప్పుకుంటున్న పార్టీలు.. ఆ బలానికి సర్టిఫికెట్లుగా ఓట్లను తెచ్చుకోవాల్సిన ఉంటుంది. లేకపోతే..గడ్డు పరిస్థితులు ఎదురవుతాయి. మొత్తంగా మున్సిపల్ ఎన్నికలు ఏపీ రాజకీయాల్లో కీలక మార్పులకు కారణమయ్యే పరిస్థితి కనిపిస్తోంది.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

లార్డ్స్‌లో భారత్ కోసం ఎదురు చూస్తున్న టెస్ట్ వరల్డ్ కప్..!

ప్రపంచ టెస్ట్ చాంపియన్లుగా అవతరించడానికి భారత్‌కు గోల్డెన్ చాన్స్ వచ్చింది. లార్డ్స్ వేదికగా జూన్ 18 నుంచి ప్రపంచ టెస్ట్ చాంపియన్ షిప్‌లో భారత్ న్యూజిలాండ్‌తో తలపడనుంది. అహ్మదాబాద్ లో జరిగిన నాలుగో...

బెజవాడలో టీడీపీ వర్సెస్ టీడీపీ గ్రూప్ తగాదాలు

విజయవాడలో టీడీపీ నాయకులు .. ఎన్నికలకు ముందే ఆ పార్టీని ఓడగొడుతున్నారు. అధికార పార్టీ దూకుడుని తట్టుకుని ఎంతో కొంత గెలుపు చాన్స్ ఉందని అనుకుంటున్న బెజవాడ నేతలు.. పోలింగ్...

బాలకృష్ణ కొడితేనే వైరల్.. కొట్టకపోతే నార్మల్..!

హిందూపురంలో నందమూరి బాలకృష్ణ అభిమానిపై చేయి చేసుకున్నారు. నిజంగా ఆయన కొట్టకపోతేనే వార్త. కొడితే వార్త ఎందుకవుతుంది. పబ్లిక్‌లోకి వచ్చిన ప్రతీసారి తన చేతికి పని చెప్పడం ఆయనకు అలవాటు. ఆయన చేతి...

కర్మాగారానికి కారాగారానికి తేడా తెలియని నాయకులు: విజయసాయి పై బాలయ్య విసుర్లు

మున్సిపల్ ఎన్నికల సందర్భంగా బాలకృష్ణ ఎన్నికల ప్రచారంలో జోరుగా పాల్గొంటున్నారు. ప్రచారంలో అధికార వైఎస్ఆర్సిపి పార్టీ మీద వరసబెట్టి విమర్శలు చేస్తున్నారు. తాజాగా విజయసాయి రెడ్డిని ఉద్దేశించి బాలయ్య చేసిన విమర్శలు...

HOT NEWS

[X] Close
[X] Close