షాకింగ్‌: ‘సైరా’ కి మ‌రో నిర్మాత‌?

చిరంజీవి 151వ చిత్రం ‘సైరా న‌ర‌సింహారెడ్డి’కి రామ్‌చ‌ర‌ణ్ నిర్మాత అనే సంగ‌తి అంద‌రికీ తెలిసిందే. చిరు తొమ్మిదేళ్ల త‌ర‌వాత రీ ఎంట్రీ ఇచ్చిన ‘ఖైదీ నెం.150’కీ చ‌ర‌ణే నిర్మాత‌. ఆ సినిమాలో నిర్మాత‌గా ఎంట్రీ ఇచ్చిన చ‌ర‌ణ్‌కి బాగానే గిట్టుబాటు అయ్యింది. అందుకే ‘సైరా’ బాధ్య‌త‌నీ తానే తీసుకున్నాడు. ఈ సినిమా మొద‌లెట్టేట‌ప్పుడు బ‌డ్జెట్ వంద కోట్లే అనుకున్నారు. కానీ అంచ‌నాల‌తో పాటు అంకెలూ పెరిగాయి. పేరున్న టెక్నీషియ‌న్లు, న‌టులు వ‌చ్చి చేర‌డం, చిత్రీక‌ర‌ణ ఆల‌స్యం అవుతుండ‌డం, వ‌ర్కింగ్ డేస్ పెరుగుతుండ‌డంతో బ‌డ్జెట్ కూడా పెరుగుతూ పోయింది. ఇప్పుడు ‘సైరా’ బ‌డ్జెట్ రూ.200 కోట్ల ద‌గ్గ‌ర ఆగింది. రూ.200 కోట్లు పెట్ట‌గ‌లిగే స‌త్తా చ‌ర‌ణ్‌లో ఉంది. ఆ విష‌యంలో ఎలాంటి సందేహం లేదు. కాక‌పోతే.. ఇప్పుడు చ‌ర‌ణ్ మ‌రో నిర్మాత స‌హ‌కారం తీసుకుంటున్నాడ‌ని తెలుస్తోంది. ఆయ‌నే డి.వి.వి. దాన‌య్య‌. చ‌ర‌ణ్ – బోయ‌పాటి చిత్రానికి దాన‌య్య నిర్మాత‌. ఆయ‌న సైడ్ నుంచి ‘సైరా’కి పెట్టుబ‌డి పెడుతున్న‌ట్టు విశ్వ‌స‌నీయ వ‌ర్గాల స‌మాచారం. అయితే ‘సైరా’ బిజినెస్ మొద‌ల‌య్యాక ఆ డ‌బ్బుల్ని తిరిగి ఇచ్చేస్తారా, లేదంటే… పెట్టుబ‌డిలో భాగంగా చూస్తున్నారా?? అనేది మాత్రం ఇంకా తేలాల్సివుంది. చ‌ర‌ణ్ అనుకోవాలే గానీ… ‘సైరా’ బిజినెస్ క్ష‌ణాల్లో పూర్త‌వుతుంది. ఆ డ‌బ్బుతో సినిమాని ఆడుతూ పాడుతూ లాగించేయొచ్చు. కానీ చ‌ర‌ణ్ ఉద్దేశం వేరు. సినిమా పూర్తయ్యాక‌… పాట‌లూ, ట్రైల‌రూ బ‌య‌ట‌కు వ‌స్తే.. ఈసినిమా రేంజు అర్థ‌మైతే.. రేట్లు పెరుగుతాయి. అప్పుడు అనుకున్న దానికంటే ఎక్కువ మొత్తానికే ఈసినిమాని అమ్ముకోవచ్చు. అందుకే బిజినెస్ విష‌యంలో చ‌ర‌ణ్ తొంద‌ర‌ప‌డ‌డం లేదు. కానీ డ‌బ్బులు మాత్రం మ‌రో నిర్మాత‌తో ఎందుకు పెట్టించాడ‌న్న‌దే లెక్క తేల‌డం లేదు. చ‌ర‌ణ్ మ‌న‌సులో ఏముందో మ‌రి..!

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

కేకేను తిట్టి పంపించిన కేసీఆర్

రాజ్యసభ ఎంపీ కేకే, ఆయన కుమార్తె హైదరాబాద్ మేయర్ విజయలక్ష్మి శనివారం కాంగ్రెస్ పార్టీలో చేరాలని నిర్ణయించుకున్నారు. తనను పార్టీలో చేర్చుకుని రెండు సార్లు రాజ్యసభ సీటు ఇచ్చిన కేసీఆర్ కు ఓ...

అవినాష్ రెడ్డికి ఎన్నికల ముందే బెయిల్ రద్దు గండం ?

అవినాష్ రెడ్డి బెయిల్ రద్దు చేయాలని అప్రూవర్ గా మారిన దస్తగిరికి పిటిషన్ వేసే హక్కు ఉందని హైకోర్టు స్పష్టం చేసింది. దీంతో ఆయన వేసిన పిటిషన్‌పై విచారణ జరగనుంది. ఏప్రిల్...

‘ఆడు జీవితం’ రివ్యూ: ఎడారి పాలైన బ్రతుకుల వ్యధ

ఫారిన్ చిత్రాలతో పోల్చుకుంటే భారతీయ చిత్రాలలో సర్వైవల్ థ్రిల్లర్స్ తక్కువే. అయితే ఈ మధ్య కాలంలో మలయాళ పరిశ్రమ ఈ జోనర్ పై ప్రత్యేక దృష్టి పెట్టింది. '2018' చిత్రం ఆస్కార్ నామినేషన్స్...

అనపర్తిలో ఆందోళన… నల్లమిల్లి దారెటు..?

అవును ప్రచారమే నిజమైంది. అనపర్తి సీటు టీడీపీ నుంచి బీజేపీ ఖాతాలోకి వెళ్ళిపోయింది. పొత్తులో భాగంగా బీజేపీ నేత ములగపాటి శివ కృష్ణంరాజుకి కేటాయించారు. దీంతో టీడీపీ టికెట్ ఆశించిన మాజీ...

HOT NEWS

css.php
[X] Close
[X] Close