ప‌వ‌న్ – హ‌రీష్‌.. ఇచ్చే సందేశం ఏమిటంటే..?

`గ‌బ్బ‌ర్ సింగ్`తో త‌న త‌డాఖా చూపించాడు హ‌రీష్ శంక‌ర్‌. ప‌వ‌న్ క‌ల్యాణ్ ని అభిమానులు ఎలా చూడాల‌నుకుంటున్నారో అలా చూపించేశాడు. ఆ త‌ర‌వాత‌.. ప‌వ‌న్ నుంచి అంత మాస్, క‌మ‌ర్షియ‌ల్ ఎంట‌ర్ టైన‌ర్ మ‌రోటి రాలేదు. ఇప్పుడు మ‌రోసారి ప‌వ‌న్ – హ‌రీష్ జ‌ట్టు క‌ట్ట‌బోతున్నారు. మైత్రీ మూవీస్ ఈ చిత్రాన్ని నిర్మిస్తోంది. `ఈసారి ఎంట‌ర్‌టైన‌ర్ మాత్ర‌మే కాదు` అంటూ.. కాన్సెప్ట్ పోస్ట‌ర్ లోనే చెప్పేశాడు హ‌రీష్ శంక‌ర్‌. అంటే.. వినోదంతో పాటు, సందేశాన్ని కూడా మిక్స్ చేస్తున్న‌ట్టు చెప్ప‌క‌నే చెప్పిన‌ట్టు. ఆ సందేశం ఏమిటి అనే సందేహం అందరిలోనూ ఉంది. ప‌వన్ రాజ‌కీయాల‌లో బిజీగా ఉన్నాడు కాబ‌ట్టి.. ఈ క‌థ‌లో పొలిటిక‌ల్ డ్రామా మిక్స్ చేసే అవ‌కాశం ఉంద‌న్న ఊహాగానాలు ఎక్కువ‌య్యాయి.

నిజానికి ఈ సినిమాలో పాలిటిక్స్ ఏమాత్రం క‌నిపించ‌వు. హ‌రీష్ అనుకుంటున్న కాన్సెప్ట్ వేరే. ఈసారి విద్యావ్య‌వ‌స్థ‌పై.. ఓ సెటైర్ వేయ‌బోతున్నాడ‌ట‌. అది కూడా రాజ‌కీయాల‌కు అతీతంగా. ప‌వ‌న్ పాత్ర‌లో రెండు కోణాలుంటాయ‌ని, ఓ కోణంలో ప‌వ‌న్ పాత్ర చాలా జోవియ‌ల్‌గా ఉంటుంద‌ని, మ‌రో కోణంలో ప‌వ‌న్ పాత్ర ప్ర‌శ్నించ‌డం మొద‌లెడుతుంద‌ని.. అదంతా విద్యావ్య‌వస్థ‌ని టార్గెట్ చేసే కోణంలో సాగుతుంద‌ని స‌మాచారం. అంతే కాదు.. కొన్ని స‌న్నివేశాల్లో తెలుగు భాష గొప్ప‌ద‌నం, సంస్కృతి విశిష్ట‌త చెప్పబోతున్నార‌ని తెలుస్తోంది. మొత్తానికి… హ‌రీష్ శంక‌ర్ బ‌ల‌మైన కాన్సెప్టే ప‌ట్టుకున్నాడు. ప‌వ‌న్ లాంటి హీరోలు చెబితే.. అది మ‌రింత బ‌లంగా, సూటిగా జ‌నంలోకి వెళ్తుంది. ఇప్ప‌టికే.. హ‌రీష్ క‌థ‌ని పూర్తి స్థాయిలో సిద్ధం చేయ‌డం, ప‌వ‌న్ కి వినిపించ‌డం జ‌రిగిపోయాయి. ప‌వ‌న్ ఎప్పుడంటే అప్పుడు సినిమాని ప‌ట్టాలెక్కించేయ‌డ‌మే.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

ఆ స్వామిజీకి టిక్కెట్ రాకుండా చేసింది బాలకృష్ణేనట !

పరిపూర్ణానంద అనే స్వామిజీకి ప్రవచాలు చెప్పుకోవడం కన్నా రాజకీయాల్లో ఆదిత్యనాథ్ ని అయిపోవాలన్న ఆశ ఎక్కువగా ఉంది. గతంలో తెలంగాణలో ప్రయత్నించారు. వర్కవుట్ కాలేదు. ఈ సారి ఏపీలో దృష్టి పెట్టారు....

గంటాకే భీమిలీ – టీడీపీ ఫైనల్ లిస్ట్ రిలీజ్

గంటా శ్రీనివాసరావు హైకమాండ్ అనుకున్నది కాకుండా.. తాను అనుకున్న చోట పోటీ చేయడంలో ఎక్స్ పర్ట్. మరోసారి అనుకున్నది సాధించారు. భీమిలీ సీటు ఆయన ఖాతాలోనే పడింది. టీడీపీ విడుదల చేసిన...

మెకానిక్ గా మారిన మాస్ కా దాస్

ఈమ‌ధ్యే 'గామి'గా ద‌ర్శ‌న‌మిచ్చాడు విశ్వ‌క్‌సేన్‌. త‌న కెరీర్‌లో అదో వెరైటీ సినిమా. ప్రేక్ష‌కుల ప్ర‌శంస‌ల‌తో పాటు, విమ‌ర్శ‌కుల మెచ్చుకోళ్లూ ద‌క్కాయి. త‌ను న‌టించిన 'గ్యాంగ్స్ ఆఫ్ గోదావ‌రి' విడుద‌ల‌కు సిద్ధ‌మైంది. ఇప్పుడు మ‌రో...

“చెంగిచెర్ల” మీదుగా బీజేపీ ఎలక్షన్ ప్లాన్లు !

మేడ్చల్ నియోజకవర్గం చెంగిచెర్ల గ్రామంలో హోలీ పండుగ సందర్భంగా ఘర్షణ జరిగింది. డీజే పాటలు పెట్టుకొని హోలీ సంబరాలు చేసుకుంటుండగా.. మరో వర్గానికి చెందిన వారు ఆ పాటలు ఆపాలని కోరారు....

HOT NEWS

css.php
[X] Close
[X] Close