పవన్ క‌ల్యాణ్, సాయిధ‌ర‌మ్ తేజ్ క‌లిసి న‌టిస్తున్న చిత్రం `బ్రో`. స‌ముద్ర‌ఖ‌ని ఈ చిత్రానికి ద‌ర్శ‌కుడు. త‌మిళంలో ఆయ‌న తీసిన `వినోదాయ సీత‌మ్‌`కి ఇది రీమేక్. షూటింగ్ చ‌క‌చ‌క సాగిపోయింది. ఓ పాట మిన‌హా సినిమా పూర్త‌యిన‌ట్టే. ఈమ‌ధ్య కాలంలో పవన్ సినిమాని ఇంత ఫాస్ట్ గా పూర్తి చేసిన దాఖ‌లాలు లేవు. ఈ విష‌యంలో స‌ముద్ర‌ఖ‌నికి పూర్తి మార్కులు ప‌డ‌తాయి. అందుకే పవన్ మ‌రోసారి స‌ముద్ర‌ఖ‌నికి ఆఫ‌ర్ ఇచ్చిన‌ట్టు స‌మాచారం. `బ్రో` విడుద‌లైన త‌ర‌వాత.. స‌ముద్ర‌ఖ‌నితో మరో సినిమా చేయ‌డానికి పవన్ ఒప్పుకొన్నాడ‌ట. ఈసారి రీమేక్ సినిమా కాకుండా, ఓ స్ట్ర‌యిట్ క‌థ‌తో ఈ సినిమా తీస్తార‌ని తెలుస్తోంది. పవన్ ఇప్పుడు వేగంగా సినిమాలు చేయ‌డంపై దృష్టి పెట్టాడు. స‌ముద్ర‌ఖ‌ని కూడా సినిమాని తక్కువ టైమ్ లో పూర్తి చేస్తాడు. దానికి `బ్రో` సినిమానే సాక్ష్యం. పైగా స‌ముద్ర‌ఖ‌నిలో విష‌యం ఉంది. త‌న సినిమాల‌న్నీ కొత్త పంథాలో సాగుతాయి. అందుకే స‌ముద్ర‌ఖ‌నితో ప‌నిచేయ‌డానికి మ‌రోసారి రెడీ అయ్యాడు పవన్. వ‌చ్చే నెల‌లో బ్రో విడుద‌ల అవుతుంది. ఆ త‌ర‌వాత ఈ కాంబోకి సంబంధించిన అధికారిక ప్ర‌క‌ట‌న వ‌స్తుంది.
స‌ముద్ర‌ఖ‌నితో పవన్.. మ‌రోసారి!
