ఎంపి టి సి, జెడ్పిటిసి ఎన్నికల రద్దు హర్షణీయం అన్న పవన్ కళ్యాణ్

ఆంధ్రప్రదేశ్లో ఏప్రిల్ నెలలో జరిగిన ఎం పి టి సి జెడ్ పి టి సి ఎన్నికల ను హైకోర్టు రద్దు చేస్తూ తీర్పు వెలువరించిన సంగతి తెలిసిందే. సంచలనాత్మకమైన తీర్పును హైకోర్టు వెలువరించిన ఈ పిటిషన్ నిజానికి జనసేన పార్టీ తరఫున వేసిందే. హైకోర్టు తీర్పు హర్షణీయం అంటూ పవన్ కళ్యాణ్ తాజాగా ప్రకటన విడుదల చేశారు. వివరాల్లోకి వెళితే..

పవన్ కళ్యాణ్ పై కోర్టు తీర్పు అనంతరం ప్రకటన విడుదల చేస్తూ, “ఏప్రిల్ నెలలో జరిగిన ఎం పి టి సి జెడ్పిటిసి ఎన్నికల ను రద్దు చేస్తూ ఆంధ్రప్రదేశ్ హైకోర్టు ఇచ్చిన తీర్పు హర్షణీయం. ఇది ప్రజాస్వామ్యానికి స్థానిక స్వపరిపాలన కి ఊపిరిపోసిన తీర్పు. ఏడాది క్రితం నోటిఫికేషన్ జారీ చేసి కోవిడ్ పరిస్థితుల కారణంగా ఎన్నికలు రద్దు చేశారు. తిరిగి అదే నోటిఫికేషన్ పై ఏడాది తర్వాత జడ్పిటిసి ఎంపిటిసి లకు ఎన్నికలు నిర్వహించడం అంటే ఎన్నికల నిబంధనలు తుంగలో తొక్కి నట్లే. ఏప్రిల్ లో ఎంపీటీసీ జడ్పిటిసి లకు ఎన్నికలు నిర్వహించాలని ఆంధ్రప్రదేశ్ ప్రభుత్వం తలపెట్టినపుడే జనసేన తీవ్రంగా వ్యతిరేకించింది. తాజాగా నోటిఫికేషన్ జారీ చేసి పోటీ, చేయాలనుకునే అభ్యర్థులకు తగిన సమయం ఇవ్వాలని జనసేన స్పష్టంగా డిమాండ్ చేసింది. అయినా రాష్ట్ర ప్రభుత్వం ఎన్నికలు నిర్వహించడానికి సమాయత్తం కావడంతో జనసేన హైకోర్టును ఆశ్రయించింది. హైకోర్టు ఈ ఎన్నికను రద్దు చేయాలని తీర్పు ఇవ్వడం ప్రజాస్వామ్య విజయం గా భావిస్తున్నాను. రాష్ట్ర ప్రభుత్వం ఇకనైనా పంతాలకు పట్టింపులకు పోకుండా తగిన సమయంలో తాజా నోటిఫికేషన్ జారీ చేసి ఎన్నికలు నిర్వహించాలని జనసేన కోరుతోంది.” అంటూ ఆ ప్రకటనలో పవన్ కళ్యాణ్ పేర్కొన్నారు.

అయితే జగన్ ప్రభుత్వం ఈ తీర్పుపై అప్పీల్ కు వెళ్లాలని యోచిస్తున్న సందర్భంలో, ఈ ఎన్నికలు మరలా జరుగుతాయా లేదా అన్నది వేచి చూడాల్సి ఉంది.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

కత్తి మహేష్ టెంప్లేట్ వైకాపా వదలదా? కత్తి స్థానాన్ని పోసాని భర్తీ చేయగలరా ?

ప్రస్తుతం ఆంధ్రప్రదేశ్ రాజకీయాలలో వైఎస్ఆర్సిపి మంత్రులు వర్సెస్ పవన్ కళ్యాణ్ అంటూ చిన్న సైజు యుద్ధమే జరుగుతుంది. సినిమా టికెట్లను ప్రభుత్వ పోర్టల్ ద్వారా అమ్మాలి అన్న జగన్ నిర్ణయాన్ని వ్యతిరేకిస్తూ పవన్...

పోసాని మళ్లీ రచ్చ – దాడికి ప్రయత్నించిన పవన్ ఫ్యాన్స్ !

పవన్ కల్యాణ్ ఫ్యాన్స్ తన భార్యపై అనుచిత వ్యాఖ్యలు చేశారంటూ మరోసారి మీడియా ముందుకు వచ్చిన పోసాని కృష్ణమురళి ఆయనపై అనుచిత వ్యాఖ్యలు చేశారు. ప్రెస్‌క్లబ్‌లో మీడియా సమావేశం పెట్టి "పవన్ నీకెంత...

ప్రజల వరద కష్టాల కన్నా మీడియాకు సినిమా గొడవలే మిన్న !

ఓ వైపు తెలుగు రాష్ట్రాల్లో తుపాన్ బీభత్సం సృష్టించింది. ఏపీలో ఉత్తరాంధ్ర, ఉభయగోదావరి జిల్లాలు తీవ్రంగా నష్టపోయాయి. ఇప్పటికీ తేరుకోలేదు. కొన్ని వందల గ్రామాల్లో అంధకారం అలుముకుంది. ఇక నష్టపోయిన వారి గురించిచెప్పాల్సిన...

పంజాబ్ కాంగ్రెస్ చిందర వందర !

అసెంబ్లీ ఎన్నికల ముందు ఏదో చేద్దామని ప్రయత్నించిన కాంగ్రెస్ హైకమాండ్... పంజాబ్ లో పార్టీని చిందర వందర చేసుకుంది. సిద్దూకు పీసీసీ చీఫ్ పదవి ఇచ్చి అందర్నీ కూల్ చేయాలనుకుంటే చివరికి అదే...

HOT NEWS

[X] Close
[X] Close