ఈడీ కేసులో రవిప్రకాష్‌కు ముందస్తు బెయిల్..!

టీవీ9లో నిధుల దుర్వినియోగం కేసులో ఈడీ నమోదు చేసిన కేసులో రవిప్రకాష్‌కు.. హైకోర్టు ముందస్తు బెయిల్ మంజూరు చేసింది. ఒక వ్యక్తిని వేధించడానికి ఎన్ని కేసులు పెడతారని హైకోర్టు ఈ సందర్భంగా ప్రశ్నించింది. ఎందుకంటే.. రవిప్రకాష్‌పై ప్రస్తుతం నమోదైన ఈడీ కేసు పాతదే. ఆయన సీఈవోగా ఉన్నప్పుడు.. బోనస్‌ పేరుతో అక్రమంగా నిధులు డ్రా చేశారన్నదే కేసు. గత ఏడాది అక్టోబర్ లో ఇదే వ్యవహారంలో ఆయనపై కేసు కూడా నమోదైంది. ఆయనను కొన్నాళ్లు అరెస్ట్ చేసి జైల్లో పెట్టారు. ఆ తర్వాత బెయిల్ పొందారు. ఈ కేసు విషయంలో గతంలో హైకోర్టు.. సామరస్యంగా పరిష్కరించుకోవాలని సూచించింది. అయితే.. కొన్ని రోజులు ఆగిన టీవీ9 కొత్త యాజమాన్యం ఈడీ కేసు ద్వారా.. మళ్లీ రవిప్రకాష్‌ను టార్గెట్ చేసింది.

వాస్తవానికి బోనస్‌గా తీసుకున్న డబ్బులు ఒక్క రవిప్రకాష్ మాత్రమే తీసుకోలేదు. సంస్థలోని ఉద్యోగులందరికీ బోనస్ వచ్చింది. అయితే.. రవిప్రకాష్ ను మాత్రమే టార్గెట్ చేశారు. ఈ అంశంలో ఎన్‌ఫోర్స్‌మెంట్ డైరక్టరేట్ కలుగచేసుకోవాల్సిన అంశాలేమీ లేవు., అయితే.. టీవీ9 కొత్త యాజమాన్యం.. అలా బోనస్‌గా తీసుకున్న సొమ్మును రవిప్రకాష్ విదేశాలకు తరలించారనే అనుమానం వ్యక్తం చేస్తూ ఫిర్యాదు చేసింది. దాంతో.. ఈడీ ముందూ వెనుకా ఆలోచించకుండా కేసు నమోదు చేసి విచారణ ప్రారంభించారు. ఇదంతా.. మరోసారి అరెస్ట్ చేసే ప్రయత్నంలో భాగమేనని భావించిన రవిప్రకాష్.. ముందస్తు బెయిల్ కోసం హైకోర్టును ఆశ్రయించారు.

టీవీ9 వ్యవస్థాపక సీఈవోగా ఉన్న రవిప్రకాష్‌కు.,. కొత్త యాజమాన్యం వచ్చిన తర్వాత గడ్డు పరిస్థితులను ఎదుర్కొంటున్నారు. ఆయనకు టీవీ9లో షేర్లు ఉన్నప్పటికీ.. ఆయనను అవమానకరంగా బయటకు పంపేశారు. కేసులు పెడుతున్నారు. ఇప్పటికే కొత్త యాజమాన్యం ఆయనపై వివిధ రకాల కేసులు పెట్టింది. తాజాగా ఈడీ కేసులో తెర ముందుకు వచ్చింది. అన్నింటిపై న్యాయపోరాటం చేస్తున్నారు రవిప్రకాష్.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

పులివెందుల యూరేనియం ప్లాంట్‌లో అగ్నిప్రమాదం..!

కడప జిల్లా పులివెందుల సమీపంలో ఉన్న తుమ్మలపల్లి యురేనియం ప్లాంట్‌లో భారీ అగ్నిప్రమాదం చోటు చేసుకుంది. ప్లాంట్‌లో పెద్ద ఎత్తున మంటలు ఎగసిపడ్డాయి. కంట్రోల్ చేసేందుకు ఫైర్ సిబ్బంది ప్రయత్నిస్తున్నారు . యూరేనియం...

రెండు రోజుల్లోనే “కుట్ర కోణం” కనిపెట్టిన డీజీపీ..!

ఆంధ్రప్రదేశ్ డీజీపీ గౌతం సవాంగ్ ఆలయాలపై జరుగుతున్న దాడుల దర్యాప్తు విషయంలో తీవ్ర ఒత్తిడి ఎదుర్కొంటున్నట్లుగా ఉన్నారు. రెండు రోజుల క్రితం మీడియా సమావేశంలో మాట్లాడిన ఆయన... రాష్ట్రంలో ఆలయాలపై జరుగుతున్న...

ఎవరూ తగ్గరు.. మరి చర్చలెందుకు..!?

కేంద్ర ప్రభుత్వం, రైతు సంఘాలు చర్చల పేరుతో దాగుడు మూతలాడుతున్నాయి. ప్రజలకు సమస్య పరిష్కారం కోసం ప్రయత్నిస్తున్నామని చెప్పడానికా అన్నట్లుగా... వారానికో సారి భేటీ అవుతున్నారు. మూడు నాలుగు గంటల పాటు సమావేశం...

సంక్రాంతి షో అంతా మెగా ఫ్యామిలీదే..!

సంక్రాంతి సంబరాలు సెలబ్రిటీలు ఎలా జరుపుకుంటారనే ఆసక్తి సామాన్య జనానికి ఉంటుంది. అయితే ఎక్కువ మంది సెలబ్రిటీలు తాము ఎలా జరుపుకుంటామో బయటకు తెలియనివ్వరు. మెగా ఫ్యామిలీ ఈ ఏడాది మాత్రం.. తమ...

HOT NEWS

[X] Close
[X] Close