టాలీవుడ్‌లో మోస్ట్ ఎలిజిబుల్ బ్యాచిల‌ర్ ప్రభాస్. త‌న పెళ్లి గురించి ఎన్ని వార్త‌లో, ఇంకెన్ని పుకార్లో. ఇంత‌కాలం ప్రభాస్ ఈ విష‌య‌మై మౌనంగా ఉన్నాడు. ఎట్ట‌కేల‌కు త‌న ఫ్యాన్స్‌కి కాస్త హింట్ ఇచ్చాడు. పెళ్లంటూ చేసుకొంటే – తిరుప‌తిలోనే చేసుకొంటా అని ప్ర‌క‌టించాడు.
ఆదిపురుష్ ప్రీ రిలీజ్ వేడుక తిరుప‌తిలో జ‌రిగింది. ఈ సందర్భంగా ప్రభాస్ వేదిక‌పై మాట్లాడుతున్న‌ప్పుడు అభిమానులు `పెళ్లెప్పుడు.. పెళ్లెప్పుడూ` అంటూ గోల గోల చేశారు. ఆ అరుపులు ప్రభాస్ చెవిన ప‌డ్డాయి. వాటికి ప్రభాస్ స్పందించాడు కూడా. `పెళ్లా..? పెళ్లి గ‌నుక చేసుకొంటే ఇక్క‌డే.. ఈ తిరుప‌తిలోనే చేసుకొంటా` అని అభిమానుల‌కు మాటిచ్చాడు ప్రభాస్. కృతి స‌న‌న్‌తో ప్రభాస్ ల‌వ్ లో ప‌డ్డాడ‌ని దేశ‌మంతా కోడై కూస్తోంది. అయితే ఇటు ప్రభాస్ గానీ, అటు కృతి గానీ ఈ విష‌య‌మై స్పందించడం లేదు. త‌మ‌ది కేవ‌లం ఫ్రెండ్ షిప్పే అంటున్నారు. మ‌రి.. ప్రభాస్ మ‌న‌సులో ఏముంది? అనేది త‌న‌కే తెలియాలి. కృష్ణంరాజు మాత్రం ప్ర‌భాస్‌కి పెళ్లి చేయాల‌ని చాలా తాప‌త్ర‌య‌ప‌డ్డారు. ఆయ‌న కోరిక నెర‌వేర‌లేదు. క‌నీసం ఈ యేడాదైనా ప్రభాస్ పెళ్లి క‌బురు వినిపిస్తాడేమో చూడాలి.
