సిక్కోలులో రూ. 5 కోట్ల మిస్టరీ..! వైసీపీ నేతను వదిలేశారేంటి..?

శ్రీకాకుళం జిల్లా రాజాం దగ్గర.. ఓ బస్సులో పోలీసులు రూ. ఐదు కోట్ల ఏడు లక్షల రూపాయలను స్వాధీనం చేసుకున్నారు. ఇలా పెద్ద మొత్తంలో… నగదు స్వాధీనం చేసుకోవడం అరుదు. అది ఆర్టీసీ అద్దె బస్సు. పైగా.. డ్రైవర్ దగ్గర మాత్రమే తాళం ఉండే కేబిన్‌లో ఉన్నాయి. అంటే పకడ్బందీ వ్యూహంతోనే.. వాటిని తరలిస్తున్నారన్నమాట. మరి అంత పెద్ద మొత్తం బస్సులో తీసుకెళ్తున్న విషయం ఎవరికీ తెలియదట. చివరికి తాళం వేసిన డ్రైవర్‌కి… అలాగే.. బస్సులో ఉన్న ప్రయాణికీలకు కూడా తెలియదట. అందరూ మావి కాదంటే.,. మావి కాదని.. చెప్పేశారు. దాంతో.. పోలీసుల ప్రయాణికుల వివరాలను తీసుకుని పంపేశారట. ఆ ప్రయాణికుల్లో ఒకరు పాలవలస విక్రాంత్. పాతపట్నం వైసీపీ అభ్యర్థి రెడ్డి శాంతి సోదరుడు. శ్రీకాకుళం జిల్లా వైసీపీ కీలక నేత పాలవలస రాజశేఖరం కుమారుడు.

వైఎస్ జగన్.. పాదయాత్రగా శ్రీకాకుళం జిల్లాకు వచ్చినప్పుడు… ఈ పాలవలస విక్రాంత్ వెయ్యి కార్లతో స్వాగతం పలికారు. ధూం.. ధాం.. చేశారు. కానీ.. ఆయన విశాఖ నుంచి రాజాంకు.. ఓ ఆర్టీసీ బస్సులో… వస్తున్నారు. జగన్ పాదాయాత్ర కోసం ఏర్పాటు చేసిన వెయ్యి కార్లలో ఒక్క దాన్నైనా ఆయన బుక్ చేసుకోలేకపోయారు. కానీ విచిత్రంగా.. ఆయన వస్తున్న బస్సులోనే రూ. ఐదు కోట్ల రూపాయలు ఉన్నాయి. అయినప్పటికీ.. ఆయనకు తనకు తెలియదంటే.. తెలియదని.. తమ సొమ్ము కాదని.. చెప్పి పోలీసులకు ఓ నమస్కారం పెట్టి వెళ్లిపోయారు.

ఆ డబ్బు దొరికిన పరిస్థితి, అందులో ఉన్న వైసీపీ అభ్యర్థి తమ్ముడు.. ఇలా ఏ క్లూ చూసుకున్నా… అంత పెద్ద మొత్తంలో సొమ్ము.. పాలవలస కుటుంబానిదేనని తెలిసిపోతుంది. కానీ పోలీసులు… చాలా స్మార్ట్ గా వ్యవహరించి.. వారు తమ సొమ్ము కాదంటున్నారని చెబితే.. వివరాలు తీసుకుని వదిలేశారట. అదే.. తెలంగాణలో జయభేరీ సంస్థకు చెందిన సొమ్ము రూ. రెండు కోట్లు చిక్కితే.. ఎన్నికల్లో పంచడానికే తీసుకెళ్తున్నారని.. పోలీసులు నిర్ధారించేసుకుని ఏకంగా.. ఎంపీ మురళీమోహన్ మీదే కేసు పెట్టేశారు. ఏపీ, తెలంగాణ పోలీసులకు.. ఇదే తేడానేమో..?

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

బీజేపీని గంట తిట్టి “ధాన్యం భారం” దించేసుకున్న కేసీఆర్ !

తెలంగాణ సీఎం కేసీఆర్ మరోసారి గంటన్నర సేపు ప్రెస్ మీట్ పెట్టారు. మంత్రివర్గ సమావేశం నిర్వహించిన తర్వాత అందులో తీసుకున్న నిర్ణయాలపై ఈ ప్రెస్ మీట్ పెట్టలేదు. కేవలం బీజేపీని...

వరద నష్టం అంచనాకొచ్చారా ? జగన్ పనితీరుకా ?

రాయలసీమ, నెల్లూరు జిల్లాలను అతలాకుతరం చేసిన వరద పరిస్థితులను అంచనా వేయడానికి వచ్చిన కేంద్ర బృందం ముఖ్యమంత్రిని కలిసింది. అంతకు ముందు మూడు రోజుల పాటు వారు క్షేత్ర స్థాయిలో పర్యటించారు. వీరు...
video

30 సెకన్ల టీజర్ తో బాలీవుడ్ ని షేక్ చేసిన రాధేశ్యామ్

https://youtu.be/ybq28UyxDTg పాన్ ఇండియా ఫ్యాన్స్ ని ఊరిస్తున్న సినిమాల్లో ప్రభాస్ "రాధేశ్యామ్" కూడా వుంది. ఇప్పటికే విడుదలైన ఈ సినిమాలోని ప్రమోషన్స్ మెటిరియాల్ సినిమాపై అంచనాలు పెంచాయి. తాజాగా ఈ సినిమా హిందీ సాంగ్...

డ్వాక్రా మహిళల “పెన్షన్ బీమా” సొమ్ములు కూడా విత్ డ్రా !

వైఎస్ రాజశేఖర్ రెడ్డి హయాంలో డ్వాక్రా మహిళల కోసం అభయహస్తం అనే పధకం ప్రారభించారు. ఈ పథకం ప్రకారం డ్వాక్రా మహిళల వద్ద నుంచి ఏడాదికి రూ.365 ప్రీమియం వసూలు చేస్తున్నారు....

HOT NEWS

[X] Close
[X] Close