తూచ్…ప్రధాని దేవుడిచ్చిన వరం కాదు!

ఏ పార్టీలో అయినా అధిష్టాన దేవతల భజన కార్యక్రమం సాగుతూనే ఉంటుంది. కాంగ్రెస్ పార్టీలో అయితే నిన్నటి మొన్నటి వరకు సోనియా, రాహుల్, ఎప్పుడో చనిపోయిన ఇందిరా గాంధి, రాజీవ్ గాంధీల భజన కార్యక్రమం నిర్విరామంగా సాగుతుండేది. భాజపాలో అటువంటి సంస్కృతి లేనపట్టికీ, నరేంద్ర మోడీ ప్రధానిగా బాధ్యతలు చేపట్టిన తరువాత ప్రభుత్వంపై, పార్టీపై పూర్తి పట్టు సాధించడంతో భాజపాలో కూడా మోడీ భజన కార్యక్రమం మొదలయిపోయింది. దేశంలో ఏ అభివృద్ధి, సంక్షేమ కార్యక్రమం చేపట్టినా అది మోడీ వలననే జరుగుతోందని చెపుతూ కేంద్రప్రభుత్వం అంటే మోడీ, మోడీయే కేంద్రప్రభుత్వం అన్నట్లు మాట్లాడుతున్నారు. డిల్లీ, బిహార్, జమ్మూ కాశ్మీర్ రాష్ట్రాలలో భాజపా విజయం సాధించి ఉండి ఉంటే, ఆ భజన కార్యక్రమం ఇంకా ఉదృతంగా సాగిఉండేది.

ఈ మోడీ భజన కార్యక్రమంలో అందరి కంటే ముందుండే వ్యక్తి కేంద్ర పట్టాణాభివృద్ధి శాఖ మంత్రి వెంకయ్య నాయుడు. ఆయన ఇటీవల ఒక సభలో మాట్లాడుతూ “ప్రధాని నరేంద్ర మోడి ప్రజలకు దేవుడిచ్చిన వరం. ఆయన నేతృత్వంలో దేశం శరవేగంగా అభివృద్ధి చెందుతోంది” అంటూ మోడీ భజన చేసారు. భజనపై పూర్తి పేటెంట్ హక్కులున్నట్లు భావించే కాంగ్రెస్ పార్టీ ముందుగా స్పందించి, వెంకయ్య నాయుడు మాటలని ఆక్షేపించింది. ఈ విషయం చివరికి ఆర్.ఎస్.ఎస్.చెవిలో కూడా పడటంతో, అది కూడా అసంతృప్తి వ్యక్తం చేసింది. ఇటువంటి వ్యక్తి పూజలను ప్రోత్సహించవద్దని భాజపా అధిష్టానానికి సూచించింది.

దానితో కంగు తిన్న వెంకయ్య నాయుడు తన భజన చరణాలకి సవరణ విడుదల చేసారు. “ప్రధాని నరేంద్ర మోడి ప్రజలకు దేవుడిచ్చిన వరం అని నేను అనలేదు. ప్రజలే ఆవిధంగా అనుకొంటున్నారని నేను అన్నాను. నా మాటలను మీడియా వక్రీకరించింది. కాంగ్రెస్ పార్టీకి అనుకూలంగా ఉండే మీడియాలో ఒక వర్గం నా మాటలను వక్రీకరించి వాటిపై కూడా రాజకీయం చేయాలనీ ప్రయత్నించింది,” అని చెప్పుకొచ్చారు. ఈ సవరణ తరువాత ఇప్పుడు ప్రధాని నరేంద్ర మోడి ప్రజలకు దేవుడిచ్చిన వరమో కాదో ఆయననే మళ్ళీ అడిగి తెలుసుకోవలసి ఉంటుంది.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

‘ఆడు జీవితం’ రివ్యూ: ఎడారి పాలైన బ్రతుకుల వ్యధ

ఫారిన్ చిత్రాలతో పోల్చుకుంటే భారతీయ చిత్రాలలో సర్వైవల్ థ్రిల్లర్స్ తక్కువే. అయితే ఈ మధ్య కాలంలో మలయాళ పరిశ్రమ ఈ జోనర్ పై ప్రత్యేక దృష్టి పెట్టింది. '2018' చిత్రం ఆస్కార్ నామినేషన్స్...

అనపర్తిలో ఆందోళన… నల్లమిల్లి దారెటు..?

అవును ప్రచారమే నిజమైంది. అనపర్తి సీటు టీడీపీ నుంచి బీజేపీ ఖాతాలోకి వెళ్ళిపోయింది. పొత్తులో భాగంగా బీజేపీ నేత ములగపాటి శివ కృష్ణంరాజుకి కేటాయించారు. దీంతో టీడీపీ టికెట్ ఆశించిన మాజీ...

బస్సు యాత్ర : వైసీపీ రాంగ్ స్ట్రాటజీ

ఎన్నికల షెడ్యూల్ వచ్చినా నోటిఫికేషన్ రావడానికి సమయం ఉండటంతో...జగన్మోహన్ రెడ్డి బస్సు యాత్రను ప్లాన్ చేసుకున్నారు. ఇరవై ఒక్క రోజుల పాటు ఇరవై ఒక్క పార్లమెంట్ నియోజకవర్గాల నుంచి బస్సు యాత్ర...

చ‌ర‌ణ్ సినిమాలో.. సుకుమార్ హ్యాండ్ ఎంత‌?

సుకుమార్ రైటింగ్స్ బ్యాన‌ర్‌పై ద‌ర్శ‌కుడు సుకుమార్ ఓ సినిమా తీశాడంటే అందులో త‌న క్రియేటీవ్ ఇన్వాల్వ్‌మెంట్ కూడా త‌ప్ప‌కుండా ఉంటుంది. 'విరూపాక్ష‌' సినిమా స్క్రీన్ ప్లేలో సుకుమార్ ఇచ్చిన ఇన్ పుట్స్ బాగా...

HOT NEWS

css.php
[X] Close
[X] Close