‘వి’ సినిమాని ‘అమేజాన్ ప్రైమ్‌’కి ఇచ్చేశాడు దిల్ రాజు. సెప్టెంబ‌రు 5న అమేజాన్ లో ఈ సినిమా స్ట్రీమ్ కానుంది. ఈలోగా.. ప్ర‌మోష‌న్లు మొద‌లెట్టారు. `వి` ట్రైల‌ర్‌తో… ప్ర‌మోష‌న్ల‌కు శ్రీ‌కారం చుట్టాల‌నుకుంది చిత్ర‌బృందం. ట్రైల‌ర్ విడుద‌ల చేస్తూనే… ఈ సినిమాని `అమేజాన్`లో చూపిస్తున్నాం.. అనే విష‌యం స్ట్రాంగ్ గా ఫిక్స‌యిపోయేలా.. ఓ ప్లాన్ చేసింది. `వి` ట్రైల‌ర్ చూడాల‌నుకునేవాళ్లు అమేజాన్ సైట్ లోకి వెళ్లి, లాగిన్ అయ్యి, ఓ ఫొటో అప్ లోడ్ చేస్తే `వి` ట్రైల‌ర్ చూసేలా ఓ ఏర్పాటు చేసింది.
అయితే… ఈ ప్లాన్ బెడ‌సి కొట్టింది. ట్రైల‌ర్ చూడ్డానికి ఇంత త‌తంగం ఎందుకు? అంటూ చాలామంది విసుక్కుంటున్నారు. ఈ సినిమాని ట్రోల్ చేయ‌డం కూడా మొద‌లెట్టారు. నిజంగానే.. ప్రొసెజ‌ర్ ఫాలో అయిన చాలామందికి ట్రైల‌ర్ ప్లే కాలేద‌ట. దాంతో ఈ ఎపిసోడ్ మొత్తం కామెడీగా మారిపోయింది. ట్రైల‌ర్ చూడ్డానికే ఇంత హంగామా చేస్తే, సినిమా చూపించ‌డానికి ఇంకెంత చేస్తారో.. అంటూ సెటైర్లు వేస్తున్నారు. ఇదంతా కాకుండా.. నేరుగా, ఎప్ప‌టిలానే ట్రైల‌ర్‌ని విడుద‌ల చేసేసుంటే బాగుండేదేమో అనుకుంటోంద‌ట చిత్ర‌బృందం. రేపో.. మాపో.. ట్రైల‌ర్ ని నేరుగానే విడుద‌ల చేయ‌డానికి చిత్ర‌బృందం ఏర్పాట్లు చేస్తోందిప్పుడు.
