తెలంగాణలో మద్యం దుకాణాలకు టోటల్ అన్‌లాక్..!

తెలంగాణలో మద్యం దుకాణాలకు అన్‌లాక్ చేసేశారు. ఇక నుంచి సాధారణంగానే మద్యం దుకాణాలు తెరుచుకోవచ్చని ప్రభుత్వం ప్రకటించింది. ఇక నుంచి మద్యం దుకాణాలు ఉదయం పది గంటల నుంచి రాత్రి పదకొండు గంటల వరకు ఉంటాయి. కేంద్ర ప్రభుత్వం అన్‌లాక్ -3 నిబంధనలు ప్రకటించారు. స్కూళ్లు, సినిమాహాళ్లు తప్ప..దాదాపు అన్నీ సాధారణ కార్యకలాపాలు జరుపుకునేందుకు అవకాశం ఇచ్చింది. దీంతో తెలంగాణ సర్కార్ కూడా.. మందుబాబులకు కూడా… ఎలాంటి ఇబ్బంది రాకుండా అన్ లాక్ ప్రకటించేసింది.

తెలంగాణలో కరోనా కేసులు భారీగా నమోదవుతున్నందున లాక్ డౌన్ ప్రకటించాలన్న డిమాండ్.. నిన్నమొన్నటిదాకా వినిపించేది. ప్రభుత్వం కూడా ఈ దిశగా ఆలోచన చేసినట్లుగా ప్రచారం జరిగింది. కానీ అలాంటి అవకాశం లేదని… తర్వాత తేల్చేశారు. తెలంగాణలో ఇక ఎలాంటి లాక్ డౌన్ నిబంధనలు అమల్లో లేనట్లే. కేంద్రం ఎప్పుడు అనుమతిస్తే.. అప్పుడు స్కూళ్లు, సినిమాహాళ్లు ప్రారంభమవుతాయి. లాక్ డౌన్ తర్వాత మద్యం దుకాణాలు తెరిచినప్పుడు.. తెలంగాణ సర్కార్‌కు ఆదాయం దండిగా వచ్చింది. అయితే.. ప్రజలకు ఆదాయం లేకపోవడంతో… తర్వాత కాస్త తగ్గింది. మళ్లీ ఇప్పుడు ఆర్థిక పరిస్థితులు మెరుగుపడుతున్న సూచనలు కనిపిస్తున్నాయి.

నిర్మాణ రంగంతో పాటు… వివిధ రకాల వ్యవస్థలు .. గాడిన పడుతున్నాయి. దీంతో… ప్రజల ఉపాధి కూడా పెరిగింది. మళ్లీ… మద్యం ఆదాయం కూడా పెరుగుతోంది. ఆర్థిక ఇబ్బందుల్లో ఉన్న ప్రభుత్వానికి మద్యం ఆదాయం.. మరింత కలసి వస్తోంది. ఇప్పుడు సాధారణ సమయాల్లో అమ్మకాలు చేయడం వల్ల… లాక్ డౌన్ ముందు నాటి ఆదాయం వస్తుందని… ప్రభుత్వం ఆశిస్తోంది.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

అమిత్‌ షాతో భేటీ కోసం ఢిల్లీకి జగన్..!

ముఖ్యమంత్రిజగన్మోహన్ రెడ్డి మంగళవారం ఢిల్లీకి వెళ్తున్నారు. ఆయన పర్యటన హఠాత్తుగా ఖరారయింది. చాలా రోజుల నుంచి ఆయన కేంద్రమంత్రుల్ని కలవాలని అనుకుంటున్నారు. గతంలో రెండు, మూడు సార్లు ఢిల్లీకి వెళ్లిన తర్వాత...

పంపుసెట్లకు మీటర్లను జగన్ ఎందుకు పెడుతున్నారో చెప్పిన హరీష్ రావు..!

వ్యవసాయ విద్యుత్ కనెక్షన్లకు మీటర్లు పెడుతున్న వ్యవహారం ఆంధ్రప్రదేశ్‌లో దుమారం రేపుతోంది. ప్రభుత్వ నిర్ణయంపై రైతులు అసంతృప్తితో ఉన్నారు. ఇంకా ప్రక్రియ ప్రారంభం కాలేదు.. ఒక వేళ మీటర్లు పెట్టే ప్రక్రియ ప్రారంభమైతే..రైతులు...

ప్రాయశ్చిత్త హోమాలు చేయాలని ఏపీ సర్కార్‌కు ఆస్థాన స్వామిజీ సలహా..!

ఆంధ్రప్రదేశ్‌లో దేవాలయాలపై వరుసగా జరుగుతున్న దాడులు..హిందూత్వంపై వైసీపీ నేతల అరాచక వ్యాఖ్యలకు పరిహారంగా.. ప్రాయశ్చిత్త హోమాలు చేపట్టాలని వైఎస్ జగన్ .. వైసీపీ నేతల ఆస్థాన స్వామిజీ స్వరూపానంద సరస్వతి సూచించారు. వరుస...

రైతులకు ఆ బిల్లులు ఉపయోగపడితే సంబరాలు ఎందుకు చేసుకోరు ?: కేటీఆర్

బిల్లులు ఎలా ఆమోదించుకోవాలో.. ఎలా ప్రజామోదం సంపాదించాలో.. తెలంగాణను చూసి నేర్చుకోవాలని మంత్రి కేటీఆర్ పరోక్షంగా కేంద్ర ప్రభుత్వానికి సలహాలిస్తున్నారు. కేంద్రం వివాదాస్పదంగా ఆమోదించిన వ్యవసాయ బిల్లుల విషయంలో కేటీఆర్ స్పందన.. అంతే...

HOT NEWS

[X] Close
[X] Close