సచివాలయాన్ని గుప్త నిధుల కోసమే కూలగొడుతున్నారన్న వాదనను.. కాంగ్రెస్ నేత రేవంత్ రెడ్డి తెరపైకి తీసుకు వచ్చారు. కేసీఆర్ కనిపించకుండా పోవడం.. ఆర్థరాత్రిళ్లు తవ్వకాలు జరపడం వంటి అంశాలపై తాము పరిశీలన జరిపితే… గుప్త నిధుల తవ్వకాల విషయం తెలిసిందని.. అంటున్నారు. సచివాలయం భవనాల్లో జీ బ్లాక్ అత్యంత పురాతనమైనది. దాన్ని నిజాం రాజు నిర్మించారని చెబుతూంటారు. దాని కింద గుప్త నిధులు ఉన్నాయనే ప్రచారం ఎప్పటి నుంచో ఉంది. రేవంత్ ఇప్పుడా అంశాన్ని తెరపైకి తీసుకు వచ్చారు. నమస్తే తెలంగాణ పత్రికలో గతంలో.. ఈ అంశంపై కథనాలు వచ్చాయి. వాటినే.. మీడియాకు చూపించారు రేవంత్.
కొన్నేళ్ల కిందట… సచివాలయానికి సమీపంలో ఉండే.. విద్యారణ్య స్కూల్ తవ్వకాల్లో.. ఓ సొంరంగం బయటపడింది. ఆ తర్వాత మింట్ కాంపౌండ్, హోం సైన్స్ కాలేజీల్లోనూ ఇలాంటి సొరంగాలు బయటపడ్డాయి. అవి ఎక్కడికి దారి తీస్తాయన్నదానిపై క్లారిటీ లేదు కానీ.. కొన్నాళ్లు పాటు తవ్వకాలు కూడా జరిగాయి. అన్వేషణ కోసం అవకాశం ఇవ్వాలని పురావస్తు శాఖ జీహెచ్ఎంసీకి లేఖ కూడా రాసింది. ఆది ఏమయిందో ఎవరికీ తెలియదు. కానీ ఇప్పుడు రేవంత్.. గుప్త నిధుల కోణం తీసుకు రావడంతో… పాత విషయాలన్నీ వెలుగులోకి వస్తున్నాయి.
గుప్త నిధుల తవ్వకాలు మాత్రమే అర్థరాత్రి జరుగుతాయని.. కూల్చివేత పనులు అర్థరాత్రి ప్రారంభమవడాన్ని గుర్తు చేశారు. పురావస్తు శాఖ పర్యవేక్షణలో ఎందుకు తవ్వకాలు జరపడం లేదని .. పొక్రాన్ అణు పరీక్షలుు కూడా ఇంత రహస్యంగా జరపలేదని సెటైర్ వేశారు. జి బ్లాక్ కింద ఎన్ఎండీసీ, పురావస్తు శాఖ చేత తవ్వకాలు జరిపించాలని డిమాండ్ చేశారు. హైకోర్టు ప్రధాన న్యాయమూర్తి సుమోటోగా స్వీకరించి ఒక కమిటీ వేయాలని రేవంత్ డిమాండ్ చేస్తున్నారు.
రేవంత్ రెడ్డి.. ఇప్పటికే పర్యావరణ కోణంలో ఎన్జీటీలో పిటిషన్ వేశారు. ఇప్పుడు పురావస్తు శాఖను ఇన్వాల్వ్ చేసేందుకు గుర్త నిధుల కోణం తీసుకు వస్తున్నారు. రేవంత్ వ్యూహాలను తిప్పికొచ్చడం.. టీఆర్ఎస్ నేతలకు.., ఇబ్బందికరమైన అంశంగా మారింది.
