చిరంజీవి క‌థానాయ‌కుడిగా న‌టిస్తున్న చిత్రం `గాడ్ ఫాద‌ర్‌`. మ‌ల‌యాళంలో విజ‌య‌వంత‌మైన `లూసీఫ‌ర్‌`కి ఇది రీమేక్‌. మోహ‌న్ రాజా ద‌ర్శ‌క‌త్వం వ‌హిస్తున్నారు. ఈ సినిమాలో సల్మాన్ ఖాన్ అతిథి పాత్ర‌లో క‌నిపించ‌బోతున్న సంగ‌తి తెలిసిందే. సల్మాన్ పై కొన్ని కీల‌క‌మైన స‌న్నివేశాలు, ఓ ఫైటు తెర‌కెక్కించారు. మ‌ల‌యాళంలో ఫృథ్వీరాజ్ చేసిన పాత్ర ఇది. త‌ను క్లైమాక్స్ లో వ‌చ్చి సినిమాకి కాస్త కిక్ యాడ్ చేస్తాడు. తన పాత్ర ప‌రిధి కూడా కొన్ని సీన్లు, ఓ ఫైట్ మాత్ర‌మే. అయితే.. సల్మాన్ రాక‌తో… ఆ పాత్ర ప‌రిధి ఇంకాస్త పెంచాల్సివ‌చ్చింది. ఓ పాట కూడా ఇప్పుడు జోడిస్తున్నారు. ఆ పాట‌లో చిరు, సల్మాన్ క‌లిసి స్టెప్పులు వేయ‌బోతున్నారు. ఈవారంలోనే ఈ పాట‌ని ముంబైలో తెర‌కెక్కించ‌డానికి రంగం సిద్ధం అవుతోంది. ఇప్ప‌టికే ఈ పాట కోసం ఓ పెప్పీ ట్యూన్ త‌యారైంది. జానీ మాస్ట‌ర్ నేతృత్వంలో… ఈ పాట‌ని తెర‌కెక్కిస్తారు. చిరు, సల్మాన్ క‌లిసి.. స్టెప్పులు వేయ‌డం కొత్త‌గానే ఉంటుంది. ఈ సినిమాకి ప్ర‌ధాన ఎస్సెట్ గా ఈ పాట మార‌బోతోంది. ఈ సినిమా కోసం సల్మాన్ కి ఎంత పారితోషికం ఇచ్చారు? అనేది ఆస‌క్తి క‌ర‌మైన ప్ర‌శ్న. సల్మాన్ ఇమేజ్‌, తన క్రేజ్ ని దృష్టిలో పెట్టుకుంటే.. ఎంతిచ్చినా త‌క్కువే. కానీ సల్మాన్ ఈ సినిమా కోసం ఒక్క రూపాయి కూడా పారితోషికం తీసుకోలేద‌ని ఇన్ సైడ్ వ‌ర్గాలు చెబుతున్నాడు. `చిరుపై గౌర‌వంతో ఈ ఆఫ‌ర్‌కి ఒప్పుకొన్నా. నాకు డ‌బ్బులు అవ‌స‌రం లేదు.. డ‌బ్బులు ఇస్తానంటే ఈ సినిమా చేయ‌ను` అని సల్మాన్ సున్నితంగా తిర‌స్క‌రించి చిరుపై తన అభిమాన్ని చాటుకొన్నాడ‌ట.
చిరు – సల్మాన్ స్టెప్పులేస్తున్నారు!
