హ‌రీష్ శంక‌ర్ సినిమా ముందుకు.. క్రిష్ సినిమా వెన‌క్కి?

ప‌వ‌న్ క‌ల్యాణ్ చేతిలో ఇప్పుడు చాలా సినిమాలున్నాయి. ముందు అనుకున్న ప్ర‌కారం క్రిష్ సినిమా పూర్తి చేయాలి. ఆ త‌ర‌వాత `అయ్య‌ప్ప‌యుమ్ కోషియ‌మ్` ఉంటుంది. అయితే ఇప్పుడు ప‌వ‌న్ క‌ల్యాణ్ ఆలోచ‌న‌లు మారాయి. ఈ రెండు సినిమాల‌కంటే.. హ‌రీష్ శంక‌ర్ సినిమాని ముందు పూర్తి చేయాల‌ని ప‌వ‌న్ భావిస్తున్నాడ‌ట‌. హ‌రీష్ బౌండెడ్ స్క్రిప్టుతో రెడీగా ఉన్నాడు. `కేవ‌లం 60 రోజులు కాల్షీట్లు ఇస్తేచాలు.. సినిమా పూర్తి చేస్తా` అని ప‌వ‌న్ కి హ‌రీష్ రిక్వెస్ట్ చేసిన‌ట్టు తెలుస్తోంది. ఈసినిమాని కేవ‌లం 3 నెల‌ల్లో పూర్తి చేయాల‌ని హ‌రీష్ టార్గెట్ గా పెట్టుకున్నాడు. క్రిష్ సినిమా అలా కాదు.. అదో సుదీర్ఘ ప్ర‌యాణం. 2022 జ‌న‌వ‌రి కి ఈ సినిమాని తీసుకురావాల‌ని ఆలోచిస్తున్నారు. అంత‌కంటే ముందు హ‌రీష్ సినిమాని పూర్తి చేస్తే ఎలా ఉంటుంది? అనే ఆలోచ‌న‌లో ప‌వ‌న్ ఉన్న‌ట్టు స‌మాచారం. మ‌రోవైపు `అయ్య‌ప్ప‌యుమ్ కోషియ‌మ్`కి ప‌వ‌న్ మ‌రో 20 రోజులు కాల్షీట్లు ఇస్తే స‌రిపోతుంద‌ని స‌మాచారం. అందుకే హ‌రీష్ సినిమాకీ, మ‌ల‌యాళం రీమేక్ నీ స‌మాంత‌రంగా పూర్తి చేయాల‌ని భావిస్తున్నాడు ప‌వ‌న్‌. అచ్చం ఇలానే జ‌రిగితే ముందు `అప్ప‌య్య‌యుమ్ కోషియ‌మ్‌` విడుద‌ల అవుతుంది. ఈ త‌ర‌వాత క్రిష్ సినిమా వ‌స్తుంది. 2022 వేస‌వికి… హ‌రీష్ సినిమా విడుద‌ల‌య్యే ఛాన్సులున్నాయి.