బాహుబలి పార్ట్ 1 సినిమాలో అనుష్కా అభిమానులు చాలానే నిరుత్సాహపడ్డారు. ఎందుకంటే ఆ సినిమాలో కథ ప్రకారం నడివయసు పాత్రను అనుష్కా పోషించాల్సివచ్చింది. బాహుబలి చివరిభాగంలో మాత్రం తన అందాలను అనుష్కా ఆరబోయబోతోంది. అయితే, `ఈ ఆనందాన్ని సొంతం చేసుకోవాలంటే, 2016వరకు ఆగాల్సిందేనేనా’ అంటూ అభిమానులు నిరుత్సాహపడుతున్నమాట వాస్తవం. అక్కర్లేదు… ఎందుకంటే, ఈలోగానే ఇంచుమించు బాహుబలిలోని సాంకేతిక హంగులతోనే వస్తున్న `రుద్రమదేవి’ వారి కోరికను ఈడేర్చబోతున్నది. `రుద్రమదేవి’ సినిమాను అక్టోబర్ 9న అభిమానులు చూడబోతున్నారు. ఇవ్వాళ ఆగస్టు 31… అంటే ఇక నెలా9రోజులు ఆగితే చాలన్నమాట.
భారీసెట్టింగ్స్, సాంకేతిక పరిజ్ఞానం, విజువల్ ఎఫెక్ట్స్, చారిత్రాత్మక కథావస్తువు వంటివిషయాల్లో బాహుబలి-2 కి రుద్రమదేవి సినిమాకు పోలికలున్నాయి. పైగా ఈ రెండు సినిమాల్లోనూ అనుష్క పౌరుషంఉట్టిపడే వీరవనితగానే కనబడటం, మరో పక్క అందాలు ఆరబోసే శృంగారదేవతగానూ దర్శనమివ్వడం అభిమానులకు పంటపండినట్టే అవుతుంది. ముందుగా రిలీజ్ అయ్యే రుద్రమదేవి, ఆ తర్వాత వచ్చే బాహుబలి -2 చిత్రాలు అనుష్కా కెరీర్ లో ఆణిముత్యాలుగా నిలుస్తాయని ఆమె అభిమానులు అంటున్నారు.
గుణశేఖర దర్శకత్వంలో రెడీఅయిన రుద్రమదేవి సినిమాని అక్టోబర్ 9 (శుక్రవారం) ప్రపంచవ్యాప్తంగా విడుదలచేయడానికి సన్నాహాలుచేస్తున్నారు. ఈ చిత్రానికి అభిషేక్ నామా నిర్మాతగా ఉన్నారు. 60కోట్ల రూపాయల బడ్జెట్ తో రుద్రమదేవిని తెరకెక్కించారు. త్రీడి ఎఫెక్ట్ తో తీసిన సినిమా ఇది. సరికొత్త సాంకేతిక విలువలున్న సినిమాకావడంతో ప్రేక్షకులు రిలీజింగ్ డేట్ కోసం ఎదురుచూస్తున్నారని గుణశేఖర అంటున్నారు. బాహుబలికి ఎంతటి ఆదరణవచ్చిందో, అదే మోస్తరు సాంకేతిక విలువలు, కథాబలమున్న రుద్రమదేవి చిత్రాన్ని కూడా ప్రేక్షకులు ఆదరిస్తారని నిర్మాణబృందం విశ్వసిస్తోంది.
రుద్రమదేవిలో అనుష్కాతోపాటుగా అల్లు అర్జున్, రానా దగ్గుబాటి, విక్రంజీత్, ప్రకాష్ రాజ్, కృష్ణంరాజు, నిత్యామీనన్ వంటివారు నటించారు. ఇళయరాజ సంగీతం సమకూర్చారు. నీతా లుల్లా నాటి కాకతీయ కాలంనాటి దుస్తులను తయారుచేశారు.
మూడవ శతాబ్దికాలంనాటి కాకతీయ సామ్రాజ్యంనాటి కథావస్తువుతో తీసిన రుద్రమదేవి తెలుగుతోపాటుగా హిందీ, తమిళం, కన్నడ, మలయాళం భాషల్లో విడుదలఅవుతుంది.
– కణ్వస
