కాంగ్రెస్ జాతకం మార్చే రుణమాఫీ..! మధ్యప్రదేశ్‌లో అమలు..!

దేశంలో ప్రస్తుతం రైతులు తీవ్ర అసంతృప్తిగా ఉన్నారన్నది వాస్తవం. గత ఆరు నెలల కాలంలో ఉత్తరాది రైతులు.. ప్రభుత్వాలపై కదంతొక్కిన ఘటనలు చాలా ఉన్నాయి. కానీ పట్టించుకున్నవారే లేరు. ఎప్పటికప్పుడు ప్రభుత్వాలు హామీలు ఇచ్చి వెనక్కి పంపాయి కానీ… పరిష్కారం చూపించలేదు. రైతుల ఆదాయం రెట్టింపు చేస్తామని ప్రకటించి మోడీ అధికారంలోకి వచ్చారు. కానీ ఇప్పుడు రెట్టింపు కాదు కదా… పండించిన పంటకు.. మార్కెట్ కు తీసుకు రావడానికి అయ్యే ఖర్చు కూడా రావడం లేదు. వ్యవసాయమే ప్రజల జీవనోపాధి అయిన మధ్యప్రదేశ్, రాజస్థాన్ , చత్తీస్ ఘడ్ లలో అక్కడి ప్రభుత్వాలపై తీవ్ర వ్యతిరేకత ఏర్పడింది. మూడు రాష్ట్రాల్లో బీజేపీ పరాజయం పాలైంది. కాంగ్రెస్ పార్టీ గెలిచింది. బీజేపీపై వ్యతిరేక మాత్రమే కాంగ్రెస్ పార్టీని గెలిపించలేదు. ఆ పార్టీ రైతులకు ఇచ్చిన ఒకే ఒక్క హామీ ఓట్ల పంట పండించింది. ఆ హామీనే రైతు రుణమాఫీ. ఏక మొత్తంగా రూ. 2 లక్షల రుణమాఫీ. మధ్యప్రదేశ్ ముఖ్యమంత్రిగా కమల్ నాథ్ అలా బాధ్యతలు చేపట్టి.. ఇలా మొదటి సంతకంగా.. రుణమాఫీపై చేసేశారు.

రాహుల్ గాంధీ రుణమాఫీ హామీ. ఒక్క మధ్యప్రదేశ్ కే కాదు… చత్తీస్ ఘడ్, రాజస్థాన్, తెలంగాణ ఎన్నికల్లోనూ ఇచ్చారు. అయితే తెలంగాణ ప్రజలు మాత్రం.. రాహుల్ గాంధీ రెండు లక్షల హామీని పెద్దగా పరిగణనలోకి తీసుకోలేదు. మధ్యప్రదేశ్, చత్తీస్ ఘడ్, రాజస్థాన్ లలో ఇప్పుడు రుణమాఫీ అమలు చేయబోతున్నారు. లోక్ సభ ఎన్నికల్లో కూడా.. కాంగ్రెస్ పార్టీ .. రైతులను ఆకట్టుకునేందుకు రుణమాఫీనే ప్రధాన అస్త్రంగా చేసుకోబోతోంది. దేశవ్యాప్తంగా రుణమాఫీ అమలు చేస్తామనే హామీతో ప్రజల్లోకి రాబోతోంది. లోక్ సభ ఎన్నికల్లో కాంగ్రెస్ పార్టీకి అదే తురుపుముక్క. రుణమాఫీ విషయంలో కాంగ్రెస్ పార్టీపై రైతుల్లో నమ్మకం ఉంది. మధ్యప్రదేశ్ లో అధికారంలో చేపట్టిన వెంటనే.. సంతకం చేయడమే దానికి కారణం కాదు… యూపీఏ వన్ హయాంలో… ఎన్నికలకు వెళ్లే ముందు.. హామీ ఇవ్వకపోయినా దేశవ్యాప్తంగా రుణమాఫీని కేంద్రం అమలు చేసింది. అప్పట్లోనే ఇలా మాఫీ చేసిన మొత్తం రూ. 75 వేల కోట్ల వరకూ ఉంటుంది. అదే.. యూపీఏని రెండోసారి అధికారంలోకి తెచ్చి పెట్టుకుంది. ఇప్పుడు మళ్లీ అధికారంలోకి రావడానికి కూడా కాంగ్రెస్ పార్టీకి అదే రుణమాఫీ పెద్ద అస్త్రంగా మారింది.

ఈ సారి ఏక మొత్తంలో రెండు లక్షల రుణమాఫీని ప్రకటించి దేశవ్యాప్తంగా రైతుల దృష్టిని ఆకర్షించింది. ఇప్పుడు గెలిచిన మూడు రాష్ట్రాల్లో అమలు చేయడం.. మిగతా రాష్ట్రాల్లోనూ ప్రభావం చూపించడం ఖాయంగా కనిపిస్తోంది. రాహుల్ ఇచ్చిన రుణమాఫీ హామీతో రైతులు కాంగ్రెస్ పార్టీ వైపు మళ్లారని అంచనా వేసుకున్న బీజేపీ తాము కూడా రుణమాఫీ చేసి ఎన్నికలకు వెళ్తే ఎలా ఉంటుందన్నదానిపై సమాలోచనలు జరిపింది. కానీ ఇప్పుడు దానికంత సమయం లేకపోవడంతో… అది తమ విధానాలకు విరుద్ధమని చెబుతోంది. కార్పొరేట్లకు లక్షల కోట్లు రుణాలు మాఫీ చేసి.. రైతులకు చేయడంలో ఇబ్బందేమిటన్న ప్రశ్న.. కాంగ్రెస్ నుంచి వస్తోంది. కానీ సమాధానం చెప్పుకోలేని పరిస్థితిలో బీజేపీ ఉంది.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

మళ్లీ తెలంగాణలో డ్రగ్స్ కేసుల కలకలం !

హైదరాబాద్, సైబరాబాద్‌కు ఇప్పుడు ఉన్న కమిషనర్ల నేరస్తును ఓ ఆట ఆడిస్తున్నారు. సైబరాబాద్ కమిషనర్ సైబర్ ఫ్రాడ్‌ల మీద దృష్టి పెడితే.. హైదరాబాద్ కమిషన్ సీవీ ఆనంద్ డ్రగ్స్ కేసుల్ని వెలికి తీస్తున్నారు....

ఎన్నికల జిమ్మిక్ అనుకున్నా సరే.. ప్రధాని స్టైల్ అదే !

ప్రధానమంత్రి నరేంద్రమోడీ రిపబ్లిక్ డే వేడుకల్లో భిన్నంగా కనిపించారు. భగత్ సింగ్ తరహా టోపీ..  ఓ విభిన్నమైన కండువాతో వేడుకల్లో పాల్గొన్నారు. టోపీపై బ్రహ్మకమలం ముద్ర ఉంది. కాసేపటికే నెటిజన్లు అవి ఎక్కడివో...

అదే నరసింహన్ గవర్నర్ అయితే ఇలా జరిగేదా !?

రిపబ్లిక్ డే రోజున కేసీఆర్ రాజ్యాంగాన్ని అవమానించారని హుజురాబాద్ ఎమ్మెల్యే ఈటల రాజేందర్ ఫైరయ్యారు. కారణం ఏమిటంటే రాజ్‌భవన్‌లో జరిగే రిపబ్లిక్ డే వేడుక.. జెండా పండుగకు కేసీఆర్ వెళ్లలేదు. కనీసం సీనియర్...

“కొత్త జిల్లాల పని” చేస్తామంటున్న ఉద్యోగ సంఘాలు !

ఉద్యోగులంతా ఉద్యమంలో ఉన్న సమయంలో ప్రజల దృష్టి మరల్చేందుకే కొత్త జిల్లాలంటూ ప్రభుత్వం ప్రకటనలు చేసిందని ఆరోపణలు వస్తున్న సమయంలో ఉద్యోగ సంఘాలు భిన్నంగా స్పందించాయి. ఐఏఎస్‌లు మినహా ఉద్యోగలంతా సమ్మెలోకి...

HOT NEWS

css.php
[X] Close
[X] Close