బుధవారం నుంచి మళ్లీ పవన్ రాజకీయ రణం..!

జనసేన అధినేత పవన్ కల్యాణ్ చాలా రోజుల తర్వాత రాజకీయ కార్యక్రమాల్లో పాల్గొనేందుకు బయటకు వస్తున్నారు. ఏడో తేదీన మంగళగిరిలోని జనసేన పార్టీ ఆఫీసులో ఆయన కీలక సమావేశం నిర్వహిస్తున్నారు. కరోనా కారణంగా జనసేన శ్రేణులు స్తబ్దుగా ఉన్నాయి. తిరుపతి ఉపఎన్నికల ప్రచారంలో పాల్గొన్న పవన్ కల్యాణ్‌కు కరోనా సోకడంతో ఆయన హోమ్ ఐసోలేషన్‌లో ఉన్నారు. ఆ తర్వాత కోలుకున్నప్పటికీ.. పెద్దగా యాక్టివ్ కాలేదు. పవన్ స్తబ్దుగా ఉంటే.. పార్టీని నడిపించే యంత్రాంగం సిద్ధం కాకపోవడంతో.. చురుకైన నేతలు ఉన్న చోట మాత్రం.. జనసేన ఉనికి కాపాడేలా ప్రభుత్వంపై నిరసన కార్యక్రమాలు చేపట్టారు.

అయితే రాష్ట్ర వ్యాప్తంగా ప్రభుత్వంపై పోరాడుతున్నామన్న అభిప్రాయాన్ని మాత్రం కల్పించలేకపోయారు. చివరికి బీజేపీ కూడా.. కొన్ని ధర్నాలు చేసింది. వీటిలో జనసేనకు చోటు ఇవ్వలేదు. ప్రస్తుతం ప్రభుత్వం అనేకానేక సమస్యల్లో ఉంది. ప్రజలు కూడా కష్టాల్లో ఉన్నారు. జాబ్ క్యాలెండర్ దగ్గర్నుంచి ఇచ్చిన సెంట్ స్థలాల్లో సొంత డబ్బులు పెట్టుకుని గ్రౌండింగ్ చేయాలంటూ… ప్రభుత్వం పేదలను వేధిస్తున్న వైనం.. ఇప్పుడు హాట్ టాపిక్‌గా మారింది. అలాగే వరుసగా బయట పడుతున్న కుంభకోణాలు.. పేదల్ని ఆదుకునే విషయంలో ప్రభుత్వం నిర్లిప్తత.. ఇలాఎన్నో సమస్యలు ఉన్నాయి. ముఖ్యంగా ఉద్యోగ క్యాలెండర్ విషయంలో నిరుద్యోగ యువత రగిలిపోతోంది.

ఇన్ని సమస్యలు ఉన్నా ఇంత కాలం జనసేన పట్టించుకోకపోవడంతో ఉనికి కనిపించలేదు. ఇక నుంచి అలాంటి పరిస్థితి ఉండకూడదని పవన్ కల్యాణ్ భావిస్తున్నారు. భారీ ఎత్తున పోరాట కార్యక్రమాలు చేపట్టాలని.. ప్రభుత్వాన్ని ఉక్కిరిబిక్కిరి చేయాలని ప్రణాళికలు సిద్ధం చేస్తున్నారు. ప్రభుత్వం అన్ని వర్గాల్లో అసంతృప్తి పేరుకుపోతోందని.. దాన్ని ఉపయోగించుకుని ప్రజా మద్దతు పొందాలన్న ఆలోచన చేస్తున్నారు. ఎలాంటి కార్యచరణ చేపడతారు.. పవన్ కల్యాణ్ స్వయంగా పోరుబాట పడతారా లేదా.. అనేది.. ఏడో తేదీన తేలే అవకాశం ఉంది.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

కత్తి మహేష్ టెంప్లేట్ వైకాపా వదలదా? కత్తి స్థానాన్ని పోసాని భర్తీ చేయగలరా ?

ప్రస్తుతం ఆంధ్రప్రదేశ్ రాజకీయాలలో వైఎస్ఆర్సిపి మంత్రులు వర్సెస్ పవన్ కళ్యాణ్ అంటూ చిన్న సైజు యుద్ధమే జరుగుతుంది. సినిమా టికెట్లను ప్రభుత్వ పోర్టల్ ద్వారా అమ్మాలి అన్న జగన్ నిర్ణయాన్ని వ్యతిరేకిస్తూ పవన్...

పోసాని మళ్లీ రచ్చ – దాడికి ప్రయత్నించిన పవన్ ఫ్యాన్స్ !

పవన్ కల్యాణ్ ఫ్యాన్స్ తన భార్యపై అనుచిత వ్యాఖ్యలు చేశారంటూ మరోసారి మీడియా ముందుకు వచ్చిన పోసాని కృష్ణమురళి ఆయనపై అనుచిత వ్యాఖ్యలు చేశారు. ప్రెస్‌క్లబ్‌లో మీడియా సమావేశం పెట్టి "పవన్ నీకెంత...

ప్రజల వరద కష్టాల కన్నా మీడియాకు సినిమా గొడవలే మిన్న !

ఓ వైపు తెలుగు రాష్ట్రాల్లో తుపాన్ బీభత్సం సృష్టించింది. ఏపీలో ఉత్తరాంధ్ర, ఉభయగోదావరి జిల్లాలు తీవ్రంగా నష్టపోయాయి. ఇప్పటికీ తేరుకోలేదు. కొన్ని వందల గ్రామాల్లో అంధకారం అలుముకుంది. ఇక నష్టపోయిన వారి గురించిచెప్పాల్సిన...

పంజాబ్ కాంగ్రెస్ చిందర వందర !

అసెంబ్లీ ఎన్నికల ముందు ఏదో చేద్దామని ప్రయత్నించిన కాంగ్రెస్ హైకమాండ్... పంజాబ్ లో పార్టీని చిందర వందర చేసుకుంది. సిద్దూకు పీసీసీ చీఫ్ పదవి ఇచ్చి అందర్నీ కూల్ చేయాలనుకుంటే చివరికి అదే...

HOT NEWS

[X] Close
[X] Close