ద‌ర్శ‌క దిగ్గ‌జం దాస‌రి నారాయ‌ణ‌రావు జ‌యంతిని పుర‌స్క‌రించుకొని, తెలుగు ద‌ర్శ‌కులంతా క‌లిసి ‘డైరెక్ట‌ర్స్ డే’ని సెల‌బ్రేట్ చేసుకోబోతున్నారు. మే 4న ఈ కార్య‌క్ర‌మం హైద‌రాబాద్‌లో జ‌రగ‌బోతోంది. అందుకోసం ద‌ర్శ‌కులంతా క‌లిసి క‌స‌ర‌త్తులు చేస్తున్నారు. ఇప్ప‌టికే కొంత‌మంది హీరోలు ఈ కార్య‌క్ర‌మానికి త‌మ వంతు స‌హాయంగా విరాళాలు ఇచ్చారు. ఇప్పుడు వేదిక‌పై.. ద‌ర్శ‌కులంతా క‌లిసి స్కిట్లు వేయ‌డానికి, డాన్స్ షోలు చేయడానికి రిహార్స‌ల్స్ కూడా మొద‌లెట్టేశారు.
మ‌న ద‌ర్శ‌కుల్లో అనిల్ రావిపూడి మంచి డాన్స‌ర్‌. ఆయన ఈ స్టేజీపై డాన్స్ చేయ‌బోతున్నార‌ని తెలుస్తోంది. అంతేకాదు..రాజ‌మౌళి కూడా స్టెప్పేయ్య‌బోతున్నార్ట. ఇటీవ‌ల రాజ‌మౌళి, రమా క‌లిసి ఓ పాట‌కు డాన్స్ చేసిన సంగతి తెలిసిందే. అది సోష‌ల్ మీడియాలో బాగా వైర‌ల్ అయ్యింది. ఆ స్ఫూర్తితోనే డైరెక్ట‌ర్స్ డేలో.. రాజ‌మౌళి మరో పాట‌కు డాన్స్ చేయ‌బోతున్నార‌ని తెలుస్తోంది.
ఈ కార్య‌క్ర‌మానికి చిరంజీవి, మోహ‌న్ బాబు ముఖ్య అతిథులుగా హాజ‌రు కాబోతున్నారు. బాలీవుడ్ నుంచి కూడా కొంత‌మంది ప్ర‌ముఖుల్ని ఆహ్వానించారు. అయితే వాళ్లు ఈ కార్య‌క్ర‌మానికి వ‌స్తారా, రారా? అనేది తెలియాల్సివుంది. ద‌ర్శ‌కులంతా క‌లిసి ఓ కార్య‌క్ర‌మం చేయడం.. అందులో హీరోలూ పాలుపంచుకోవ‌డం మంచి ఆలోచ‌నే. ద‌ర్శ‌కుల‌లో ఉన్న ర‌క‌ర‌కాల ప్ర‌తిభ‌ల‌న్నీ ఈ షోలో ప్రేక్ష‌కులు చూసే వీలుంది. బుక్ మై షోలో టికెట్లు అందుబాటులో ఉంచారు. ఈ షో ద్వారా వ‌చ్చే ఆదాయంతో ద‌ర్శ‌కుల కోసం, వాళ్ల సంక్షేమం కోసం వాడాల‌ని చిత్ర‌సీమ భావిస్తోంది.
