మా హీరో తోపు అంటే మా హీరో గ్రేటు అనుకోవ‌డం అభిమానుల వ‌ర‌కే. క‌థానాయ‌కుల మ‌ధ్య స‌ఖ్య‌త బాగానే క‌నిపిస్తుంటుంది. ఓ హీరో ఫంక్ష‌న్‌కి మరో హీరో హాజ‌రు కావ‌డం సాధార‌ణ‌మైపోయింది. ఇదంతా చూసినా అభిమానుల మ‌ధ్య గొడ‌వ‌లు త‌గ్గ‌డం లేదాయె. ఇప్పుడు మ‌రోసారి హీరోలు త‌మ మ‌ధ్య ఉన్న స్నేహాన్ని చాటుకోబోతున్నారు. ఎన్టీఆర్ క‌థానాయ‌కుడిగా త్రివిక్ర‌మ్ ద‌ర్శ‌క‌త్వంలో ఓ చిత్రం తెర‌కెక్క‌నుంది. హారిక హాసిని సంస్థ నిర్మిస్తోంది. సోమ‌వారం హైద‌రాబాద్‌లో ఈ చిత్రం లాంఛ‌నంగా ప్రారంభం కాబోతోంది. ఈ సినిమాకి క్లాప్ కొట్ట‌డానికి స్వ‌యంగా ప‌వ‌న్ క‌ల్యాణ్ వ‌స్తున్నాడు. త్రివిక్ర‌మ్ – ప‌వ‌న్‌ల మ‌ధ్య ఉన్న స్నేహం గురించి ప్ర‌త్యేకంగా చెప్పాల్సిన ప‌నిలేదు. దాని కోస‌మే ప‌వ‌న్ ఈ కార్య‌క్ర‌మానికి ప్ర‌త్యేక అతిథిగా రాబోతున్నాడు. ఈ విష‌యాన్ని హారిక హాసిన సంస్థ కూడా అధికారికంగా ప్ర‌క‌టించింది. బాద్ షా సినిమా ప్రారంభోత్స‌వానికి రామ్ చరణ్ వ‌చ్చిన సంగ‌తి గుర్తుండే ఉంటుంది. ఇటీవ‌ల జై ల‌వ‌కుశ హిట్ట‌యిన త‌ర‌వాత కూడా… చరణ్, ఎన్టీఆర్‌లు ఓ పార్టీ చేసుకొన్నారు. ఇప్పుడు ప‌వ‌న్ క‌ల్యాణ్ క్లాప్ కొట్ట‌డానికి వ‌స్తున్నాడు. మెగా కాంపౌండ్ మొత్తం… ఎన్టీఆర్‌కి ద‌గ్గ‌ర‌వుతున్న‌ట్టే క‌నిపిస్తోంది మ‌రి.
ఎన్టీఆర్ కోసం ప‌వ‌న్ వ‌స్తున్నాడు
