`హిట్టున్న ద‌ర్శ‌కుల‌తోనే మహేష్ సినిమాలు తీస్తాడు` అంటూ… మహేష్ బాబుపై ఓ పంచ్ విసిరాడు పూరి జ‌గ‌న్నాథ్‌. ఇదే ప్ర‌స్తుతం టాక్ ఆఫ్ ది ఇండ్ర‌స్ట్రీ అయ్యింది. మహేష్ ఇప్పుడు త‌న‌తో సినిమా చేస్తాన‌న్నా తాను మ‌హేష్‌తో ప‌నిచేయ‌డానికి సిద్ధంగా లేన‌ని తేల్చేశాడు పూరి. మహేష్ విష‌యంలో పూరి ఎంత హ‌ర్ట్ అయ్యాడో.. ఈ స్టేట్‌మెంట్‌ని చూస్తే తెలిసిపోతుంది. నిజానికి పోకిరి, బిజినెస్ మెన్‌ల‌కు ముందు పూరి సినిమాలు ఫ్లాపులే. కానీ.. మహేష్ పిలిచి మ‌రీ ఛాన్సిచ్చాడు. కానీ పూరి ఇలా ఎందుక‌న్నాడ‌న్న‌దే… మహేష్ ఫ్యాన్స్‌కి సైతం అర్థం కావ‌డం లేదు.
పూరి స్టేట్మెంట్ మ‌హేష్‌బాబు వ‌ర‌కూ వెళ్లే ఉంటుంది. సోష‌ల్ మీడియాని చురుగ్గా ఫాలో అవుతుంటాడు మహేష్. పూరి మాట‌లు మ‌హేష్‌ని చేరే ఉంటాయి. దీనిపై మహేష్ కూడా కౌంటర్ ఇచ్చేయ‌డానికి ప్లాన్ చేస్తుంటాడు. ఎందుకంటే… మహేష్ ఈమ‌ధ్య ఏదీ త‌న మ‌న‌సులో దాచుకోవ‌డం లేదు. వెంట‌నే బ‌య‌ట‌ప‌డిపోతున్నాడు. ఇటీవ‌ల సుకుమార్‌తో సినిమా క్యాన్సిల్ అయిన విష‌యం, వెంట‌నే మహేష్ `మ‌హ‌ర్షి` వేడుక‌లో… సుకుమార్‌పై ప‌రోక్షంగా సెటైర్ వేయ‌డం గుర్తుండే ఉంటాయి. ఈసారీ పూరిని ప‌రోక్షంగా ప్ర‌స్తావిస్తూ మహేష్ స్పందించే అవ‌కాశాలే ఉన్నాయ‌ని, ఈ విష‌యాన్ని మహేష్ సీరియ‌స్‌గానే తీసుకుంటాడ‌ని మహేష్ కాంపౌండ్ వ‌ర్గాలు, స‌న్నిహితులు చెబుతున్నారు. మ‌రి పూరి పంచ్‌కి మహేష్ స‌మాధానం ఎలా ఉంటుందో తెలియాలంటే ఇంకొన్ని రోజులు ఆగాల్సిందే.
