బీజేపీతో సంబంధం లేకుండానే పవన్ రైతు టూర్..!

నివార్ తుపాన్ విషయంలో నష్టపోయిన రైతులకు నష్టపరిహారం అంశం ఆంధ్రప్రదేశ్ లో రాజకీయ దుమారానికి కారణం అవుతోంది. ప్రభుత్వం ఎలాంటి సాయం ప్రకటించకపోవడం… రైతుల్లో ఆందోళన పెరిగిపోతూండటంతో రాజకీయ పార్టీలు రంగంలోకి దిగుతున్నాయి. జనసేన అధినేత పవన్ కల్యాణ్ కూడా.. చాలా రోజుల తర్వాత రైతుల కోసం ప్రజల్లోకి వెళ్తున్నాయి. నివార్ తుపాను వల్ల పాడైన పంటలను పరిశీలించేందుకు కోస్తా, రాయలసీమలకు వెళ్తున్నారు. బుధవారం నుంచి పవన్ పర్యటన ప్రారంభమవుతుంది. బుధవారం గుంటూరు జిల్లాలో ఆ తర్వాత మూడు రోజుల పాటు అంటే.. 3,4,5 తేదీల్లో చిత్తూరు, నెల్లూరు జిల్లాల్లో పర్యటిస్తారు.

పంట నష్టపోయిన రైతులతో సమావేశమవుతారు. వారికి నష్టపరిహారం ప్రకటించే దిశగా ప్రభుత్వంపై ఒత్తిడి పెంచేలా పవన్ కల్యాణ్ పర్యటన ఉండే అవకాశం ఉంది. బీజేపీతో పొత్తు పెట్టుకోక ముందు పవన్ కల్యాణ్ యథేచ్చగా తన పార్టీ కార్యక్రమాలు నిర్వహించేవారు. తర్వాత ఆయన ఏ పని చేయాలన్నా.. బీజేపీ పర్మిషన్ తో చేయాల్సి వచ్చేది. ఈ కారణంగా జనసేనాని పర్యటనలు కూడా కుదించుకుపోయాయి. ఓ వైపు బీజేపీ నేతలు.. తమ పర్యటనలు.. కార్యక్రమాలు తాము చేసుకుంటున్నారు. జనసేన మాత్రం కామ్ అయిపోయింది. ఈ పరిస్థితుల్లో ఇక బీజేపీతో అన్నింటినీ చర్చించాల్సిన పని లేకుండా.. పవన్ కల్యాణ్ రంగంలోకి దిగాలని నిర్ణయించుకున్నారు.

ఈ పర్యటనలో చిత్తూరు జిల్లాలోనూ పర్యటించబోతున్నారు. తిరుపతి పార్లమెంట్ నియోజకవర్గంలోని పలు ప్రాంతాల్లో పవన్ కల్యాణ్ పర్యటించబోతున్నారు. అక్కడ తన బలాన్ని ఆయన ప్రదర్శించే అవకాశం ఉంది. తిరుపతిలో పోటీ చేయాలని జనసేన అనుకుంటోంది. కానీ బీజేపీ మాత్రం.. తామే పోటీ చేస్తామని చెబుతోంది. ఈ సందర్భంగా.. రైతులకు భరోసా ఇవ్వడంతో పాటు.. తిరుపతిలో తమ బలాన్ని ప్రదర్శించి.. బీజేపీకి అవకాశం లేదని చెప్పేలా.. పర్యటన భారీగా ఉండేలా జనసేనాని ప్లాన్ చేసుకుంటున్నారు. అటు రైతులకు సాయం కోసం ప్రభుత్వంపై ఒత్తిడి పెంచుదుకు.. ఇక రాజకీయంగా బీజేపీని ఇబ్బందుల్లోకి నెట్టేందుకు పవన్ కల్యాణ్ టూర్ ఉపయోగపడే అవకాశం ఉంది.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

తెలంగాణ‌లో థియేట‌ర్లు బంద్‌

అనుకున్న‌దంతా అయ్యింది. కోవిడ్ ప్ర‌భావంతో... చిత్ర‌సీమ అల్లాడుతోంది. షూటింగులు ఆగిపోయాయి. సినిమా విడుద‌ల‌లు ఆగిపోయాయి. ఇప్పుడు ఏకంగా థియేట‌ర్లే బంద్ అయ్యాయి. కోవిడ్ కార‌ణంగా తెలంగాణ‌లో థియేట‌ర్లు మూసేస్తున్నామ‌ని ఎగ్జిబీట‌ర్ల సంఘం ప్ర‌క‌టించింది....

ఇక ఆ ఎన్నికల జోలికి వద్దనుకుంటున్న ఏపీ సర్కార్..!?

ఆంధ్రప్రదేశ్ కొత్త ఎస్ఈసీగా నీలం సాహ్ని బాధ్యతలు చేపట్టిన తొలి రోజు నుంచే పనిలోకి దిగారు. పరిషత్ ఎన్నికల నోటిఫికేషన్ ఇచ్చేశారు. హైకోర్టులో పిటిషన్ పెండింగ్‌లో ఉన్నా పట్టించుకోలేదు. ఆ వివాదం ......

ఏపీలో సంస్కారం తెలీని లీడర్ ఆయనొక్కరే..!

తెలుగుదేశం పార్టీ అధినేత చంద్రబాబు 71 ఏళ్లు పూర్తి చేసుకున్నారు. 72వ ఏట అడుగు పెట్టారు. ఆయనంటే అభిమానం ఉండి.. చెప్పాలి అనుకున్న వాళ్లు చెప్పారు. టీడీపీ క్యాడర్ కేకులు కట్...

అందరికీ వ్యాక్సిన్ సరే.. అసలు స్టాకేది..!?

దేశంలో అందరికీ వ్యాక్సిన్ ఇవ్వాలని ప్రధానమంత్రి మోడీ నిర్ణయించారు. మే ఒకటో తేదీ నుంచి పద్దెనిమిదేళ్లు నిండిన ప్రతి ఒక్కరూ వ్యాక్సిన్ వేయించుకోవచ్చని తెలిపింది. వైరస్ మీదపడిపోతున్న సమయంలో ఇది రిలీఫ్...

HOT NEWS

[X] Close
[X] Close