కొత్త కాన్సెప్ట్ : పేరు పెట్టకపోయినా రాజధానులే !

ప్రత్యేకహోదా పేరు మాత్రమే లేదు.. ఆ ప్రయోజనాలన్నీ ఇచ్చాం అని కేంద్రం గతంలో ప్రకటించింది. ఇప్పుడు అదే కాన్సెప్ట్ ను వైసీపీ అమలు చేస్తోంది. అయితే అది హోదా విషయంలో కాదు.. రాజధానుల విషయంలో. అమరావతి, కర్నూలుల్ని రాజధానులు అని పిలవకపోయినా రాజధానులుగా అభివృద్ది చేస్తామనే కొత్త వాదనను సజ్జల తెర ముందుకు తీసుకు వస్తున్నారు.

ఇతర రాష్ట్రాలు, న్యాయస్థానాల్లో ఇంగ్లిష్‌లో ఏపీకి మూడు రాజధానులనేది పూర్దిగా తప్పుడు ప్రచారమని.. మిస్ కమ్యూనికేషన్ అని ఘంఠాపథంగా చెబుతున్న వైసీపీ సీఎం, మంత్రులు..ఏపీకి వచ్చే సరికి తెలుగులో మాత్రం.. అదేమీ తెలియదన్నట్లుగా ప్రజల వద్ద తమ విధానం మూడు రాజధానులే అని బొంకుతున్నారు. సుప్రీంకోర్టులో న్యాయరాజధాని అనేదే లేదని ప్రభుత్వం వాదించింది. ఢిల్లీలో సీఎం జగన్ విశాఖే రాజధాని అన్నారు. బెంగళూరులో బుగ్గన అసలు మూడు రాజధానులు అనేది తప్పుడు ప్రచారం అన్నారు. ఇదంతా కళ్ల ముందు కనిపిస్తూ.. వినిపిస్తూ ఉండగా.. తెలుగులో వైసీపీ నేతలు మాత్రం.. మూడు రాజధానులే తమ విధానమని అందులో మార్పు లేదని చెప్పుకొచ్చారు.

మూడు రాజధానులపై ఎలాంటి అనుమానాలు పెట్టుకోవద్దని… వైసీపీ విధానం మూడు రాజధానులేనని అంబటి రాంబాబు ప్రకటించారు. రాయలసీమ, ఉత్తరాంధ్ర, కోస్తా అనే స్ధానిక భావాలున్నాయి.. వాటిని వదులుకోకూడదనే మూడు రాజధానులు ఏర్పాటు చేస్తున్నామని కొత్త భాష్యం చెప్పారు. సజ్జల రామకృష్ణారెడ్డి కూడా అదే విధంగా మాట్లాడారు.. బుగ్గన ఏ సందర్భంలో చెప్పాలో తెలియదని.. వైజాగ్ లో సచివాలయం ఉండాలి…అసెంబ్లీ అమరావతి లో ఉంటుంది హై కోర్ట్ కర్నూలు లో ఉంటుంది ..ఇదే మా విధానం అని ప్రకటించారు.
మూడు ప్రాంతాల అభివృద్ధి కి కట్టుబడి ఉన్నామమన్నారు. రాజధాని అనే పేరు పెట్టుకున్న లేకున్నా మూడు ప్రాంతాల అభివృద్ధి ఎజెండా అని సజ్జల చెప్పుకొస్తున్నారు.

అంటే రాజధాని అనే పేరు లేకపోయినా అభివృద్ది చేస్తామని అక్కడ హైకోర్టు పెడతామని.. ఇక్కడ అసెంబ్లీ ఉంటుందని సజ్జల చెప్పాలనుకుంటున్నారు. మొత్తంగా వైసీపీ నేతల వ్యవహారశైలి.. ప్రకటనలు పూర్తి స్థాయిలో ప్రజల్ని పిచ్చి వాళ్లుగా పరిగణిస్తున్నట్లుగా ఉంది. తాము ఏం చేసినా.. చెప్పినా నమ్మే జనం ఉన్నారన్నట్లుగా వారి ధీమా ఉంది. ఈ వ్యవహారం ఇప్పుడు ప్రజల్లోనూ చర్చనీయాంశం అవుతోంది.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

‘లెజెండ్’ ఎఫెక్ట్.. జయం మనదే

బాలకృష్ణ లెజెండ్ సినిమా ఈనెల 30న రీ రిలీజ్ చేస్తున్నారు. ఈ సినిమా పదేళ్ళు పూర్తి చేసుకున్న నేపధ్యంలో రీరిలీజ్ కి పూనుకున్నారు. ఈ సినిమా 2014 ఎన్నికల ముందు వచ్చింది. ఆ...

కేకేను తిట్టి పంపించిన కేసీఆర్

రాజ్యసభ ఎంపీ కేకే, ఆయన కుమార్తె హైదరాబాద్ మేయర్ విజయలక్ష్మి శనివారం కాంగ్రెస్ పార్టీలో చేరాలని నిర్ణయించుకున్నారు. తనను పార్టీలో చేర్చుకుని రెండు సార్లు రాజ్యసభ సీటు ఇచ్చిన కేసీఆర్ కు ఓ...

అవినాష్ రెడ్డికి ఎన్నికల ముందే బెయిల్ రద్దు గండం ?

అవినాష్ రెడ్డి బెయిల్ రద్దు చేయాలని అప్రూవర్ గా మారిన దస్తగిరికి పిటిషన్ వేసే హక్కు ఉందని హైకోర్టు స్పష్టం చేసింది. దీంతో ఆయన వేసిన పిటిషన్‌పై విచారణ జరగనుంది. ఏప్రిల్...

‘ఆడు జీవితం’ రివ్యూ: ఎడారి పాలైన బ్రతుకుల వ్యధ

ఫారిన్ చిత్రాలతో పోల్చుకుంటే భారతీయ చిత్రాలలో సర్వైవల్ థ్రిల్లర్స్ తక్కువే. అయితే ఈ మధ్య కాలంలో మలయాళ పరిశ్రమ ఈ జోనర్ పై ప్రత్యేక దృష్టి పెట్టింది. '2018' చిత్రం ఆస్కార్ నామినేషన్స్...

HOT NEWS

css.php
[X] Close
[X] Close