క‌రోనా భ‌యాల‌తో హీరోలు సెట్లోకి అడుగుపెట్ట‌డానికి కాస్త ఆలోచిస్తున్నారు. కొంత‌మంది హీరోలైతే.. `ఇప్ప‌ట్లో షూటింగుల‌కు రాలేం` అని ముందే చెప్పేస్తున్నారు తాజాగా మహేష్ బాబు కూడా అక్టోబ‌రు వ‌ర‌కూ షూటింగుల‌కు రాలేడ‌ని తెలుస్తోంది. అయితే ఈలోగా త‌న కొత్త సినిమా `స‌ర్కారు వారి పాట` మాత్రం మొద‌లైపోతుంది. ఆగ‌స్టులో `స‌ర్కార్‌…` సెట్స్‌పైకి వెళ్తుంది. మొదటి షెడ్యూల్ లో మహేష్ లేని స‌న్నివేశాల్ని చ‌క చ‌క పూర్తి చేయాల‌ని ద‌ర్శ‌కుడు ప‌ర‌శురామ్ భావిస్తున్నాడు. హైద‌రాబాద్ లోని రామోజీ ఫిల్మ్ సిటీలో ఈ సినిమాకి సంబంధించిన కొన్ని కీల‌క‌మైన సెట్స్ వేయ‌బోతున్నార‌ని తెలుస్తోంది. అందులోనే ఎక్కువ భాగం షూటింగ్ జ‌ర‌గ‌బోతోంది. అక్టోబ‌రులో మహేష్ సెట్స్ లోకి అడుగ‌పెట్టే ఛాన్సుంది. హీరోయిన్ కూడా దాదాపుగా అ స‌మ‌యంలోనే రంగ ప్ర‌వేశం చేస్తుంది. ఈలోగా.. మిగిలిన సన్నివేశాలు, సెట్స్ ప‌నులు పూర్తవుతాయి. మహేష్ స‌ర‌స‌న క‌థానాయిక‌గా కైరా అద్వాణీ, మంజ్రేక‌ర్ (ద‌బాంగ్ 3 ఫేమ్‌) పేర్లు ప‌రిశీల‌న‌లో ఉన్నాయి. ఇప్పుడు మహేష్ తండ్రి పాత్ర కోసం అన్వేష‌ణ మొద‌లైంది. అందులో ఓపేరున్న న‌టుడు క‌నిపిస్తాడ‌ని స‌మాచారం. అవ‌స‌ర‌మైతే బాలీవుడ్ న‌టుడ్ని తీసుకురావాల‌ని చిత్ర‌బృందం భావిస్తోంద‌ట.
మహేష్ లేకుండానే ‘పాట’ పాడేస్తారు
