రాజకీయం అయిపోయిన “కరోనా వ్యాక్సిన్”..!

ఆగస్టు పదిహేనో తేదీ కల్లా కరోనా వ్యాక్సిన్ వస్తుందని ఐసీఎంఆర్ ప్రకటించడం.. దేశంలో కొత్త దుమారం రేపుతోంది. వైద్య పరిశోధనల్లో ఎంతో ముందు ఉన్న దేశాలు కూడా ఇలాంటి డెడ్‌లైన్ పెట్టలేదన్న సంగతి వివిధ వర్గాలు గుర్తు చేస్తున్నాయి. ఫలితాలు ఎలా వస్తాయో తెలియకుండా.. పరీక్షలు నిర్వహిస్తూ.. హ్యూమన్ క్లినికల్ ట్రయర్స్ ప్రారంభించి.. వ్యాక్సిన్ రిలీజ్ చేస్తామని ప్రకటించడం.. సరికాదని అటున్నారు. హైదరాబాద్ కేంద్రంగా ఉన్న భారత్ బయోటెక్‌లో కరోనా వ్యాక్సిన్ ప్రయోగ ఫలితాలు ప్రోత్సాహకరంగా ఉన్నాయి. దీన్ని ధృవీకరించిన ఐసీఎంఆర్.. హడావుడి చేస్తోంది.

ఐసీఎంఆర్ ప్రకటన వెనుక రాజకీయం ఉందని… కరోనాను కూడా రాజకీయ ప్రయోజనాల కోసం ఉపయోగించుకుంటున్న విమర్శలు వైద్య వర్గాల నుంచి ఎక్కువగా వస్తున్నాయి. ఆగస్టు పదిహేనో తేదీన ప్రధాని మోడీ.. తన ప్రసంగంలో గొప్పగా చెప్పుకోవడానికే.. ఈ ప్రయత్నమని.. విపక్ష రాజకీయవర్గాలు అంటున్నాయి. సాధారణంగా వ్యాక్సిన్ సిద్ధం చేయడానికి కనీసం పద్దెనిమిది నెలలు పడుతుంది. అది కూడా.. చేస్తున్న ప్రతి ప్రయోగం సక్సెస్ అయితే.. సైడ్ ఎఫెక్ట్‌లు లేనప్పుడే. ప్రస్తుతం… ఈ ప్రయోగ ఫలితాలు.. ఎలా ఉంటాయో.. ఎవరికీ తెలియదు. హ్యూమన్ క్లినికల్ ట్రయల్స్ ప్రారంభం కాబోతున్నాయి. ఆ ఫలితాలను విశ్లేషించడానికి చలా సమయం పడుతుంది. సైడ్ ఎఫెక్ట్‌లు అంచనా వేయడానికి ఇంకా ఎక్కువ సమయం పట్టవచ్చని.. వైద్య నిపుణులు అంటున్నారు.

అన్ని వర్గాల నుంచి విమర్శలు రావడంతో.. ఐసీఎంఆర్ కూడా వివరణ ఇచ్చింది. కోవ్యాక్సిన్‌ వ్యాక్సిన్‌పై భారత్‌ బయోటెక్‌ అందజేసిన సమగ్ర సమాచారం ఆశాజనకంగా ఉన్నందునే తదుపరి అనుమతులు ఇచ్చామని చెప్పుకొచ్చింది. ప్రజారోగ్యాన్ని దృష్టిలో పెట్టుకునే..వేగంగా ప్రక్రియ పూర్తి చేస్తున్నామని చెబుతోంది. అయితే.. సైన్స్ రాజకీయం అయితే.. మొదటికే మోసం వస్తుందని.. ఫార్మా రంగంలో భారత్‌కు ఉన్న మంచి పేరు.. ఇలాంటి తొందరపాటు నిర్ణయాల వద్ద దెబ్బతింటుందన్న ఆందోళన.. వైద్యవర్గాల్లో ఎక్కువగా వినిపిస్తోంది.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

కరోనా కట్టడిలో ఎట్టకేలకు హైకోర్టును మెప్పించిన తెలంగాణ సర్కార్..!

కరోనా నివారణ చర్యల విషయంలో తెలంగాణ హైకోర్టు నుంచి అదే పనిగా మొట్టికాయలు తింటున్న ప్రభుత్వానికి మొదటి సారి కాస్త రిలీఫ్ దొరికింది. రాష్ట్ర ప్రభుత్వం సరైన దిశలోనే వెళ్తోందని...

ఏపీలో రెడ్లు తప్ప మరో కులం లేదా..? : ఆర్ఆర్ఆర్

నర్సాపురం ఎంపీ రఘురామకృష్ణరాజు జగన్ సర్కార్ తీరుపై తీవ్రంగా మండిపడ్డారు. జగన్ ప్రభుత్వం ఒక్క కులం మాత్రమే బాగుపడుతోందని మిగతా అన్ని కులాలను అణగదొక్కుతున్నారని మండిపడ్డారు. ప్రభుత్వంలో రెడ్ టేపిజం లేదు..రెడ్డియిజం వచ్చిందని...

అచ్చెన్నకు కరోనా పాజిటివ్..!

మాజీ మంత్రి అచ్చెన్నాయుడుకు కరోనా పాజిటివ్‌గా తేలింది. ప్రస్తుతం ఆయన గుంటూరులోని రమేష్ ఆస్పత్రిలో చికిత్స పొందుతున్నారు. ఈఎస్‌ఐ స్కాంలో అచ్చెన్నాయుడు పాత్ర ఉందంటూ జూన్ పన్నెండో తేదీన ఆయన స్వగ్రామం శ్రీకాకుళం...

నిధులు సమీకరించుకుని అమరావతి భవనాలను కట్టేయాలని అధికారులకు జగన్ ఆదేశం..!

అమరావతి భవనాల నిర్మాణంపై ముఖ్యమంత్రి జగన్ సమీక్ష జరిపారు. ఆ కట్టడాలు పూర్తి చేయడానికి అవసరమైన నిధుల సమీకరణ చేసుకోవాలని అధికారులను ఆదేశించారు. అమరావతి మెట్రోపాలిటిన్‌ ఏరియా డెవలప్‌మెంట్‌ అథారిటీకి సంబంధించిన...

HOT NEWS

[X] Close
[X] Close