చిరంజీవిని ప‌వ‌న్ క‌ల్యాణ్ వాడుకోలేదు. బ‌న్నీ వాడుకోలేదు. రామ్‌చ‌ర‌ణ్ అప్పుడ‌ప్పుడూ కాస్త ట్రై చేస్తున్నాడు.కానీ.. సాయిధ‌ర‌మ్ తేజ్ మాత్రం ఫుల్లుగా వాడేస్తున్నాడు, చిరు పాట‌ల్ని, బిరుదినీ, స్టోరీల్నీ ఎవ్వ‌రూ వాడుకోనంత‌గా వాడేస్తున్నాడు సాయి. త‌న తొలి సినిమా రేయ్‌లో.. గోలీమార్ పాట వాడాడు. సుబ్ర‌మణ్యం ఫ‌ర్ సేల్‌లో గువ్వా గోరింక‌తో పాట‌ని రీమిక్స్ చేశాడు. ఇప్పుడు చిరంజీవి బిరుదు సుప్రీమ్ హీరోలో సుప్రీమ్‌ని టైటిల్‌గా చేసుకొన్నాడు. అంత‌టితో ఆగ‌లేదు. ఈసినిమాలో అందం ఇందోళం పాట‌నీ రీమిక్స్ చేసేశాడు.
అంతేనా అంటే.. అక్క‌డితో ఆగిపోలేదు. ఈ సినిమా క‌థ.. ప‌సివాడి ప్రాణం క‌థ‌కి పోలిక‌లు ఉన్నాయ‌ట. అదీ మావ‌య్య సినిమానే. అంటే.. హోల్ సేల్‌గా చిరుని తెగ పిండేసుకొంటున్నాడ‌న్న‌మాట ఈ మెగా మేన‌ల్లుడు. అయితే సుప్రీమ్ పేరు పెట్టే ముందు చిరంజీవి ప‌ర్మిష‌న్ తీసుకొన్నాడ‌ట. చిరు కూడా సంతోషంగా మేన‌ల్లుడికి టైలిల్ దానం చేశాడ‌ట. మ‌రి.. ఈ పేరు.. సాయి ఎంత వ‌ర‌కూ నిల‌బెట్టుకొంటాడో చూడాలి. వ‌చ్చే నెల‌లో ఈ చిత్రం ప్రేక్ష‌కుల ముందుకు వ‌స్తోంది.
