ప్ర‌భాస్ – ప్ర‌శాంత్ నీల్ కాంబినేష‌న్‌లో ఓ చిత్రం రూపుదిద్దుకొంటోంది. అదే సలార్. ఈ సినిమాపై భారీ అంచ‌నాలు ఉన్నాయి. సెట్స్‌పైకి వెళ్లి ఇంత‌కాల‌మైనా… టీజ‌ర్ గానీ, ఓ పాట గానీ బ‌య‌ట‌కు రాలేదు. అప్ డేట్స్ రావ‌డం కూడా ఆగిపోయాయి. చిత్ర‌బృందం అధికారికంగా పోగ్రెస్ చెప్ప‌డం లేదు. అయితే.. ఈ సినిమా కొత్త షెడ్యూల్ త్వ‌ర‌లోనే విశాఖ‌ప‌ట్నంలో మొద‌లు కానుంది. విశాఖ పోర్టులో 15 రోజుల పాటు కీల‌క స‌న్నివేశాలు, యాక్ష‌న్ ఎపిసోడ్ తెర‌కెక్కిస్తార‌ని తెలుస్తోంది. ప‌నిలో ప‌నిగా `ప్రాజెక్ట్ కె`కి సైతం కొన్ని కాల్షీట్లు కేటాయించిన‌ట్టు స‌మాచారం. ఫిబ్ర‌వ‌రి మొత్తం.. సలార్, ప్రాజెక్ట్ కేల‌కే ప్ర‌భాస్ స‌మ‌యం ఇచ్చాడు. ఈ నెల‌లో ప్రాజెక్ట్ కె నుంచి ఓ సూప‌ర్ అప్ డేట్ రాబోతోంది. ఈ సినిమాని రెండు భాగాలుగా రూపొందిస్తున్నార‌ని రూమ‌ర్లు వినిపిస్తున్నాయి. రెండు భాగాల‌పై చిత్ర‌బృందం వివ‌రణ ఇచ్చే అవ‌కాశం ఉంది. మ‌రోవైపు ప్ర‌భాస్ – మారుతి సినిమాకి సంబంధించిన ప‌నులు కూడా జ‌రుగుతున్నాయి. మార్చిలో ఈ సినిమా కొత్త షెడ్యూల్ ప్రారంభ‌మ‌య్యే అవ‌కాశాలు ఉన్నాయి.
సలార్ అప్ డేట్: విశాఖ‌లో 15 రోజులు
